LIVADHIN E SHKRETË E KULLOSIN KUAJT E VERDHË! (Poezi Satirike)

“LIVADHIN E SHKRETË E KULLOSIN KUAJT E VERDHË!”


N’Kosovën e lirë, plot fukarallëk,
Probleme aktuale kemi me bollëk !
Duke i falur Zotit dhe “Demokracisë”-
Ato çdo ditë shtohen mbi supet e njerëzisë !

Kosova është shndërruar – n’ “Poligon kolektiv,
Për eksperimente me njerëzit primitiv !”
Kështu ka pas thënë , gjyshi im i ndjerë:
“Livadhin e shkretë e kullosin kuajt e verdhë !”

Sa ta pish një kafe, me mik, a bashkëfshatarë –
Atë, ta zënë në fyt – 15 lypsarë !...
Njëri lypë për bukë – tjetri për ilaçe ,
I treti për drogë – i katërti për helaçe !...

Të vuajturit, të sëmurët seç kërkojnë shërim,
Për t’ ikur nga vdekja – për të gjet shpëtim !
Në dyer të klinikave , shkruan: “HASTAHANE”-
Kur t’ shtrihen në shtretër – iu del :”KASAPHANE”!

Blejnë barëra të shtrenjta, për t’iu buzëqeshë fati –
Shërbehen me barëra të dala afati !
N’ epruveta t’ mantelbardhëve dhe “humanitarëve”-
Shitet gjak rezervë t’ lopëve e t’ gomarëve!...

Dhe dashtë e pa dashtë, pacient fatziu –
Atë gjak e paguan , si për gjak njeriu !
T’ nesërmen nga ezanët , larg ndihen poterat –
Shihni sa kanë vdekur – janë mbushë plot banderat !

Dhe grave që s’ përjetuan kurrë lindje normale –
Ata, ju afrojnë fekondime artificiale?!
-Sa për shtatzëni , mos shkoni në Shkup,
Për spermë të sigurt, kemi plot magjup !...

Ata, japin spermën ma lirë se sa falë –
Me garancione: në daç çikë, n’ daç djalë !
N’ dashi spermë magjupi, n’ dashi spermë gabeli ,
Kem “ekspert” Turqie dhe nga Izraeli !

Dhe me këtë përzgjedhje, për një fekondim –
33 mijë Euro, duhet dhënë shpërblim !
Më në fund shtatzënat – n’ vend se me djep,
Familjeve të shkreta – iu kthehen n’ sandek !

Del para kamerave - ministri me stërkeqje ,
Për gjithë këto të bëma – thotë: “Nuk jap dorëheqje”!
Shtëpitë e kryetarëve – janë depo baroti ,
Me halle t’ qytetarëve – ka rënë n’ hall dhe Zoti !

Gjilan, më 14 Nëntor 2008.
Demir KRASNIQI

Urime Shaban per poezine e bukur satirike qe keni sjellur ne forum.

Packa se ne te vertete keto halle dhe probleme per te cilat flet poezi, jane duke u perjetuar aktualishte ne populli, gjithsesi ana satirike mbetet e vecante.

Gjithe te mirat.

Scarface shkruajti:Urime Shaban per poezine e bukur satirike qe keni sjellur ne forum.

Packa se ne te vertete keto halle dhe probleme per te cilat flet poezi, jane duke u perjetuar aktualishte ne populli, gjithsesi ana satirike mbetet e vecante.

Gjithe te mirat.

I po te njejtit mendim jam edhe une.

Kalofshi mire.

FLM,juve te dyve