Vargje nga Robert Berns.

Pershendetje.
Ne kete teme do te keni rastin qe te lexoni poezi te ndryshme
nga poeti Robert Berns.

Shpresoj qe vergjet e tij tju pelqejne aq shume sa me pelqejne edhe mua.
Lexim te kendshem.

Dashuria


Si trendafil cel dashuria
Ne mes te kopshtit tim
Dhe si nje kenge bukuria
S’me ndahet ne udhetim

Kjo bukuri mbi gjitha mbetet
Asgje mbi dhe s’e tund
Me mua ecen gjersa detet
Te thahen gjer ne fund

Nuk thahen detet zemra ime
Graniti nuk firon
Nuk ndalet rera ne udhetime
Se rera vec vrapon…

Mbec me shendet per ty ngre gotten
Mos u merzit o shpirt!
Sikur te bredh me kembe boten
Te gjej, por vetem prit.

Puthja


Gjurme e njohjes se sivjetshme
Dhe premtim me fshehtesi,-
Puthja – lulebore e hershme,
Bore e bardhe e pasterti;

Nje lekundje: desha, s’deshe!
Miqesi e njome e re
Prej pellumbi, pellumbeshe,
Gazi i pare e plot hare;

Mall i ndarjes se trishtuar
Dhe dyshimi: “po me pas”?
S’e gjej fjalen e bekuar
Qe mendimin larg ta ngas!

Lumturia ime


Ju dua , te vegjel dhe ju te medhenj!
Sikur te me derdhen te ligjte perrenj,
U thyej dhe qafen , i coj mu ne djall
Me goten perpara, me kengen me mall!

Shpesh vuaj dhe dhembet kercas domosdo,
Po jeta eshte lufte dhe une jam hero;
Ndaj jam i shkujdesur, pa pare ne xhep,
As mbreti te drejtat s’m’i merr e s’m’i jep

Me shtyp zgjedhe e skamjes nga viti ne vit,
Por mbremjes me miqte une vitin e ndrit;
Kur mbrrijme qellimin dhe gazi na djeg,
Perse t’i kujtojme ca ferra ne shteg?

C’te merrem me fatin, me kalin germuq?
Pa hiqmu nga syte, i poshtri thuthuq!
Kur brenga dhe gazi trokasin ne xham,
U them: “Mire se vini, nje sofer e kam”!

Tek une, i dashur, mund te vish...


-Oborri naten pa njeri
Vec muzg e s'ka gje fare
E dashur, valle a mund te vij
Nga muri ne dritare?

-Vertet, te falemnderit, shpirt
E shoh, s'e ke me hile
Por afer meje mund te vish
Permes Gjendjes Civile!...

Nje trendafile e kuqe, e trembur

Ah, dashuria ime eshte si nje trendafile e kuqe, e trembur,
qe e re ka celur ne Qershor,
Ah, dashuria ime eshte si melodia
qe kur luhet, me embelsi ritmon.

Sa e hijeshme je, moj bukuroshja ime,
aq thelle kam rene ne dashuri me ty,
e do te t’dua perhere, e dashur,
derisa detet te jene thare per uje.

Derisa detet te jane thare per uje, e dashur,
dhe shkembinjte me diellin te jene shkrire
Une do te dua serisht e dashur,
Derisa rerat e jetes te rrijne shtrire.

Dhe lamtumire, dashuria ime e vetme,
Lamtumire tani, vetem per pak,
Dhe do te vij perseri, e dashur,
Dhe sikur te jem dhjet' mije milje larg.

Mbishkrim në një libër me vjersha

Në vite dashuria nuk u plak
Dhe zemra nuk e treti zërin tënd
Prano një përshëndetje që nga larg
Një miqësi që s’njeh as kohë as vend.

Këtë kujtim të thjeshtë kur ta kesh
Më sill në mend e pakëz psherëti
Për çka na lodh një ditë e mbushur zheg
Apo dhe një oqean plot ftohtësi.

Para ndarjes


Po shkoj,Eliza ne mergim,
se vendi nuk me mban,
dhe fatin tend,dhe fatin tim,
i ndan nje oqean.


E rende ndarja sa nje mal,
nje mal qe nuk ka shok!
Po s'ndahen zemrat mbushur mall,
kur jane shkrire tok!


Ne vendin tim e lumtur mbeç,
thesari im,thesar!
Me vjen nje ze nga larg ne vesh
ti s'kthehesh o qyqar!


Shtrengimi i dores sate vjen,
me mua ne udhetim,
trokitja e zemres sime ngel
me ty ne vendin tim!

Lamtumire


E dashur, leri oret e ndarjes te pikojne vetmine mbi ne,
le te numerojme castet e humbura te vetem
dhe shpirtrat le ta kuptojne nese gjeten
tek njeri-tjetri ndonjehere strehe...

...Pra, le te endet dhimbja ne shpirtrat tane egoist,
le te thyhet amalgami i fundit qe na bashkon !
Ti mos qesh kur te me shohesh duke qare si femije
sepse dashuria e patrembur burrerine e rrezon !

Lamtumire...lamtumire e dashur
tani pas po shkoj te numeroj oret e lumtura bashke,
po shkoj te numeroj puthjet e permalluara
kohen time askush nuk do ta vras !

Vec ca puthje do vjedh per buzet e deshperuara
...Sigurisht ti ne nje zjarr tjeter je duke u ngrohur
ne nje zjarr perkedhelish qe trupin ta ftoh
por gjithsesi une te fal, te fal kur ti mizorisht vetveten lendon

Heshtja le ti thyeje dyert e harrimit
qe kujtimet me ty mos ti harroj asnjehere...
Me uisky le te dehem ta pi vetmin e gjate
Te cirrem, te uleras, te mallkoj.....Lamtumire prape...

Per nje kokebosh

Te drejte Zotit une i jap
Per punet e medha
Po kur ndertoi kete dollap
Pse brenda bosh e la?

Duke vizituar nje çiflik te pasur...

Ky lordi neve na rrefen
Nder kulla pasurine
Njeh grate eunuku ne harem,
Por s'njeh kenaqesine.

Afaristit te pashpirt

Ketu po prehet Xhoni qetesisht
S'do mend qe vetem trupi, nje kokalle...
Por flitet, se as gjalle s'kishte shpirt,
Me kohe i kishte dale...

Mbishkrim mbi varrin e pushtit te fshatit

Vajtoni burra kaq te rralle
Ketu tek guri i murrme
Ky fqinji sa ishte gjalle
Ju ka ndihmuar shume.

Shkollaret hiç mos paçin frike
Nga varri ne lulishte
Ai qe prehet nen qerpiçe
I ati tyre ishte!....

Xhonit....

Kusare e horra, bij te kurverise
Lirine e shajne e flene siper glases,
Po kur gjeniu armik i del lirise,
Ai pa tjeter behet vetevrases...

Per unazen e arte...

Perse kur fejohen ne kisha te rinjte
Ne unazat e arta i fusin gishterinjte?
Me pyeti kurioze nje mike.

Mos mbetesha buf mes bisedes
Ia ktheva mikeshes nazike
Ah, ka dashuria mjaft force elektrike
Dhe ari sherben si teli percjelles..

Nje te njohuri, qe kthente shpinen kur takonte poetin...

Kur piqemi, pse skuqesh mik i vjeter?
E di se je nje buf me brire e horr,
Ti dha keto merita ndonje tjeter,
Ti s'je fajtor!...

Mbishkrim në një libër me vjersha

Në vite dashuria nuk u plak
Dhe zemra nuk e treti zërin tënd
Prano një përshëndetje që nga larg
Një miqësi që s’njeh as kohë as vend

Këtë kujtim të thjeshtë kur ta kesh
Më sill në mend e pakëz psherëti
Për çka na lodh një ditë e mbushur zheg
Apo dhe një oqean plot ftohtësi

perktheu Dritero Agolli

Mbishkrim në Altarin e Pavarsisë

Kush është i ndershëm i pavarur
Në luftë i madh, në zjarr argasur
Kush del njëlloj përpara kombit
Pronari vetë e robi i robit
Kush një gjykatës ka në jetë
Ndërgjegjen, nderin e vërtetë
Kush gjen në drejtësinë forcën,-
Atij, altar, t’ia hapësh portën

perkthyer nga Dritero Agolli

Erdhi e shkoi birra

Erdhi e shkoi kjo birra e mire
Per birren e mire kepucet shita lire
Peng i lashe matrapazit corapet ti mbaj
Birra e mire me jep kuraje

Te terhiqnin plugun pata gjashte buaj
Punonin token e s’me lane te vuaj
Nje nga nje i shita ashtu pa vaj
Birra e mire me jep kuraje

Birra e mire me ka varferuar
Sa me sherbetoren jam shoqeruar
Per birren e mire ndeshkimin e mbaj
Birra e mire me jep kuraje

Erdhi e shkoi kjo birra e mire
Per birren e mire kepucet shita lire
Peng lashe matrapazit corapet ti mbaj
Birra e mire me jep kuraje.

TI ME KE BRAKTISUR XHENI

Ti me ke braktisur Xheni,
ti me ke braktisur.
Pergjithmone braktisur Xheni
pergjithmone braktisur.

Me ke tallur shume djale
Mendjen ma ke prishur...
Thoshe"gjer ne varr" me fjale Xheni,
Po me ke braktisur.

Bashke ne me s'do jemi Xheni
Bashke ne me s'do jemi !
Asnjehere ne jete Xheni,
Bashke ne me s'do jemi !

Vrap ju mortje me rrembeni
dhe te fle perjete...
shpejt ju engjej me merrni
ti mbyll syte e shkrete,
Xheni ti mbyll syte e shkrete...

Findlej

Po kush ne xham keshtu troket
sdo mend qe jam Findlej
Shtepia fle dhe ska lezet,
Nuk fle-i tha Findlej.

Po si guxon ketej te vish
Guxoj-i tha Findlej ,
Ki mendjen punen mos e prish
e prish - i tha Findlej .

Deriçken hapur po ta kesh
Ta kem - i tha Findlej ,
Pa gjume naten do me lesh
Pa gjume - i tha Finlej .

Sikur te gdhihem tok me ty
Me mua - i tha Findlej
Ky shteg ta ben serish me sy
Ma ben - i thA Findlej .

E cdo punoj me ty qyqar
Puno - i tha Findlej
Ta mbyllesh gojen gjer ne varr
Tamam - i tha Findlej .

Kenge ....



Kallami fletet duke tundur
Mes lumit e shkoi jeten;
Dhe mua vitet me te lumtur
Mes vajzave me mbeten.

Telashet tona vene e vine,
Me halle mbushen kupat,
Por disa çaste lumturine
Mes nesh e sjellin çupat.

Lavdia, smira, pasuria
Na turbullojne epshet,
Por dhe t'i kesh, te vjen merzia
Dhe lumturia tretet.

Ta kisha mbremjen pak te lire,
Nje perqafim te prisja,
Andrallen, jeten e veshtire,
Ne djall do ta degdisja!

Dhe gjyqi le te me denonte
Me sharje e vargonj,
I thosha: vajzat shume i donte
Dhe plaku Solomon!

E beri zoti seksin mashkull
Kur ende s'kishte shkolle,
Se zoti shkollen s'e kish dashur,
Ndaj s'ishte mendjeholle.

Pastaj mesimet zoti ndoqi
Mes librave i strukur,
U lodh dhe koken e perpoqi
Dhe doli seksi i bukur!...

Perkthyer nga Dritero Agolli.

Këngë për një grua grindavece

Kam grua që s'më ledhaton,
Më çjerr si grifshë e prapë!
Kush gruas frerin ia lëshon,
Ajo ia hip në qafë!

Kërkova paqe e prehje e gaz,
Po mosa tatëpjetën,
Ma ktheu gëzimin në maraz
Dhe lëmsh ma bëri jetën!

Skëterrë e bëri shpirtin tim:
Tortura ditë e natë!
Në botën tjetër si shpërblim
E marr një dekoratë!

Shënim mbi një kartmonedhë

Mallkuar qofsh, kartë e zhubrosur,
Më ke dërrmuar, handakosur,
Nga vajzë e dashur më ke ndarë,
te dehur më ke hequr zvarrë,
Sic e ke hequr çdo te ndershëm
Në robëri, mundim të tmerrshëm!

Kam parë epshin e xhelatit,
Që djersë e frymë i merr të varfrit.
Këtë të poshtër dora ime
E bënte hi, e bënte thërrime,
Por ti, moj letër e zhubrosur,
I jep pushtetin e pasosur,

Ndaj unë i gjori vendin tim
E lë dhe nisem në mërgim!...