Gjithcka reth zemres...

Gjithcka reth zemres:

Pershkrimi:

Zemra sic e dini te gjithe ndodhet ne kraharor ose me sakte brenda kafazit te kraharorit( thoraxit). Gjendet mes dy mushkerive, biles nje pjese e saj e madhe mbulohet prej tyre. Mbrapa ka aorten, ezofagun, nerva, nyje limfatike, shtyllen kurrizore,venat kava superior e inferior. Pra zemra ndodhet ne zgavren e kraharorit e cila ndahet nga zgavra e barkut npm diafragmes. Zemra mbeshtillet nga nje cipe e holle( qe ka 2 flete) qe quhet perikard.
Zemra sic e dini ehste organ muskulor, dmth ka indi qe e perben ehste kryesisht muskulor. Ka dhe qelizat speciale qe jane qelizat e sistemit elektrik te zemres, te cilat jane pak te ndryshme nga ato muskulore, per faktin qe kane vetine te percjellin rrymen dhe ngacmimin neper to , ne meyre qe te nxiten qelizat muskulore e keshtu zemra te tkurret. Zemra ehste si puna e nje apartamenti me dhoma e me dyer te cilat komunikojne midis tyre, ama kujdes, dhomat e majta nuk komunikojne me dhomat e djathta. Nqs rrahjet nuk jane te rregullta , atehere ka aritmi ose crregullim te crregullt( ne gjuhen popullore kjo). Pra intervali i kohes midis rrahjeve te ndryshme ehste i ndryshem. Artimite , ne varesi te zones ku lindin , ndahen ne aritmi atriale dhe aritmi ventrikulare. Ne aritmite atriale psh permendim: fibrilacionin atrial( ritmi ehste i crregullt) flaterin atrial( ritmi ehste i rregullt), takikardine atriale, ektopine atriale, wandering pacemaker, ekstrasistolat atriale.
Ne aritmite ventrikulare permendim, ekstrasistolat ventrikulare( qe njeriu mund ti ndjeje), takikardine ventrikulare, fibrilacionin ventrikular( qe ehste ai qe shkakton vdekjen), torsaden e majes.

Blloqet jane patologji ne te cilat sistemi elektrik i zemres nuk e tejcon impulsin elektrik. Me te rendesishmet jane blloqet atrioventrikulare , dmth impulsi nukpercohet nga atriumet ne ventrikuj. M ei rendesishmi nga keto ehste blloku atrioventrikular i grades se 3, ne te cilin atriumet tkurren per hesap te tyre dhe ventrikujt per hesap te tyre. Ne kete rast rrahjet e zemres jane shpesh here nen 40 te rrahura ne min. I semuri ne keto raste ben ate qe ne gjuhen mjekesore quhet sinkop, pra i bie te fiket pa pritur e pa pandehur. Kjo paatologji mjekohet duke e stimuluar zemren me ane te nje aparati qe quhet pacemaker qe vendoset ne zemer dhe qe pacienti duhet ta mbaje(kryesisht) gjate gjithe jetes se tij.

Aritmia me e perhapur ne bote si dhe ne shqiperi ehste fibrilacioni atrial. Ne kete rast atriumet nuk tkurren por fibrilojne pasi qendra e formimit e impulseve elektrike ne to nuk funksionon sic duhet. Kjo shoqerohet me rrezikun e larte per formimin e trombeve ne atriume, pra te mpiksjeve te gjakut te cilat jane shume te rrezikshme pasi mund te shkojne ne tru dhe te japin insult biles deri ne infarkt te trurit dhe njeriu mund dhe te paralizohet. Prandaj ne kete rast merren medikamente qe hollojne gjakun dhe parandalojne formimin e ketyre trombeve.

Shpesh here degjojme kur thone: vdiq papritur ne gjume, ose i pushoi zemra. Te gjitha keto raste jane si pasoje e aritmise vdekjeprurese qe quhet fibrilacion ventrikiular. Pra ventrikujt nuk tkurren me por fibrilojne, dhe ne kete rast duhet nderhyrja e shpejte e stafit mjekesor per te bere goditjen elektrike me defibrilator. Zakonisht lejohen deri ne 12 goditje(max), dhe nqs dhe pas ketyre goditjeve zemra nuk ehste kthyer ne ritmin e vet normal, pacienti nuk mund te kthehet me, pasi qelizat e zemres kane pesuar ndryshime te parikthyeshme biokimike dhe elektrike. Ky ehste dhe nje nga shkaqet pse pacientet qe bejne infarkt vdesin. Dmth nuk vdesin nga infarkti por pikerisht nga kjo aritmi qe ehste komplikacion i infarktit.
Shkaqet e kesaj aritmie vdekjeprurese jane te shumta: mund te jete e lindur , dmth ekziston nje patologji ne nivelin qelizor te qelizes miokardiale ne nje pompe qe ben shkembimin e joneve te ndryshme ne qelize( pra ehste patologji gjenetike) qe quhet sindromi QT se lindur: mund te jete ishemike, si ne rastin e infarktit te miokardit ku qeliza peson ndryshime strukturore dhe jonike si pasoje e mungeses se oksigjenit, mund te jete nga shkaqe te panjohura: mund te jete si pasoje e semundjeve te tjera te zemres si kardiomiopatite ku dhe ne kete rast luan rol qeliza miokardiale dhe ndryshimet jonike ne te: mund te jete si pasoje e marrjes se madhe te alkoolit pasi dhe alkooli shkakton ndryshime te levizjes se joneve ne qelize,mund te jete si pasoje e ndryshimit te nivelit te joneve ne gjak(elektroliteve) ne semundje te ndryshme te veshkave( si insuficienca renale).

Zemra dhe ushtrimet fizike:

Një studim i ri provon se sa më i shëndetshëm të jetë njeriu në moshë të re, aq më e qëndrueshme do të jetë gjendja e tij shëndetësore dhe më i pakët rreziku nga problemet e zemrës.

Studimi, i botuar në numrin e fundit të Revistës së Shoqatës Mjekësore Amerikane, analizoi gjendjen shëndetësore të 4 mijë e 500 të rinjve nga mosha 18-30 vjeç për 15 vjet radhazi.

Gjenda shëndetësore u përcaktua nga përgjigja e sistemit kardiologjik dhe atij të frymarrjes gjatë përdorimit të një aparature për stërvitje: "Një ndër përfundimet kryesore të studimit ishte se të rinjtë që nuk gëzonin shëndet të mirë, me kalimin e kohës ndesheshin me një rrezik më të madh për tu prekur nga sëmundja e zemrës. Ata që bënin një nivel të ulët ushtrimesh fizike kishin 3-6 herë më shumë gjasa të vuanin nga tensioni i lartë, diabeti dhe probleme të metabolizmit se sa pjesëmarrësit që bënin ushtrime rregullisht. Ndërsa ata që bënin fare pak stërvitje fizike kishin 40 për qind më shumë shanse për nivele të larta kolesterine".

Dr. Carnethon është autore e studimit mbi rrezikun e problemeve koronare tek të rinjtë. Ajo thotë se pjesëmarrësit që përmirësuan gjendjen fizike gjatë studimit, ulën njëkohësisht rrezikun për t'u prekur nga sëmundjet e zemrës. Pra mesazhi është i qartë: Nuk është kurrë vonë të vish në formë të mirë fizike. Ata që filluan fiskulturën dhe që ruajtën gjendjen e mirë fizike kishin rrezik më të vogël për t'u prekur nga sëmundjet kardiovaskulare në moshë të mesme. Mjekja thotë se kjo thekson atë që studiuesit kanë besuar prej kohësh. Por ky është studimi i parë që mat në mënyrë objektive efektet afat-gjata të gjendjes së mirë fizike tek të rinjtë.

Kujdes nga disa ilaçe që mund të japin probleme me zemrën:

Zyrtarët amerikanë të shëndetësisë paralajmërojnë pacientët të mos marrin doza të larta të ilaçit naproxen ose ta përdorin atë më shumë se 10 ditë pa recetë nga mjeku pasi mund të rrisë gjasat për infarkt, ose hemoragji cerebrale, kjo sipas rezultateve të bëra nga Instituti Kombëtar i Shëndetësisë. Naproxen përdoret gjerësisht për pacientët me artrit për të ulur dhimbjet. Ai jepet me recetë, apo shitet lirisht në farmaci nën emrin Aleve.
Shkencëtarët e zbuluan një gjë të tillë, gjatë një studimi për të gjetur nëse ky ilaç dhe Celebrexi, problemet me të cilin dolën në pah më parë, mund të përdoreshin për të ngadalësuar efektet e sëmundjes së Alcaimerit. Rreth gjysma e 2 mijë e 500 personave të moshuar që ishin pjesë e studimit kishin shprehur shqetësime, dhe për shkak të problemeve me celebrexin që u gjet se ka lidhje me rritjen e rrezikut për goditje në zemër në se merret në doza të larta, ishte nxitur kryerja e studimit edhe për naproxinën.
Zyrtarë të shëndetësisë thonë tani se askush nuk i kishte studiuar më parë efektet afatgjata të ilaçeve si Aleve, apo Motrin dhe Advil.
Ndërkohë kompania farmaceutike Merck hoqi nga tregu amerikan një ilaç tjetër, të quajtur Vioxx, pasi u zbulua se ai shkaktonte probleme në zemër.

Një studim i ri mbi semundjet e Zemres:


Një studim i kryer nga mjekë të Klinikës Mayo në Shtetet e Bashkuara tregon se një në çdo katër vetë mbi moshën 45 vjeçare mund të preket nga sëmundje të zemrës.
Të dhënat e studimit i shtyjnë mjekët dhe pacientët të kenë parasysh se pushimi i zemrës nuk shkaktohet vetëm nga pompimi i pa mjaftueshëm i gjakut, por edhe atëherë kur pompimi i gjakut është normal, por zemra nuk është në gjendje ta absorbojë atë.
Studimi morri në shqyrtim rreth 2000 mijë banorë të krahinës Olmsted të shtetit Michigan. Personat me çrregullime diastolike ose me probleme të furnizimit të zemrës me gjak në intervalin midis dy rrahjeve, ishin 10 herë më në rrezik për të vdekur brenda 5 vjetëve, sesa personat pa këto probleme. Sipas autorëve të studimit, këto të dhëna theksojnë nevojën për një kuptim më të mirë të rasteve të pushimit të zemrës për shkaqe diastolike dhe në çmënyrë të parandalohen ato.

Drejtoresha e Klinikës Mayo, Margaret Redfield thotë se shumë njerëz mendojnë se pushimi i zemërs shkaktohet kryesisht nga pumpimi i dobët i gjakut. Ky rast quhet systolic, që do të thotë se nxjerrja e gjakut nga barkushja gjatë intervalit midis çdo rrahje të zemrës është më pak se 50 përqind. Por studimi tregon se në afro 50 përqind të rasteve pushimi izemrës ndodh nga që zemra është e sforcuar dhe për këtë arsye nuk mund të thith gjak të mjaftueshëm, megjithëse pompimi është normal. Ky rast quhet diastolik.
Ndërkohë që në Klinikën Mayo vazhdojnë provat në laborator mbi gjetjen e metodave për zbulimin e herëshëm të gjëndjes diastolike të zemrës, mjekët e kësaj klinike të njohur rekomandojnë zbatimin e masave parandaluese kundër presionit të lartë të gjakut dhe nivelit të lartë të kolesterinës. Ata thonë se pushimi i zemrës, pavarësisht nga arsyet, është një sindromë fatale, që shkaktohet nga sëmundje të ndryshme kardiovaskulare. Simptomat tipike të kësaj syndrome janë lodhja, vështirësi në frymëmarrje, ënjtje të këmbëve dhe probleme në ritmin e rrahjeve të zemrës.

Sëmundjet e zemrës, gjashtë rastet tipike:

Cilat janë simptomat e problemeve kardiologjie, kategoritë e prekura:

Zemra si organ muskulor luan rolin e pompës e cila e shtyn gjakun në qarkullim. Zemra, arteriet, venat dhe kapilarët formojnë sistem të mbyllur të gjakut. Zemra është organ i zgavruar muskulor i përbërë prej dy zgavrave më të vogla, veshëza, dhe në dy zgavra më të mëdha, barkushe, të cilët tkurren dhe shtrihen duke e detyruar gjakun të qarkullojë. Arteriet janë enë elastike të gjakut, të cilat gjakun e largojnë nga zemra. Venat janë enë të buta elastike të cilat e sjellin gjakun në zemër. Puna e muskujve dhe organeve të tjera e shtyn gjakun nëpër to. Kapilarët e gjakut janë enët më të holla të gjakut përmes të cilave bëhet këmbimi i materieve ushqyese në gjak.

Si funksionon:

Zemra dihet që është një pompë që pompon gjakun. Dhe, në rastin e sëmundjeve të zemrës kemi prishje të funksionit të saj si pompë. Gjithashtu në sëmundjet e zemrës ka rëndësi si kur prishet ritmi, ashtu edhe kur prishen valvulat, ose kur prishet tërësia e mureve të saj. Kur prishet ritmi kemi aritmitë që janë dy llojesh, me ritëm të shtuar ose takikardive, ose me ritëm të ngadalësuar që janë bradikarditë. Po ashtu kur prishen valvulat zemra nuk funksionon mirë si pompë dhe në këto raste bëhen operacione të ndryshme për zëvendësimin e tyre. Po ashtu, lloj tjetër sëmundjeje të zemrës janë edhe ato që prishin muret e zemrës, siç është infarkti. Në të gjitha këto raste, duke mos funksionuar si pompë ajo nuk çon dot gjakun në të gjithë trupin dhe kështu nuk furnizohet organizmi me oksigjen edhe me lëndë ushqimore. Duke mos u furnizuar me to, organizmi do të fillojë të mos funksionojë si duhet.

Simptomat:

Në rastin e sëmundjeve të zemrës do të kemi shenja si marrja e frymës, ënjtje të këmbëve, nxirje e buzëve ose edhe dhimbje kur kemi infarkt për arsye se ndodh vdekje e një pjesë të murit të dhomave të zemrës. Stadi i fundit i sëmundjes së zemrës është pamjaftueshmëria e zemrës (insuficienca kardiake) në të cilën ky organ nuk e kryen funksionin e saj dhe njeriu bëhet invalid. Në momentin kur kjo pamjaftueshmëri nuk mund të përballohet nga organizmi, atëherë organizmi vdes.

6 variantet e semundjes:

¨ Zemra e zgjeruar paraqet dobësimin e muskulit të zemrës, i cili ngadalshëm dhe dobët kontrakton me këtë dobëson qarkullimin i gjakut dhe organet nuk kanë oksigjen të mjaftuar. Si pasojë e këtyre mungesave, paraqitet dobësimi i përgjithshëm i organizmit.
¨ Miokarditis është ndezje e përgjithshme e muskulit të zemrës, gjë që paraqitet si rezultat i sëmundjeve të tjera, ndonjë infeksion më i madh si gripi, reumatizmi i dhëmbëve, bajameve etj.
¨ Infrakti është vdekje e një pjesë të indit muskulor të zemrës. Kjo sëmundje paraqitet nga mbyllja e ndonjë dege të arterieve të cilat ushqejnë zemrën, gjatë kontraksionit (ngushtimit) momental të arterieve, ndonjë plasaritjeje e arterieve e përcjellë me gjakderdhje, gjatë streseve ose si pasojë e shtypjes së lartë.
Në këto raste indi muskulor ose një pjesë e zemrës mbetet pa ushqim dhe pa oksigjen, menjëherë pas kësaj ajo pjesë e muskulit të zemrës të vdes. Infrakti përcillet me dhimbje të rënda. Ka raste kur zemra ndërpret punën dhe shkaktohet vdekje.
¨ Aritmia është rrahje e shpejtë dhe e ngadalshme e zemrës ose rrahje e përzier e ngadalësuar dhe e shpejtësuar me kërcime dhe ndërprerje të rrahjeve. Kjo dukuri është pasojë e kontrollit të disharmonizuar të ngacmimeve nervore të punës së zemrës, të cilat e kanë prejardhjen nga qendrat e sistemit nervor.
¨ Arteroskleroza është grumbullimi i materieve të yndyrshme dhe kripërat e kalciumit në brendi në muret e arterieve, kjo çon deri tek mbyllja e tyre dhe zvogëlimi i qarkullimit të gjakut me shumë pasoja si dhe zmadhimi i shtypjes së gjakut, e cila mund të shkaktohet edhe nga gjendjet nervore, streset etj. Të gjitha këto kanë lidhje të drejtpërdrejtë me mosfunksionimin e mirë të zemrës.
¨ Embolia është mbyllja e ndonjë arterie të trurit, një lloj si infrakti i zemrës. Kjo shkakton dëmtimin e ndonjë qendre dhe me këtë rast paraqitet paraliza ose vdekja.

Zemra dhe ushtrimet fizike:

Një studim i ri provon se sa më i shëndetshëm të jetë njeriu në moshë të re, aq më e qëndrueshme do të jetë gjendja e tij shëndetësore dhe më i pakët rreziku nga problemet e zemrës. Studimi i botuar në numrin e fundit të Revistës së Shoqatës Mjekësore Amerikane analizoi gjendjen shëndetësore të 4 mijë e 500 të rinjve nga mosha 18-30 vjeç për 15 vjet radhazi. Gjenda shëndetësore u përcaktua nga përgjigjja e sistemit kardiologjik dhe atij të frymëmarrjes gjatë përdorimit të një aparature për stërvitje. “Një ndër përfundimet kryesore të studimit ishte se, të rinjtë që nuk gëzonin shëndet të mirë, me kalimin e kohës ndesheshin me një rrezik më të madh për t’u prekur nga sëmundja e zemrës. Ata që bënin një nivel të ulët ushtrimesh fizike kishin 3-6 herë më shumë gjasa të vuanin nga tensioni i lartë, diabeti dhe probleme të metabolizmit se sa pjesëmarrësit që bënin ushtrime

Analiza që zbulon sëmundjen:

Shenja e parë e sëmundjes së zemrës në 50 për qind të rasteve vihet re vetëm kur zemra rëndohet. Por tani një analizë e thjeshtë e gjakut mund të shpëtojë jetë njerëzish. Analiza e gjakut quhet CRP ose Proteina Reaktive C, e cila mund të zbulojë mjaft herët problemet në venat e gjakut, duke krijuar kështu mundësi për kurim të suksesshëm. Shkencëtarët besojnë se prekja e artereve të zemrës është shkaktari nxitës i shumë goditjeve në zemër. Kjo është edhe arsyeja që një nivel i lartë i proteinës reaktive C mund të jetë vdekjeprurës, edhe kur niveli i kolesterinës është i ulët. Ekspertët e mjekësisë në Amerikë kanë vendosur t’ua sugjerojnë këtë lloj analize të gjithë pacientëve të rinj, të cilët ankohen nga zemra. Kjo pasi të në të gjitha rastet personi nuk do të ketë asnjë efekt anësor, ashtu sikur mund të ndodhë me ekzaminimin me rreze.

Ilaçet e gjakut, efekt edhe për zëmrën:

Një studim i kohëve të fundit i kryer në klinikën e Klevelandit tregon se, një nga ilaçet kryesore që përdoren kundër tensionit të lartë të gjakut, Amlodipina, u tregua më e efektshme për pakësimin e rrezikut të goditjeve në zemër tek personat që vuajnë nga zemra, por që kanë tension normal të gjakut. Mjeku Steven Nissen pranë klinikës së Klevelandit thotë se, tani për tani askush nuk mund të rekomandojë ilaçe për uljen e tensionit të gjakut për një person, tensioni i gjakut të të cilit është më i ulët se 13. Por kjo praktikë mund të ndryshojë, po të kihen parasysh rezultatet e studimit që tregojnë se pacientët me sëmundje të zemrës që kanë tension normal të gjakut, që është 13 me 8, mund të përfitojnë nga ilaçet që u jepen pacientëve me tension të lartë gjaku. Ky studim zgjati 2 vjet dhe në të u përfshinë rreth 2 mijë pacientë me sëmundje koronare, por me tension normal të gjakut.

Shkaqet kryesore të problemeve të zemrës:

Federata Botërore e Zemrës thotë, se sëmundjet e zemrës dhe goditjet cerebrale janë më vdekjeprurëset në botë, duke shkaktuar 17.5 milion vdekje në vit. Federata thotë, se duke ditur faktorët e rrezikshëm dhe duke pasur një mënyrë jetese të shendetëshme dhe aktive, mundet që në mënyrë të ndjeshme të parandalohen këto sëmundje kronike, që në fund të fundit, kanë një përfundim fatal.
Federata Botërore e Zemrës tha se sëmundjet e zemrës dhe goditjet cerebrale janë sëmundje që zakonisht besohet që janë të lidhura me të gjendjen e mirë ekonomike. Por studimet tregojnë se 80 % e vdekjeve nga këto sëmundje kronike çfaqen në vendet me të ardhura të ulëta dhe të mesme. Shefja Ekzekutive e Federatës, Janet Voute tha se sëmundjet kardiovaskulare janë në rritje në të gjithë kontinentin e Afrikës. Shumica e tyre, tha ajo, ndodh për shkak të rritjes së urbanizimit.
“Kur njerëzit lëvizin nga zonat rurale në zona urbane, në jetën e tyre ndodhin ndryshime të mëdha, përshembull, rënia e aktiviteteve fizike, ndryshime në mbajtjen e djetës, përdorimi më i madh i ushqimeve të gatshme dhe një rënie e përdorimit të frutave dhe zarzavateve. Gjithashtu, ndodh edhe marrja e veseve jo të shëndetëshme, siç është pirja e duhanit. Kështu, shumë tendenca të shoqërisë janë duke shkuar ne drejtim të gabuar”.
Zonja Voute tha se obeziteti është një faktor tjetër madhor i rrezikshëm për sëmundjet e zemërs. Ajo tha se Afrika mbart një ngarkesë të dyfishtë të kequshqyerjes, atë të fëmijëve nën peshë dhe të të rriturve mbi peshë. Ajo tha se është e rëndësishme të përqëndrohemi në përmirësimin e nivelit të jetesës në vendet afrikane, duke shpërndarë kudo mesazhin se mbi pesha dhe obeziteti mund të krijojnë situata vdekjeprurëse.
“Është shume e vështirë, që papritur të thuhet, se të jesh i shëndoshë nuk është diçka e bukur. Për ajo që është shumë e lehtë të thuhet, është se njerëzit duhet të jenë fizikisht aktivë, kjo është e nevojshme për shëndetin. Me fjalë të tjera, njerëzit duhte të njihen me faktorët e rrezikshëm, të kontrollojnë nëse mbipesha krijon tension të lartë gjaku, nivel të lartë të kolesterolit, që ndeshen si pasojë e mbipeshës”.
Federata Botërore e Zemrës, me qendër në Gjenevë tha se në vendet e zhvilluara, njerëzit kanë jetëgjatësi më të madhe, për shkak të trajtimeve të mira shëndetësore. Por, kjo paralajmëron se ky progres mund të kthehet mbrapsht, në qoftë se nuk merren masa për të ulur obezitetin midis të rinjve.
Shkencëtarët thonë se shtimi i obezitetit është duke shkaktuar krijimin e tipit 2 të diabetit dhe të krijimit të shpejtë të shtresave të yndyrës në arteriet. Kjo do të thotë, se këto kushte, eventualisht sjellin edhe vdekjet e parakohëshme.

Mbroni zemrën me lëngun e murrizit:

Murrizi, shumë i njohur në vendin tonë, nuk është vetëm një shkurre, që shërben si ushqim për kafshët, por edhe një bimë e pasur me substanca, të cilat në mjekësinë popullore ndihmojnë në parandalimin dhe lehtësimin e shumë sëmundjeve.
Murrizi ka veti të rralla dhe ndihmon në lehtësimin e sëmundjeve të shumta, që prek organin më të rëndësishëm të trupit, zemrën. Bima është e pasur me lëndë vepruese. Përmban substanca flavonike, adeninë, adenosinë, guaninë, aminopurinë, krategalaktone dhe derivate tritepenilë.
Janë pikërisht acidet tritepenilë, që ndihmojnë në zgjerimin e arterieve në përgjithësi dhe arterieve konore në veçanti. Janë pikërisht këto arterie, që bëjnë të mundur furnizimin e muskulit të zemrës me gjak , duke fuqizuar dhe muskulaturën e zemrës. Me rezultate të mira mjekuese ato përdoren në format e lehta të pamjaftueshmërisë së koronorëve, në çregullimet, që vijnë nga mosfurnizimi i mirë i trurit me gjak si dhe në sëmundjet e zemrës pas sëmundjeve infektive. Aminopurina është një nga substancat e rëndësishme, që ndihmon në rregullimin e qarkullimit të gjakut. Duke u mbështetur në vetitë shumë të rëndësishme të bimës, çaji i përftuar prej saj përdoret si mjet për fuqizimin e zemrës së dobësuar nga shqetësimet me prejardhje nervore. Çaji ndihmon edhe kur të sëmurët ndiejnë dhimbje të zemrës. Në këto raste këshillohet që, përveç pirjes së çajit, i sëmuri duhet të drejtohet patjetër për vizitë te mjeku përkatës. Rezultate të shkëlqyera jep ky çaj edhe për të normalizuar goditjet e forta, që pëson ky organ. Në këto raste këshillohet pirja e menjëhershme e çajit për të shmangur pasojat e mëvonshme të mundshme. Gjithashtu, çaji i përftuar nga zierja e luleve dhe frutit të grimcuar të murrizit, shërben në rastet e presionit të ngritur të gjakut, pra kur të sëmurët vuajnë nga hipertensioni. Gjethet e reja dhe të thara pihen bashkë me duhanin ose zihen në formë çaji dhe përdoren kundër arteriosklerozës. Një tjetër ndihmesë jep kjo bimë te njerëzit, që kanë vështirësi në frymëmarrje. Pirja e çajit të ëmbëlsuar me mjaltë do të sillte përmirësim të menjëhershëm të shëndetit. Për të gjithë ata që vuajnë nga pagjumësia natën, është vërtetuar se pirja e çajit të murrizit është ndër çajrat, që rikthen në mënyrë të menjëhershme gjumin e humbur. Një gotë me lëngun e bimës përpara se të shtriheni do të japë rezultate.

Çaji i Murrizit:

Për përgatitjen e çajit nevojiten dy lugë me lulet dhe frutet e grimcuara të bimës çudiberëse të murrizit. Kjo masë hidhet në një enë, së cilës i shtohet një filxhan çaji me ujë shumë të nxehtë. Ena mbulohet dhe lihet në qetësi deri sa të ftohet. Më pas përmbajtja kullohet dhe lëngu i përftuar ëmbëlsohet sipas dëshirës. Çaji këshillohet të pihet 2 deri 3 herë në ditë. Për kurimin e sëmundjeve kjo bimë mund të përdoret edhe në formë tinkure, për përgatitjen e së cilës nevojiten 20 gramë lule ose frute të grimcuara të bimës. Kjo masë hidhet në shishe, të cilës i shtohet 100 gramë alkool 60 gradë. Lihet në qetësi për 10 ditë, më pas kullohet. Në një gotë me ujë hidhen deri 25 pika dhe pihet 3 herë në ditë. Tinkura rregullon të rrahurat zemrës dhe lehtëson gjumin. Bima e tharë duhet të ruhet në vende të ajrosura, të freskëta, pa lagështirë. Ajo mund t’i ruajë aftësitë e saj kurative deri në 18 muaj pas mbledhjes së saj.

Ataku (infarkti) i Zemres:

Ataku kardiak është gjithmonë i papritur?!
Si shfaqet?!

Çdo vit në Itali 160 000 persona goditen nga ataku kardiak dhe 50 000 janë viktima të vdekjes së papritur nga pushimi i zemrës. Vetëm një në katër persona të rrezikuar me atak kardiak arrin të kurohet brenda një ore pasi është shqetësuar. Këta janë ata të sëmurë me sëmundje zemre të cilët janë prezantuar nga mjekët kardiologë në kursin e fundit të kongresit të mbajtur për trajtimin e sëmundjeve të zemrës. Shumë shpesh ataku kardiak që realizon ndalimin e zemrës, sidomos kur shfaqen simptomat e para dhe pacienti nuk i drejtohet spitalit që në orët e para kur ai ndjen shqetësimet më të para, të cilat vazhdojnë për më tepër se dhjetë minuta. Por është e vërtetë se ataku i zemrës nuk është përherë i paparashikueshëm, përkundrazi, më shpesh fillon me një intensitet të moderuar të lokalizuar në qendër të kraharorit, që herë shfaqet e herë zhduket. Kur këto shenja “alarmi” i shfaqen çdo personi, i lind dyshimi se diçka po ndodh. Për këtë arsye është e rëndësishme që të njihen mënyrat sesi shfaqet ataku kardiak dhe çfarë duhet bërë në ato momente.

Çfarë ndodh gjatë një ataku kardiak:

Para se të ndodhë ataku kardiak, trombocit i mpiksur gjaku mbyll arterien e zemrës duke bllokuar kalimin e gjakut nga zemra për në vena dhe arterie. Në këtë situatë muskuli i kësaj zone fillon të vdesë dhe ky është ataku miokardiak. Ekzistojnë mjekime farmaceutike që ulin mundësitë e mpiksjes së këtyre trombociteve, po ashtu ka mjekime që lirojnë arterien nga koagulimi i gjakut, si dhe është e mundur që vena e bllokuar të hapet me një operacion kirurgjikal. Në këtë mënyrë, ataku kardiak mund të parandalohet përkohësisht. Trajtimi mund të jetë më shumë efikas kur ndërhyrja kirurgjikale bëhet në orët e para kur shfaqen shenjat e atakut kardiak.

Cilat janë shenjat e alarmit:


Shenjat që mund të hetohen në rastet e atakut kardiak janë këto:
Shenja të shtrëngimit të fortë dhe ndjesi peshe në kraharor.
Shtrëngime të dhimbshme në qendër të gjoksit, të cilat zgjasin disa minuta edhe pse mund të shfaqen dhe zhduken herë pas here. Dhimbje të forta të kraharorit të cilat përhapen dhe përgjatë krahëve, shpatullave dhe duarve, në qafë, në stomak, ndjesi të ftohti, pengim frymëmarrjeje; shenja këto që shoqërohen me ndjesi të fikti. Jo të gjitha këto shenja shfaqen në çdo rast ataku kardiak, por janë tregues shumë të dobishëm për ta rinjohur atë. Në qoftë se pas shfaqjes së simptomave, shqetësimet në kraharor vazhdojnë edhe për 10 minuta, e këshillueshme është që t’i drejtoheni mjekut.

Kur duhet t’i drejtoheni mjekut:

Koha është e çmuar dhe për këtë në momentin kur shfaqen simptomat e para, nuk duhet të prisni më shumë se dhjetë minuta për t’iu drejtuar mjekut apo për të shkuar në spital sa më shpejt të jetë e mundur. Por cilat janë avantazhet e një ndërhyrjeje të shpejtë? Një ndërhyrje e shpejtë parandalon atakun kardiak, si dhe ndihmon në fillimin e një kure sa më të shpejtë. Në rastet kur zemra ndalon gjatë rrugës kur bëhet transportimi për në spital, ambulancat sigurojnë një trajtim të shpejtë, i cili i paraprin trajtimit të kardiologut.

Faktorët që shkaktojnë atakun miokardial janë:

1.Një tromb që bllokon totalisht ose pjesërisht lumenin

2.Mosha, seksi

3.Histori familjare për sëmundje aterosklerotike

4.Duhani, përdorimi i kokainës

5.Diabeti melit

6.Hipertensioni

7.Obeziteti

8.Rritja e nivelit të homocisteinës

9.Jeta sedentare

10.Stresi psiko-social

11.Sëmundjet perivaskulare

12.Higjiena e varfër orale

Hipertensioni dhe moshat ku shfaqet

Nga tensioni vuan gati 12-20 për qind e popullatës dhe me rritjen e moshës rritet dhe përqindja e të prekurve. Por më të predispozuar për t’u prekur nga kjo sëmundje është mosha mbi 45-50 vjeç për burrat dhe 50–55 vjeç për gratë. Te gratë kjo lidhet me hyrjen në periudhën e menopauzës dhe çrregullimet hormonale karakteristike të kësaj periudhe, ndërsa te burrat me çrregullimet që pësojnë enët e gjakut, përdorimin e kripës, duhanit, alkoolit. Enët e gjakut humbasin elasticitetin, ngushtohen dhe nisin problemet me tensionin e gjakut. Kohët e fundit po vihet re se hipertensioni po shfaqet dhe te moshat e reja. “Fajtorët” për këtë duhen kërkuar te trashëgimia, por dhe stili i jetës, aktiviteti i ulët fizik dhe regjimi ushqimor me kalori të tepërta dhe pa vlera ushqimore.

Kolesteroli, përgjegjës për atakun kardiak

Kolesteroli është një yndyrë e pranishme në trupin e njeriut. Bëhet fjalë për një substancë shumë të rëndësishme për organizmin tonë dhe në fakt është një pjesë shumë e domosdoshme për ndërtimin e membranës qelizore, të disa hormoneve e strukturave nervore, përveç faktit që është ushqyes për disa tipa qelizash. Nga ana tjetër, kolesteroli njihet si përgjegjës për disa sëmundje patologjike që kanë të bëjnë me zemrën si dhe ataku kardiak. Kolesteroli është i nevojshëm për organizmin, por është e nevojshme të mbahet në nivelin e duhur, sepse kur ky nivel kalohet për një kohë të gjatë, sjell probleme për shëndetin, duke e transformuar këtë substancë të rëndësishme për organizmin në një rrezik për të.

Infarkti miokardial dhe shkaktarët

Pika në zemër e njohur në anatomi si “Infarkti miokardial”, është shprehje popullore për paraqitjen e befasishme të çrregullimit të funksionimit të zemrës. Kjo shprehje përdoret me rastin e paraqitjes së të rrahurave të vështirësuara të zemrës, frymëmarrjes së vështirësuar dhe disa dukuri të pakëndshme në afërsi të zemrës. Termi “I ka ra pika në zemër” përdoret për shpjegimin e vdekjes nga infarkti ose sëmundjeve si angina pectoris, çrregullimet e ritmit të zemrës, helmimet me nikotinë dhe kafeinë. Infarkti miokardial është nekrozë e parikthyeshme e muskulit kardiak që shkaktohet si pasojë e një ishemie të zgjatur. Kjo zakonisht ndodh si pasojë e mos-balancës të oksigjenit të ofruar dhe të kërkuar.

Infarkti, shpjegimi dhe llojet e tij

Me fjalën infarkt nënkupton vdekja e një organi (lat. Nekrozë) për arsye të mungesës së oksigjenit, si pasojë e mungesës me furnizim me gjak (lat.Ishhemi). Në shumicën e rasteve ndodh infarkti si pasojë e bllokimit të pjesshëm ose të plotë të enëve të gjakut, si pasojë e një tromboze ose embolie. Dallohen dy lloje të infarktit: Infarkti anemik (indi mbetet pa gjak ose “infarkti i bardhë”) dhe infarkti hemorragjik (indi përmbytet nga gjaku ose “infarkti i kuq”). Shfaqja e tij shoqërohet me dhimbje të gjoksit. Shpesh mund të përshkruhet si një dhimbje substernale, e paqartë, shtypëse në gjoks, djegëse dhe ndonjëherë edhe e mprehtë. Një dhimbje që zgjat rreth 30 min. Rrezatimi në krahun e majtë edhe në qafë ndodhin në isheminë miokardiale. Dhimbja e gjoksit mund të shoqërohet me nauze, të vjella, lodhje.