Dashuria per Babain...

Dashuria për babain…

Një burrë, kthehet nga puna i lodhur dhe i rraskapitur.
Në prag te portës së shtëpisë, gjen të birin 10 vjeçar që po e priste.
Ende pa u futur në shtëpi, i biri e pyet të atin:

- Sa lekë fiton për një ore pune, ti babi?!

I ati ngaqë ishte shumë i lodhur, i përgjigjet të birit pak si me nerva:

- Kjo nuk është puna jote!!!

Por fëmija këmbënguli dhe i tha të atit:

- Të lutem babi, të lutem më trego, sepse dua që t’a di.

Meqë dëshiron t’a dish se sa lekë fitoj unë, për një ore pune, po t’a tregoj biri im, i’u përgjigj i ati.

- Për një ore pune, unë fitoj 2000 lekë.

Në rregull baba i dashur, a mundesh të më japësh borxh 1000 lekë mua!? – e pyeti i biri.

Babai u nervozua disi më shumë dhe i tha të birit:

- Po më ler rehat mor bir, m’u hiq qafe, se nuk mundem të të jap lekë unë ty, sa here që të mbushet mendja ty të blesh lodra apo budalliqe të tjera!!!

Ik futu në dhomën tënde dhe mos më acaro më shumë nga nervat, se boll jam lodhur në punë!

Fëmija uli kokën dhe me sytë e mbushur me lot u largua për në dhomën e tij, pa i thënë të atit as edhe një fjalë tjetër.

Pas pak minutash, teksa po mundohej të ç’lodhej i shtrirë mbi divan, ky burri nisi të mendonte me vete.

- Po nga vallë i gjen këto pyetje të tilla ky fëmi!? – pyeti veten.

Pasi kishte kaluar një ore nga biseda, burri ishte qetsuar disi, i’u kujtua se j’a kishte refuzuar dhënien e lekëve të birit, pa e pyetur ende se përse i nevojiteshin ato lekë!

U ngrit, vajti në dhomën e të birit dhe e pyeti nëse po flinte gjumë apo jo.

Jo, nuk po flej. – i’u përgjigj i biri.

Burri i përkëdheli lehtë kokën të birit dhe i tha:

- Më fal biri im. Më fal që u solla pak ashpër me ty pak më parë, por ngaqë isha vërtet shumë i lodhur tërë ditën në punë, nuk isha në gjendje të bisedoja ashtu sikur duhej me ty.

Nxorri 1000 lekë nga xhepi dhe j’a zgjati të birit.

- J’a ku e ke 1000 lekëshin që më kërkove, merre biri im.

Djali u gëzua shumë nga gjesti i të atit, e përqafoi dhe e falenderoi që i dha 1000 lekët.
Pastaj futi dorën nën jastëk dhe nxorri të numëronte lekët e tjera që i kishte ruajtur aty.

I ati kur e pa të birin që nxorri lekët që kishte fshehur nën jastëk, u nervozua dhe nisi t’i bërtiste me zë të lartë.

- Ti paske patur lekë, përse më kërkove mua lekë!?
O po s’ke faj ti jo! Fajin e kam unë që rri e humbas kohën me ty!!!

Djali edhe përse u prek në shpirt nga fjalët e babait, bashkoi 1000 lekëshin e babait me lekët që kishte ruajtur vetë dhe i tha të atit:

- Baba i dashur. Unë i kisha pak lekë të fshehura këtu nën jastëk, por nuk më mjaftonin për atë që doja unë! Vetëm tani që më dhe ti 1000 lekë, arrita t’i plotsoja të gjitha.

Ashtu sikurse i kishte të gjitha lekët në dorë, djali j’a zgjati të atit duke i thënë:

- Ja pra ku i ke 2000 lekë babai im i dashur!
A mundem të t’a marr unë ty tani, një orë kohë nga koha jote???!!!....

Vertet shume e dobishme dhe nje mesim shume i mire per nje prind.

babai esht gjithcka...sidomos x vajzat