Kuriozitete të ndryshme anembanë rruzullit tokësor.

-Kompjuter qe perkthen lehjet e qenit:

BUDAPEST - Shkencetaret hungareze janë duke punuar ne një program
kompjuterik për t’iu mundësuar njerëzve te kuptojnë lehjet e qenve.
Thuhet se softueri do t’i zbuloje nuancat e lehjeve te qenve,
derdellitjet dhe hungerimat e tyre. Pasi t’i këtë analizuar 6.000 lehje,
softueri ka për qëllim te percaktoje se, kur qeni ka pare një top,
kur perleshet, luan, takon një të huaj, apo kur te deshiron te shetitet.
Madje shkencetaret pranojnë se teknologjia po ju shkon me mirë me ta sesa me njerëzitë.
Derisa kompjuteri ka njohur ne mënyrë korrekte gjendjen emocionale te 43% te qenve,
me njerëzitë është arritur veten ne 40%. Csaba Molnar, nga Eotvos University ne Budapest,
ka deklaruar për BBC-ne se "do të thosha se kemi deshmuar qe ka ndryshime shumë te
fuqishme kontekstuale ne mes te lehjeve, por na duhet edhe një pune e madhe,
te përcaktojmë se cilat gjendje emocionale dhe cilat karakteristika i perkasin cilit lloj", - ka përfunduar Molnar.

-Britani, nxjerr jetën në ankand për të nisur një të re:

Një britanik, që ka emigruaR në Australi, është kaq i lodhur pas një martese të dështuar, sa ka nxjerrë tërë jetën e tij për shitje në “eBay”. “Ian Usher, 44-vjeçar po shet shtëpinë me tre dhoma, makinën dhe punën, dhe të gjitha ato që zotëron”, raporton “Daily Telegrahp”. Andandi do të fillojë me një dollar australian, por zoti Usher shpreson të marë 230 mijë paund, pas një ankandi shtatëditësh në “eBay”. Zoti Usher, që emigroi nga Scarborough gjashtë vite më parë dhe u bë qytetar australian në vitin 2006, u nda nga gruaja pas 5 vitesh martesë. Ai thotë: “Jeta ime këtu është fantastike, por dua të ndahem prej saj dhe t’ia rinisi nga e para”.

-Del në shitje shtëpia e parë për UFOT:

Një shtëpi mali ka dalë në ankand në Tenesi, SHBA por për shkak të formës së saj si disk fluturues të zotët nuk duan t’ia sheshin ndonjë banori të Tokës, por preferojnë jashtëtokësorët. Shtëpia “zbriti” në malin Signal të Chattanooga-s në vitin 1970, atëherë kur regjisorët e filmit “Star Trek” xhiruan serinë e parë. Shtëpia qarkore, ultramoderne në kohën kur u ndërtua, është e rrethuar me dritare të vogla katrore dhe prozhektorë, dhe qëndron në gjashtë këmbë. Ajo është shumë katërshe, me tre dhoma, dy banjë dhe me shkallë për të hyrë, të cilat hapem me shtypjen e një butoni. Oferta fillestare është 100 mijë dollarë.

-Angli, lidh unazën e martesës tek tullumbacet me helium:

Është një nga momentet që çdo mashkull do t’i shkojë sipas planit. 28-vjeçari nga Londra kishte fshehur unazën prej 12 mijë dollarësh brenda një tullumbaci të lehtë. Ideja ishte që të pëlciste tullumbacen ndërkohë që i kërkonte të martoheshin. Por ndërsa largohej nga dyqani, një erë e fortë i rrëmben tullumbacin nga dora dhe së bashku me to, edhe unazën. “Nuk më besohej. E pashë se si u ngrit në ajër gjithnjë e më larg. U mundova dy orë ta ndiqja, por më vonë hoqa dorë”, thotë ai. “U ndjeva si planprishës. Unaza më kishte kushtuar dhe e dija se e fejuara do më vriste. Mu desh t’i tregoja gjithçka dhe tani nuk më flet më”, shton ajo.

-Lituani, gjobë kryeministrit se pin duhan:

Kryeministri i Lituanisë do të paguajë 290 euro (435 dollarë) pasi shkeli ligjin duke pirë duhan në vend publik. Gerdiminas Kirkilas tha se ishte dakord të paguajë gjobën. “Vetë e kam fajin. Thjesht harrova se nuk mund të pimë më cigare brenda lokaleve. Do të paguaj edhe gjobën e lokalit”, thotë ai. Ligji kundër duhanit në Lituani u miratua në vitin 2006, dhe gjobit restorantet, baret dhe të gjitha vendet publike që lejojnë dikë të pi duha. Kirkilas qëndronte pranë kryeministrit të Letonisë, Ivars Godmanis në kafe muajin e kaluar kur në në moment harrese ndezi cigaren.

Femrat,duhet të pinë tre filxhanë çaj në ditë:

Sipas një studimi të ri, femrat të cilat pinë nga tri gota çaj në ditë janë
të mbrojtura nga infarkti i zemrës dhe nga sulmi në tru.
Çdo e treta femër, e cila kishte marrë pjesë në këtë studim,
kishte pasur një pllakë të rrezikshme yndyrore në arterien e qafës,
nga këto pllaka zhvillohet dëmtimi i enës së gjakut, i njohur si arterosklerozë.
Pjesëmarrësit në studim ishin të moshës mesatare mbi 70 vjet,
ndërsa kishte dy herë më shumë femra se meshkuj.
Madhësia e pllakës yndyrore të pranishme në arteriet pjesëmarrësve ishte
caktuar me anë të ultrazërit.
Rezultatet kanë treguar se meshkujt, nuk kishin dobi të ngjashme me femrat
nga pirja e çajit. Kjo shpjegohet me anë të një teorie, sipas së cilës komponentët
e pranishëm në çaj kanë mundësi që ta zëvendësojnë hormonin e estrogjenit,
ndërsa ky hormon i mbron femrat nga sëmundjet kardiovaskulare.

Rreziku nga hemoragjia celebrale:

Koheve te fundit, nje rrezik i madh per shendetin eshte emoragjia cerebrale.
Femrat jane ato qe preken me shpejt se meshkujt nga kjo semundje.
15 % e pacienteve jane nen 45 vjec. Hemoragjia cerebrale quhet ndryshe,
edhe infarkti i trurit. Ai vjen si rrjedhim i bllokimit te nje arterie ne tru, qe pengon
dhe qarkullimin e gjakut.
Faktoret kryesore qe ndikojne ne avancimin e kesaj semundjeje kaq te rrezikshme
te grate janë: Pillat, Pirja e duhanit, Mbipesha dhe Migrena. Nese keto kater faktore
do te puqeshin së bashku, rreziku per nje emoragji cerebrale do te ishte i dyfishte dhe
shume i rrezikshem per jetën, aq sa mund te themi vdekjeprures.
Ne tre oret e para pas renies se infarktit, kemi masen e shpejte me medikamente.
Ne rastet kur pacienti nuk arrin te permiresohet me medikamente, eshte i detyrueshem
nje operacion urgjent. 80 per qind e ketyre pacienteve nuk mbijetojne me shume se nje jave.
Ndersa pacientet qe arrijne te mbijetojne dhe te permiresohen brenda 48 oreve, kane
shanse te mira per jetese.
Per te menjanuar nje semundje te tille te rerzikshme, nje kujdes i madh duhet treguar me
ushqimin dhe sportin. Menjanimi i lyrerave si dhe ushtrimi i sportit eshte nje domosdoshemeri,
qe rregullon cilesine e jetes se njeriut.

Gjermani, shoferi thotë se po ngrohte veshin me celular:

Një shofer kamioni në Gjermani u diktua nga kamerat duke folur në celular gjatë udhëtimit. Justifikimi i tij, i cili s’mund të vërtetohet, është se po ngrohte veshin me celular. Gjykata në Hamm pranoi pretendimin e Walter Klein, i cili tha se celulari ishte i sapokarikuar dhe me të po ngrohte veshin e ftohtë. Kjo do të thotë se ai nuk ka shkelur ligjin, i cili cilëson se shoferët mund të bëjnë telefonata vetëm me celularë me mikrofon. Klein, 43-vjeçar tha për gjykatën: “Kisha dhimbje veshi dhe po më përkeqësohej, pasi kabina nuk ishte ngrohur ende, prandaj vura celularin në vesh”.

Maqedoni, ariu arrestohet për gjithë mjaltin e vjedhur:

Një ari, i cili kishte kohë që grabiste mjaltin e bletëve të një bletari, është dënuar për grabitje dhe dëmtim kriminel në Maqedoni. Por gjatë seancës së gjyqit në qytetin Bitola, i vetmi person që mungonte ishte vetë ariu. Zoran Kiseloski thotë se ishte munduar më kot ta mbante ariu larg duke vënë muzikë popullore sa herë ai afrohej. “U mundova ta hutoja me muzikë dhe drita, se kisha dëgjuar që arinjtë kanë frikë”, thotë ai. “Prandaj bleva një gjenerator dhe ndriçova gjithë fushën”, shton ai. Gjykata shpalli ariun fajtor dhe meqë pronari i specieve të rrezikuara ishte shteti, vetë shteti do të paguajë 1700 dollarë për dëmin e shkaktuar.

Britani, 40 paund se shkund hirin e cigares në tokë:

Gjykata ka dënuar me 40 paund Daniel Slaney, pasi dikush e ka parë të shkundë hirin e cigares në tokë. Shkelësi i ligjit e ka pranuar, po ka shtuar se fundin e cigares e futi në paketën bosh, dhe nuk e hodhi në tokë. Sido që të ketë qenë e vërteta, gjobën duhet ta paguajë patjetër, me akuzën e hedhjes së mbeturinave në rrugë. “Vetëm një gram hi shkunda. Më duket se po e teprojnë me këtë punën e pastërtisë”, thotë Dennis. Zëdhënësi i këshillit Erewash thotë se u zhgënjyen shumë kur dëgjuan se veprimet e këshillit për sjelljen e papërgjegjshme të zotit Dennis janë cilësuar si të tepërta.

SHBA, lyen makinën në stilin e policisë:

Makina sportive e Jessie Vigil ka ndërruar pamje. Ajo ishte e kuqe dhe blu, por tani është lyer me të bardhë dhe të zezë, duke ngjasuar më shumë si makinë policie se sa civile. Agjencitë e zbatimit të ligjit kërkojnë autorizim për ta arrestuar, pasi u ka vjedhur stilin. Ai filloi me dekorimin e makinës “Ford Mustang” në verën 2007, që të dukej si makina e policisë në filmin “Shndërruesit”, pasi djali i tij 7-vjeçar e pëlqente shumë. “Doja vetëm të krijoja makinën e filmit”, thotë babai 35-vjeçar. “Kur u ktheva nga lufta në Irak doja ta llastoja”, shton ai. Veterani i luftës rrezikon të gjobitet dhe t’i konfiskohet makina për shkak të kapricos.

Çeki, ministrat grinden, njëri as që do t’ia dijë:

Autoritetet çeke kanë kërkuar heqjen e posterit të kompanisë së pijeve energjike, në të cilën është një ministër i qeverisë që fle gjatë një debati. Reklamat për pijen “Kamikaze” tregojnë ministrin e Jashtëm, Karel Schwarzenberg që fle dhe sloganin: “Qëndroni më gjatë në këmbë”. Ministri 70-vjeçar, i cili nuk e ka kundërshtuar reklamën pranoi se e zuri gjumi gjatë debatit për zgjedhjet presidenciale të vendit. Këshilli i Standardeve të Reklamave thotë se posteri shkeli kodin etik që ndalon përdorimin e figurave politike në reklama. Kompania refuzon ta heqë posterin, ndërsa ministri thotë: “Lërini njerëzit të kënaqen”.

Angli, shefi i kuzhinës alergjik ndaj ushqimeve:

Një shef me karrierë të suksesshme në fushën e gatimit zbuloi se deri tani ushqimet as që i kishte shijuar ndonjëherë, pasi ha vetëm biskota. Andrew Forster, 27-vjeçar nga Consett, ka jetuar me ushqime të lehta për t’u tretur, vaferë me karamele dhe biskota “Blue Riband” që kur ishte i vogël. Me gjithë problemet e ngrënies, ai bën një jetë të zënë në kuzhinën e një restoranti italian, “Sale Pepe” në Shortley Bridge. Zoti Forster thotë: “Isha 18 muajsh kur kjo ndodhi. Nuk haja për ditë të tëra. Doktorët thonin se ishte vetëm një fazë kalimtare, por kjo zgjati 27 vite”.

Rusi, gjyshja dorëzon çantën me granata në rajonin e policisë:

Policët, sekretaret dhe kriminelët u evakuuan nga një rajon rus, pasi aty huri një gjyshe me trastën plot me granata. Irene Fedorova, 67-vjeçare hyri në rajonin e krahinës Orenburg, në Urale dhe tha se donte të përfitonte nga amnistia e dorëzimit të armëve. Ajo donte të hiqte disa armë të vjetra që burri i saj, Boris mbante nën shtrat. Kur policët hapën çantën gjetën disa granata dore, dy prej të cilave ishin gati në të plasur. Ajo thotë: “Lexova që po grumbullonin armë të vjetra dhe mendova t’i dorëzoj. I mora me vete në autobus në çantë. Më vjen keq që shkaktova rrëmujë. Herën tjetër do të thërras shërbimin e grumbullimit”.

Tajvan, mban premtimin, merr balerinë në funeralin e babait:

Një tajvanez pagoi një vajzë të kërcente në funeralin e babait 103-vjeçar. Kërcimtarja kërceu para arkivolit të Cai Jinlai për më shumë se 10 minuta në qytetin Taizhong. Djali, Cai Ruigong, e pagoi më shumë se 80 paund që të kërcente në përkujtim të babait të tij. Cai Ruigong thotë se i premtoi babait se do t’i merrte një valltare striptizi nëse i kalonte të 100 ditëlindjet. Babai shekullor, Cai Jinlai ndërroi jetë në moshën 103-vjeçare, ndërsa eci tre milje në qytet për të votuar. Ai ishte personi më i njohur në fshat, pasi ishte më i moshuari dhe pati më shumë se 100 pasardhës.

Finlandë, shkon në bibliotekë të rinovojë librin 100 vjeçar:

Një student në Helsinki mendoi “më mirë vonë se kurrë” kur ktheu në bibliotekë një libër që e kishte marrë 100 vite më parë. E vërteta është se librin nuk e kishte marrë studenti, por familjarët e tij. Biblioteka kishte hequr dorë prej librit, dhe punonjësit mendonin se s’do ta shihnin më kurrë volumin “Vartija” të vitit 1902, një periodik shumë popullor në atë kohë. “Një shënim i vjetër i ngjitur mbi libër shkruan se gjoba në rast vonese është 10 peni në javë”, thotë punonjësja, Minna Saastamoinen. Ngjitësja brenda kapakut e shkruar me shkrim të dalë mode lexon se libri është marrë hua në fillim të shekullit të kaluar. Finlanda njihet për rrjetin e gjerë të bibliotekave, duke qenë se ka 900 të tilla për 5.3 milionë banorë.

Dënohet me arrest shtëpie se nuk e nxinte burgu:

Një gjykatë në Sicili ka vendosur se një mafioz i dënuar do ta kryejë atë në shtëpi, pasi është shumë i shëndoshë për burgjet italiane. Saldatore Ferranti, 36-vjeçar me peshë 262 kilogram do të kthehet në shtëpi pas gjashtë muajsh në katër burgje italiane. rojet në dy burgjet e para thanë se vazhdimisht kërkonte ndihmë. Rojet në burgje të tjera thonë se nuk kishin asnjë shtrat për të, as dera e banjës nuk e nxinte.

Restoranti francez shërben verë me biberon:

Nëse ju rastis të hyni në restorantin “Le Refuge des Rondues” në Paris, duhet të dini se brenda biberonëve në banak nuk ka lëng rrushi, por verë të hapur. Menaxheri i restoranit thotë se përveç mospagimit të taksës për çdo gotë verë të shitur, vera në biberon ka dhe të mirat e saj. “Nëse dikush e pi me të shpejtë ajo do ta zërë më shpejt. E kundërta ndodh me biberonin”, thotë Ashley Thompson.

Fëmija ankohet: "Më prangosen se nuk fjeta":

Prindërit e dy djemve 4-vjeçarë në Nju Jork kanë paditur mësuesit e parashkollorëve, pasi ato i prangosën se nuk i zinte gjumi gjatë pushimit të drekës. Avokati Scott Agulnick thotë se mësuesja zëvendësuese mori Jaden Diaz dhe Christopher Brito në dhomën e fjetjes. Më pas polici i sigurimit hyri në dhomë, vuri prangat në kyçet e djemve dhe i tha se nuk do t'i shihnin më kurrë prindërit. Zoti Agulnick thotë se familjet kërkojnë dëmtime duke shtuar: "Nëse gjatë pushimit të drekës dikush nuk fle, ky nuk përbën krim që kërkon prangosjen apo kërcënimin e personit në fjalë". Christoper i tha nënës së tij, Vasso Brito, 34-vjeçare: "Nuk më qëlluan, por më lidhën duart". Ndaj të gjithëve mësuesve përgjegjës në shkollën dygjuhëshe në Bronx janë marrë masa.

Banorët veshin pemët e qytetit me pulovra:

Pemët e një qyteze në Ohio kanë kaluar një dimë të ngrohtë, pasi secila prej tyre, duke nisur që nga trungu e çdo degë, ka qenë e veshur me pulovër. Të mbështjella me një shumëllojshmëri ngjyrash nga banorët dhe vizitorët së bashku, pemët e bëjnë qytetin më të gëzuar dhe i japin mundësi njerëzve të shprehin talentin e tyre në punën me shtiza. Disa madje i kanë thurur edhe xhepa pulovrave, duke vendosur sende brenda.

SHBA, në çdo dyqan del birra me provë:

Ligjvënësit në Uashington miratuan planin për të lejuar provën e birrës dhe verës para blerjes në çdo dyqan. Programi një vjeçar i mbështetur nga prodhuesit e këtyre pijeve alkoolike u lejon shitësve të lënë kampionë për provë. Mbështetësit thonë se në këtë mënyrë përfitojnë edhe prodhuesit e vegjël të verërave apo të fabrikave së birrës të promovojnë produktet e tyre. Por ka edhe nga ata që e kundërshtojnë, pasi do ishte shembull i keq duke ekspozuar fëmijët ndaj konsumit të alkoolit.