Poezi te poetes Dituri Dizdari.

Marrosur dlirueshem...


Marrosur dlirueshëm, kur gjithsa kish ngjarë
u fshi menjëherë
dhe isha ajo që doja dhe çfarë doja bëja:
…u qetova në ty

E paqtë, shijeëmbël me veten
këputur marrish deri në fund të ndjenjës.

...jam me ty…

E di ... ka një jetë që e pres këtë çast,
të shoh ty, t’ë përjetoj ngadalë, të prehem tek ti…
të kundroj dritën
thellë teje ndricimin…
… e tëra tek ti
…flatra qiellçlirues kredhur në liri…

Jo, mbarim nuk mund të ketë tani
as fillim të asgjëje mosjete.
zanafillën zë këtu fryma njerëzore…

Tani një fytyrë të lumtur vështroj
dhe mbaron… më mbaron mendimi
se mund të shihet përtej saj.

Dite vjeshte...

Një re qiellit - malli im.
Gjithë dhimbja e patretur e një jete
peshën e kujtesës mban

Gjithë pesha e saj në një re vjeshte.

Me të në qiell unë luaj.
Si fëmijë

...gishtat e dëshirës ledhatojnë, prekin
...fytyrën,sytë,buzët…
…e vështroj dhe më vështron…
... çapis drejt saj…
... afrohet drejt meje…

Udha e gjatë e dashurisë time.
...në një re vjeshte.

Erdha tek ti...

Një peshë e rëndë
mban një zjarr që digjet fort
Erdha tek ti.

Mendim prarohet bukurish
lodhja e shpirtit agimit i falet
Erdha tek ti.

Asgjë s’kuptova nuk di si erdha
Mezi prisja, të të shihja tek dera
Erdha tek ti.


E gjithë e ndezur
e jashtë e mekur
Erdha tek ti.

Pse digjej brenda aq shumë zjar
ty nuk të gjeta.

Per te gjitha enderrat...
(Heroit çek që dogji veten si
protestë ndaj pushtimit Rus)


Ti nuk mund t'a dije...
Që të digjeshe i tëri...

Pak zjarr në trupin e mardhur të lirisë,dhimbjes.
Pak gjak në skeletin e ngrirë të globit.

Që të digjeshe i tëri...
Unë jam këtu me ty,
për të gjitha ëndrrat dhe dashuritë e tua - qiri i ndezur,
i lutjeve në buzët e njerëzve.
Vikamë e heshtjes, e të shtypurve revoltë,prangëthyese.
Unë jam këtu me ty.

Që të digjeshe i tëri...
Syrin e verbër, të hapë pakëz bota.