Tekste Kengesh Popullore Shqiptare...

????????? ?????????? ??????

Demir KRASNIQI:

FESTA E LULEVE

o Kushtuar Ditës së Mësuesit Shqiptar –

Teksti dhe muzika : Demir KRASNIQI

Duart plot lule ngjyra – ngjyra ,

Fëmijëve tanë iu qeshet fytyra .

Mësuesve t’ dashur ua dhurojnë –

Festën e shenjtë ua urojnë !

Refreni:

Festa e luleve – festa e shkronjave ,

Hidhet vallja e shqiponjave ,

Që nga Korça e Manastiri –

N’ ballë iu prinë Pandeli Sotiri .

Dritë e gaz mbi buzë të fëmijës –

Janë këto lule t’ Ilirisë .

Festë e dritës – Abetare ,

Festë e shkollës shqiptare .

Refreni:

Festa e luleve – festa e shkronjave ...etj.

Kokat mbushur plot mësime ,

Gojët mbushur me urime ,

Zemrat mbushur plot gëzime,

Fytyrat qeshur n’ përqafime .

Refreni:

Festa e luleve – festa e shkronjave ...etj.

Festë të madhe ka shkolla sot ,

Nxënëse mësues është mbushur plot .

Jehon kënga , zien hareja –

Dituri e rreze të reja .

Refreni:

Festa e luleve – festa e shkronjave ...etj.

N’ gëzim mësuesi fluturon –

Kur nxënësi lule i dhuron !

Mësuesit – festa i urohet ,

N’ krenari jeta i shtohet !

Refreni:

Festa e luleve – festa e shkronjave ...etj.



DHURATË NËNËS

Teksti: Autor i panjohur

Muzika: Demir Krasniqi

Po vjen sërish pranvera ,

Ja erdhi Tetë Marsi .

Për nënën një dhuratë

Unë dua ta bëjë gati .

Po vjen sërish pranvera ,

Do t’ mbledh unë manushaqe .

Për festën tënde nënë ,

Do të puthi në faqe .

Do t’ zgjedh për ty ca vargje

Me to do t’ thurë një këngë .

Në ditën e Tetë Marsit

Do të ta dhuroj moj nënë !

LUFTA E ÇAJIT TË RUSIT KUNDËR SHEQERIT

Shumë bardakët n’ kamë janë çue ,

Shumë e lugët i kanë shtrëngue ,

Shumë e tabllat i kanë forcue ,

Në nji tepsi krejt janë rreshtue ,

Me ujë t’ pusit janë kuvendue ,

Shpejt e shpejt me u pastrue ,

Me çaj t’ Rusit , janë bashkue ,

Kanë lidhë besën me luftue –

Krejt sheqerin me e farue !

Kanë lidhë besë, po bajnë hyxhym –

Ujë e çaj janë futë n’ xhygym !

Kanë lidhë besë, janë besatue –

Të dy bashkë me u përvëlue ,

Bashkë mbi zjarr me u shterue ,

Prej nxehtësisë mos me u frikësue ,

Lugë, bardakë me i rrotullue –

Krejt sheqerin me e farue !

Ndizet zjarri pa kufi –

Dy xhygyma po kcejnë përmbi ,

Gurgullojnë, valën s’e ndalin –

Kcen i vogli përmbi t’ madhin !

Plot ujë t’ valë e çaj të zi –

Presin anash nji ushtri !

Uji i valë asht turbullue ,

Çaji i Rusit asht tërbue !

Kcejnë stërpikat thikë përpjetë –

Mbi oxhak e mbi shporet ...

Fort xhygymat janë sertue ,

Prej nxehtësisë donë me fluturue ,

Çka t’ gjejnë para me i përvëlue !

Komandanti n’ kamë na u çue –

Ngatë xhygymave ju ka afrue ,

Me mjeshtri me ndërmjetësue ,

Mos me i lanë me na përvëlue ,

Ndërmjet veti me u shkatërrue !

Ngatë tepsinë ua ka afrue ,

Mirë bardakët i ka rreshtue ,

Bardhë si bora i ka pastrue ,

I ka terë , i ka kullue ,

Edhe lugët i ka vizllue ,

Sa mirë n’tablla i ka forcue ,

Si ushtarë i ka rreshtue ,

Nji kullojsë ja u ka afrue ,

Çka ka llom me e kullue !

T’ gjithë bardakëve iu hyni tuta –

Kur panë valën zih si futa ,

Fort u tutën po kërset lufta !

Dridhen , pyesin njeni – tjetrin :

“A asht katran, a asht gjak lepri ?!”

Krejt bardakët janë ba si gardh –

Po i çojnë fjalë sheqerit t’ bardhë :

“N’ e paç mendjen me luftue –

N’ bardakë t’ çajit duhesh me u gjue ,

Me u përlloçë e me u përvëlue ,

Këtë çaj t’ zi, pak me e lehtësue ,

Sa do pak me e ambëlsue ,

Zih e idhtë sikur pelim ,

Veç me e këqyrë , na vjen trishtim !

Lene ma , me e marrë me e pi –

Po na i rrudhë zorrë e mushkri !...

Erdhi sheqeri me kuti ,

E n’ bardakë drejt e kanë shti ,

Me çaj t’ Rusit i mëshojnë përmbi ,

Me ujë t’ valë zi e ma zi ,

Me lugë t’ hekurit tue përzi’ ,

Me tradhti krejt e kanë shkri !

Janë tubue nji tog ushtri ,

Ja kanë nisë çajin me e pi !

Qesin çaj , hiq pa e kullue ,

Edhe ujë , hiq pa i shtue ,

Shumë sheqerin e kanë damtue !

N’ kupë të qiellit bërtet sheqeri –

Qysh m’ përvëluen, oh, unë i mjeri ?!

Këqyr ushtria çka kanë thanë –

S’ mund po e pimë se koka i ranë ,

Bjerna tabllat me liman ,

Ndoshta pak ma lehtë na e banë !

Shpejt limonët n’ kamë janë çue –

N’ ndihmë sheqerit i kanë shkue ,

Çajin e Rusit me ja u lehtësue !

Por limonët i kanë tradhtue ,

Flegra – flegra i kanë coptue ,

Mbi çaj t’ valë i paskan gjue ,

Hiq pa mëshirë i kanë përvëlue !

Zunë, limonët me lugë po i ndrydhin ,

Sa po munden n’ bardakë po i shtrydhin ,

Çaji i zi, zu po sarihet –

Me limon ma lehtë po u pihet !

Tue pi çaj , po qesin trika –

Çajaxhisë , tu i dhanë kritika :

“Komandant, ty, të raftë pika ,

Pse s’ ke pjekë edhe kikirika ?

Kikirika e lebebija ,

S’ mund po e pinë as gratë, as fëmija !

Rrush të thatë e portokalla ,

Ma mirë dimë t’ kallëzojmë kopalla ,

Kallëzojmë rrena , kallëzojmë përralla ,

Kënaqën fëmija e krejt mahalla !

Me sahana u sjellin kupaça –

Oh, oh, oh, me çaj u kënaqa !

N’ tavolinë plot molla e dardha –

Kallëzojnë përralla e “faqe t’ bardha”!

Rrasën mirë dardha e molla –

Politikë bajnë hiq pa shkolla !

Pinë duhan, qërojnë banana –

Qaty nisen fjalët e rana !

-Çajaxhi, ty, të dektë nana –

Ktheje këtë çaj se s’ po ma ka ana !

Çka ka thanë mixha Kamer –

E due çajin hiq pa sheqer !

Qitma çajin krejt të zi ,

Se unë jam nji taraçi !

Xha Ujkani përballë votre –

E due çajin me ‘i gjysë kokrre !

Priti e foli mixha Hetë –

Unë e due çajin e lehtë !

Atëherë foli mixha Ramë –

Unë e due çajin e ranë !

Mori fjalë mixha Selman –

E due çajin me limon !

Pa ia nisë me e pi hala –

Mirë bardakun s’e paske la !

Unë këtë çaj nuk mujë me e pi –

Mirë bardakun s’e paske fshi !

Me nervozë flet mixha Fetë –

Ktheje këta e bima ma t’ nxehtë !

Njani tha:”Leni këto llafe ,

Po çou e piçna tash ka nji kafe ,

T’ Zotit t’ shpisë t’i hiqmi qafe !”

I Zoti i shpisë rrinë tue bërtitë –

Ndaluni ma se doni me m’ fikë !

Me kanë mirë, këtë çaj me e rritë –

E kishin mbjellë në Amerikë ,

S’ na kish ra n’ gojë as nji pikë !

Çaji i Rusit – çaj për t’ zi ,

N’ Banglladesh, n’ Cejlon, n’ Indi ,

Në Turqi e n’ Arabi ...

Fukaraja janë tue pi –

Ja u ka tha zorrë e mushkri !...

N’ ditë t’ pazarit – dil n’ çarshi ,

Dil e këqyri njerëzit karshi ,

Këqyr kush vjen veç asht e lëkurë –

Çajin prej gojës s’e hjek kurrë !

Tri herë n’ dite pinë çaj taze –

Sarillan sikur xhenaze !

Kush s’e pi – thonë – nuk asht burrë ,

Thahet , teret , asht e lëkurë !

Çaj të Rusit, kush pi shumë –

Nuk ha bukë, as nuk banë gjumë !

Trupi nisë e i letohet ,

Mendja nisë e i sertohet ,

Gjaku i prishet e i trimnohet ,

Sytë e skuqen dhe i gemtohen ,

Rrinë kambëkryq – kamtë i shtrembnohen ...

Rrinë gjithë natën si lugat –

Nuk ka dreq që e qet në shtrat !

Der’ sa gjumi t’a randon –

Nuk ka kush që e frikëson !

Asht i mbushun plot trimni ,

Vret e pret, e banë kërdi ,

S’ ka kush n’ dhe t’ deknit me i shti !

Kështu mendon çajxhia , i shkreti -

Nji mijë dreqën i ka me veti !

Duhan kaçak , nuk ndalet burri –

Tuj pi n’ llullë si oxhak pampuri !

Me ia pa mushkritë e tij –

Veç me kanë ndo ‘i qymyrxhi !

Kur të mbështetet për jastaku ,

Atëherë nisë e i ftohet gjaku .

Për jorgani trupi i ngjitet –

S’i del gjumi deri n’ gjysë t’ ditës !

Kur të zgjohet – tebdil hava ,

Thue se a ra në shtatë bela !

Sa trimërinë e ka premtue –

Çka ka folë – krejt ka harrue !

Fort asht lodhë e asht pendue –

Kohën kot pse e ka çue ?!

Ja ka nisë e po banë be –

Pasha ditën, kur jam le ,

Pasha shpatllën e këtij knuesi ,

Nuk hi n’ luftë ma me çaj Rusi !

Kështu n’ këtë luftë , sheqeri i ngrati ,

Fort e zuni taksirati ,

Erdh me thes deri te hajati ,

Por s’e zuni as sahati !

Gjilan, më 1998.

Demir KRASNIQI

LUFTA KUNDËR KANGËS SHQIPTARE

Producentët n’ kamë janë çue ,

T’ gjitha forcat i kanë bashkue ,

Me kangëtarë e me kangëtare –

Me i shpallë luftë kangës shqiptare !

Nga çdo anë ndihmë kanë kërkue –

Armë të randa me iu çue !

Iu çoi sinta Japonia ,

Darabukë iu çoi India ...

Emiratet e Arabisë ,

I kanë çue haber Turqisë –

Shpejt Junanin me e urdhënue ,

T’ gjithë buzukët me i shtrëngue ,

Kësaj lufte me iu bashkue !

Satelitët i kanë montue ,

Për hava me fluturue ,

Shpi për shpi me aterue –

Kangët shqipe me i bombardue !

Tatlisesi – komandant ,

N’ Kumanovë ka ba desant ,

Luftë e madhe ashtë zhvillue –

Kanga shqipe ashtë plague !...

N’ mbarë Pollogun , lufta krisi ,

Edhe Shkupin e kërdisi ,

Erdh Gazeli e Buzukisi ,

N’ krye me ta Teodorakisi !...

Shpi për shpi hyni Virusi –

Kangët shqipe i mori pusi .

Diversantët me porosi –

Kangët shqipe duen me i zhbi !

Plot me lopë , dele kallusha ,

Plot kaseta na u mbush fusha .

Na u mbush fusha , na u mbush mali –

Prej dashnisë – po digjet djali !...

Armatosen përlakë e mushka –

Vathë në vesh , kambana n’ gusha ...

S’ mund po i nxjerrin topat prej lloçit –

Duel Shehidja prej kallamboqit !...

Kanë hapë gojë bretkana e zhaba –

Këndojnë himnin :”Shiki –shiki – aba”,

“Ja Muhamed, ja Rabbi ,

Bane zheg si n’ Arabi !”...

Shqyejnë gabzherrët , fryhen gusha –

Me “Dadusha” e “Fatusha”,

Me “Nazusha” e “Salusha” ,

Me “Zemrusha “ e “Takatlusha”...

Me “Midusha” e “Minusha”,

Me “Lidusha” e “Malusha”,

Me “Vetllusha” e “Synolusha”,

Me “Loçkusha” e “Shpirtusha”...

Me “Dragusha” e “Rabusha”,

Me “Pedera” e “Pederusha” ,

Me “Cinglusha” e “ Mingjusha”,

Me “Tupana” e “Surlusha”...

Me luana e arusha ,

Me thi t’ egër e kallusha,

Pirrovina e sarusha –

Na u mbush mali e na u mbush fusha ...

Nga aeroporti i Rugovës –

Fluturoi “Rrushi i Gjakovës” ;

Kryengul ka ra n’ Konçul :

“Ha mish e lakna e rras pasul!”

Dathë e deshë nëpër handraka –

Me kakiçka e halabaka ,

Luftë po bajnë do kamëcullaka ,

I duel tymi e i duel flaka !...

Krisen topat , krisi pushka –

Plotë vejana e plotë vejushka ,

Nëpër gaca e nëpër prusha ,

Tanë tue pjekë raki me rrusha !...

Nëpër therra e nëpër lluga –

Iu ra sida e iu ra zhuga .

Knon rokeri e kcen reperi –

Prej dashnisë iu ra triperi ...

Na u ba nami, na u ba beteri –

Shërim lypshin prej shpriceri !

Shpricer i japin shoqi – sho’it

Bashkë me “Miell t’ Kallamo’it”!

Ulurimë nëpër sokaçe –

Për këto sëmundje s’ ka ilaçe !

N’ hall të madh ra producenti –

N’ idhnim nisi me i ra veti !

Mblidhen “motra” e shumë “vëllazni” –

Grupe – grupe , shpi për shpi ,

Nën parullë t’ “Vëllazënim – Bashkimit “

Kërkojnë rrugët e shpëtimit !...

Fshihen n’ studiot me bedena –

Këndojnë “shqip” si Lepa Brena !

Këndojnë “shqip” si ua ka ana –

Ceca , Zdravku e Dragana!...

Për këtë luftë me këto mafia –

Ndihma t’ mëdha iu çoi Serbia ,

Maqedonia e Bullgaria ,

Nuk mbet anash as Italia ...

Me rokera iu prinë Anglia ,

Vlon pazari e vlon çarshia ,

Luftë po banë “Çaje Shukarija” –

Hedhin valle milicia !...

N’ katër anët sulmojnë ushtria ,

I ka kapë të gjithë uria ,

“Therin “ vashat n’ shesh t’ Prishtinës

Dhe ua hanë “rruezën e shpinës”!

E lëshojnë frontin, vashat , prej drojës –

Mos po ua hanë “guhën e gojës”?!

Kanë zanë pritat n’ shteg të lamës –

Po ua hanë çikave “kaçikët e kamës “!...

Kur kanë dalë në Qafë të Prushit –

E kanë shtrue “Rakinë e Rrushit” .

Pinë raki , skuqen si speca –

N’ ekran duken si dordoleca !


Luftojnë trimat nëpër Golesh –

Lypin “Rrush me kalavesh”:

“Der’ n’ sabah s’ mundem me luftue –

Rrushin e Rrushes , pa ia kërkue”!...

Mulla Hyda, temxhit po thërret :

“Aman, aman, aman, medet ,

Kjo dynja kujt s’i ka mbet ,

Mbasi vdiq Hazreti Sylejmani –

Vdiqën kangët e këtij vatani “!...

Kanga shqipe, priti e foli :

“Bani e u çue , ai Mic Sokoli ,

Bani e u ndjeu çka jeni tue knue –

Krejt n’ grykë t’ topit ka me ju gjue !...

Sefë Kosharja – i pari i fisit ,

Bani e u pa ç’po i bani plisit ,

Bani e u pa si po i mbani tirqit –

Ka me u vjerrë në maje t’ lisit !

Bani e u çue , ai Azem Bejta ,

Bani e u ngritë Shota e Ylfetja ,

Jusufi, Bardhoshi e Kadri Zeka –

Zoti e di se qysh ju vjen deka !”...

Gjilan, më 1996.

Demir KRASNIQI

LUFTA KUNDËR KANGËS SHQIPTARE

Producentët n’ kamë janë çue ,

T’ gjitha forcat i kanë bashkue ,

Me kangëtarë e me kangëtare –

Me i shpallë luftë kangës shqiptare !

Nga çdo anë ndihmë kanë kërkue –

Armë të randa me iu çue !

Iu çoi sinta Japonia ,

Darabukë iu çoi India ...

Emiratet e Arabisë ,

I kanë çue haber Turqisë –

Shpejt Junanin me e urdhënue ,

T’ gjithë buzukët me i shtrëngue ,

Kësaj lufte me iu bashkue !

Satelitët i kanë montue ,

Për hava me fluturue ,

Shpi për shpi me aterue –

Kangët shqipe me i bombardue !

Tatlisesi – komandant ,

N’ Kumanovë ka ba desant ,

Luftë e madhe ashtë zhvillue –

Kanga shqipe ashtë plague !...

N’ mbarë Pollogun , lufta krisi ,

Edhe Shkupin e kërdisi ,

Erdh Gazeli e Buzukisi ,

N’ krye me ta Teodorakisi !...

Shpi për shpi hyni Virusi –

Kangët shqipe i mori pusi .

Diversantët me porosi –

Kangët shqipe duen me i zhbi !

Plot me lopë , dele kallusha ,

Plot kaseta na u mbush fusha .

Na u mbush fusha , na u mbush mali –

Prej dashnisë – po digjet djali !...

Armatosen përlakë e mushka –

Vathë në vesh , kambana n’ gusha ...

S’ mund po i nxjerrin topat prej lloçit –

Duel Shehidja prej kallamboqit !...

Kanë hapë gojë bretkana e zhaba –

Këndojnë himnin :”Shiki –shiki – aba”,

“Ja Muhamed, ja Rabbi ,

Bane zheg si n’ Arabi !”...

Shqyejnë gabzherrët , fryhen gusha –

Me “Dadusha” e “Fatusha”,

Me “Nazusha” e “Salusha” ,

Me “Zemrusha “ e “Takatlusha”...

Me “Midusha” e “Minusha”,

Me “Lidusha” e “Malusha”,

Me “Vetllusha” e “Synolusha”,

Me “Loçkusha” e “Shpirtusha”...

Me “Dragusha” e “Rabusha”,

Me “Pedera” e “Pederusha” ,

Me “Cinglusha” e “ Mingjusha”,

Me “Tupana” e “Surlusha”...

Me luana e arusha ,

Me thi t’ egër e kallusha,

Pirrovina e sarusha –

Na u mbush mali e na u mbush fusha ...

Nga aeroporti i Rugovës –

Fluturoi “Rrushi i Gjakovës” ;

Kryengul ka ra n’ Konçul :

“Ha mish e lakna e rras pasul!”

Dathë e deshë nëpër handraka –

Me kakiçka e halabaka ,

Luftë po bajnë do kamëcullaka ,

I duel tymi e i duel flaka !...

Krisen topat , krisi pushka –

Plotë vejana e plotë vejushka ,

Nëpër gaca e nëpër prusha ,

Tanë tue pjekë raki me rrusha !...

Nëpër therra e nëpër lluga –

Iu ra sida e iu ra zhuga .

Knon rokeri e kcen reperi –

Prej dashnisë iu ra triperi ...

Na u ba nami, na u ba beteri –

Shërim lypshin prej shpriceri !

Shpricer i japin shoqi – sho’it

Bashkë me “Miell t’ Kallamo’it”!

Ulurimë nëpër sokaçe –

Për këto sëmundje s’ ka ilaçe !

N’ hall të madh ra producenti –

N’ idhnim nisi me i ra veti !

Mblidhen “motra” e shumë “vëllazni” –

Grupe – grupe , shpi për shpi ,

Nën parullë t’ “Vëllazënim – Bashkimit “

Kërkojnë rrugët e shpëtimit !...

Fshihen n’ studiot me bedena –

Këndojnë “shqip” si Lepa Brena !

Këndojnë “shqip” si ua ka ana –

Ceca , Zdravku e Dragana!...

Për këtë luftë me këto mafia –

Ndihma t’ mëdha iu çoi Serbia ,

Maqedonia e Bullgaria ,

Nuk mbet anash as Italia ...

Me rokera iu prinë Anglia ,

Vlon pazari e vlon çarshia ,

Luftë po banë “Çaje Shukarija” –

Hedhin valle milicia !...

N’ katër anët sulmojnë ushtria ,

I ka kapë të gjithë uria ,

“Therin “ vashat n’ shesh t’ Prishtinës

Dhe ua hanë “rruezën e shpinës”!

E lëshojnë frontin, vashat , prej drojës –

Mos po ua hanë “guhën e gojës”?!

Kanë zanë pritat n’ shteg të lamës –

Po ua hanë çikave “kaçikët e kamës “!...

Kur kanë dalë në Qafë të Prushit –

E kanë shtrue “Rakinë e Rrushit” .

Pinë raki , skuqen si speca –

N’ ekran duken si dordoleca !


Luftojnë trimat nëpër Golesh –

Lypin “Rrush me kalavesh”:

“Der’ n’ sabah s’ mundem me luftue –

Rrushin e Rrushes , pa ia kërkue”!...

Mulla Hyda, temxhit po thërret :

“Aman, aman, aman, medet ,

Kjo dynja kujt s’i ka mbet ,

Mbasi vdiq Hazreti Sylejmani –

Vdiqën kangët e këtij vatani “!...

Kanga shqipe, priti e foli :

“Bani e u çue , ai Mic Sokoli ,

Bani e u ndjeu çka jeni tue knue –

Krejt n’ grykë t’ topit ka me ju gjue !...

Sefë Kosharja – i pari i fisit ,

Bani e u pa ç’po i bani plisit ,

Bani e u pa si po i mbani tirqit –

Ka me u vjerrë në maje t’ lisit !

Bani e u çue , ai Azem Bejta ,

Bani e u ngritë Shota e Ylfetja ,

Jusufi, Bardhoshi e Kadri Zeka –

Zoti e di se qysh ju vjen deka !”...

Gjilan, më 1996.

Demir KRASNIQI
MBAHU E FORTË KOSOVË DARDANE

Mbahu e fortë, Kosovë dardane ,

Mbi ty, shkijet po kërcejnë pa dane !

Herë n’ Prizren, herë në Deçan ,

N’ Graçanicë, n’ Gazimestan !...

N’ krye t’ valles , po prijnë popat ,

Pa pengesë na i shkelin tokat!

Luftë të re, nxisin këta popa,

Bëjnë sehir me ta Evropa ?!

Përmbi eshtra të Car Dushanit –

Nxitet lufta e Ballkanit!

Përmbi eshtra të Car Llazarit –

Shkelet gjaku i shqiptarit !

Shkelen ligjet dhe pushteti,

Shkelet rënd sovraniteti,

Shkelet akti i pavarësisë :

“Kosova – djep i Serbisë “?!

Përmes riteve fetare –

Nxitet urrejtja shqiptare !

Përmes kishave e manastireve –

Lutje t’ kobshme u bëjnë sehireve!

Me struktura paralele –

Janë mbushë male e zabele !...

Me standarde të dyfishta –

Frymojnë institucione t’ brishta !...

Mishngrënësit e sllav barbarëve –

Sërish n’ gjah kundër shqiptarëve !

Këta kasapë janë të përsosur –

Gjak shqiptari s’ dinë të ngopur !

Gjilan, më 11.01.2011. Demir KRASNIQI

Demir KRASNIQI:

MË THËRRET VENDLINDJA

M’ thërret vendlindja , m’ thërret Gollaku,

M’ thërrasin burrat , m’ thërret konaku ,

Më thërret kënga prej meraku ,

M’ thërret oborri , m’ thërret oxhaku,

Haj , more vendi im !

Malli zemrën seç ma ndezi ,

Më thërret Kulla te Merçezi ,

Më thërret pupëza , m’ thërret turreci ,

M’ thërret Malësia , m’ thërret Tugjeci ,

Haj , more vendi im !

M’ thërrasin vatrat në themel ,

M’ thërret kavalli i Bacit Nel ,

M’ thërrasin mrizet , Kodra e Hanit ,

M’ thërret kavalli i Xha Selmanit,

Haj, more vendi im !

M’ thërret mezhnica e çiftelia ,

Ku i binte Bacë Hamdija .

M’ thërrasin lojërat dhe bylbylat ,

Muhabeti hiç pa shibla ,

Haj, more malli im !

M’ thërrasin delet përskaj pyllit ,

T’ ia dëgjoj jonet e fyellit ,

Që i binte Bacë Sadria ,

T’ hedhin valle çobania ,

Haj, more malli im !

M’ thërrasin krushqit , atje te Hani –

Për maramë , ku është mejdani ,

Më thërret surlja , m’ thërret tupani ,

Gurapeshi e filxhani ,

Haj, more malli im !

M’ thërrasin dasmat gjithë kah shkova ,

Kur këndohej “Sen Rugova”?!

Këndon Shabani e Shefkija –

Kërcet pushka e alltia ,

Haj, more loti im !

Kur përmallshëm bien kavalli –

Zgjon kujtimet , shuhet malli ,

Derdhen tinguj , derdhen lot ,

Ndryshku i zemrës s’ hiqet dot ,

Haj, more loti im !

N’ hije t’ dardhës, atje tek fieri –

Ulë këmbëkryq , ai Xha Demiri ,

Muhabete t’ kohës s’ vjetër ,

Seç e zbuste atë dardhë të egër ,

Haj, more malli im !

Xha Ymeri – plak me mjekër ,

Plak si ai, nuk kishte tjetër !

Xha Bajrami – burrë derja ,

Ishte magje për fukara ,

Haj , more malli im !

Nën gërmadha , atje tek Kulla –

S’ kishte ushtarë, as s’ kishte burra !

Bënte hije qershia plakë,

Që i ndizej zemra flakë ,

Haj, more loti im !

Këndon qyqja , banë “kuku” –

Tanë ky popull, kah ka shku’?

Unë ika në dhera t’ nxehta –

Kur u ktheva, asnjë s’i gjeta ,

Haj, more loti im !

Nuk e di se kah kanë shkua ,

N’ këtë Malësi, vetëm m’ lanë mua ,

Prej së largu kam shtegtua ,

Por s’ kam kujt ma me i këndua ,

Haj, more loti im !

E pyes Hanin legjendar –

Ku i ke ata tregtarë ,

Që në ty bënin tregti ,

T’ gjithë katundet n’ këtë Malësi ,

Haj, more vendi im !

Hani , flet si me habi :

“Nuk banë kush ma këtu tregti !

Tregtarët shkuan nëpër Evropë –

Mua m’ kanë ba podrum për lopë,

Haj, more vendi im !

Pyes xhaminë:”Ku e ke xhematin ,

Që mbulonin kodrën, shpatin ?”

-Shumë kanë vdekë, shumë shkuan n’ kurbet ,

Me mua mbet veç hoxha vet,

Haj , more loti i shkretë !

E pyes shkollën:”Ku i ke nxënësit ,

Që dikur t’ jepnin gjallëri ?”

-Në qytete e dhera tjera ,

Ikën e m’ lanë në vetmi ,

Haj , more loti im !

I pyes delet:”Ku janë çobanët ,

Që s’po i bien as fyellit ma?”

-Çobanët na shkuan n’ kurbet ,

Fyelli e kënga mbetën shkret ,

Haj, more malli im !

I pyes arat:”Ku janë plugjet ,

Që në ju, nuk kanë lëvrua ?”

-Plugjet tanë janë ndryshkë e tretë,

Bujqit tanë kanë shkua n’ kurbet ,

Haj, mori tokë e shkretë !

Pyes livadhet :”Ku janë kostarët ,

Që në ju, nuk kanë kositë ?”

-Kosa ndryshket , bishti i kalbet ,

Se në duar s’e marrin t’ rinjtë ,

Haj , mori kosë e shkretë !

Pyes bylbylat :”Ku janë oborret ,

Ku janë odat dhe shtëpitë?”

-N’ vend të tyre – mbeten vorret ,

Që me shekuj këtu kanë pritë ,

Haj, more loti im !

Vajton fusha , gjëmon mali ,

Krojet, gurrat shterë nga malli ,

Dergjen arat dhe livadhet ,

Nuk kanë kujt me ia qa hallin ,

Haj, more loti im !

Gjëmë të madhe banë Gollaku –

Mallkon burra e mallkon bijë :

“Fort po druaj do t’ ju zënë haku ,

Ma kthyet shpinën në pleqëri ,

Haj , more bijtë e mi!...”

Parodi dasmore në dialektin kumanovarë :

BAJNA DARSËM

Bajna darsëm, lujna , knojna ,

Na protestat s’i harrojna !

Me punue kur t’ pritojna –

Dalim n’ rrugë e protestojna !

Bajna darsëm, lujna, knojna ,

Na votimet s’i harrojna !

Kur s’mund nxamë ndo ‘i vend n’ pushtet –

Mbajna zgjedhje vjet për vjet !

Bajna darsëm, lujna , knojna ,

Peticionet s’i harrojna !

Kur s’punojnë institucionet –

Dalim , shkruejm peticione !...

Bajna darsma , bajna festa –

Na shkoj jeta me protesta !

Bajna darsma plot ideja –

Na shkoj jeta me zgjedhje t’ reja !

Bajna darsma , ekskursione –

Na shkoj jeta me peticione !

N’ darsmat tona prinë bajraktari –

Kthena Zot, mendjen për s’ mbari !

Gjilan, më 12.01.2011. Demir KRASNIQI