Menyra ideale për të gjitha gratë shtatzëna.

Menyra ideale për të gjitha gratë shtatzëna

Rekomandimi i specialistëve, si duhen përshtatur yndyrat dhe kaloritë


Shtatzënia është një periudhë delikate jo vetëm për shëndetin e nënës, por dhe të fëmijës që do lindë. Prandaj mjekët këshillojnë një kujdes të veçantë dhe një dietë që duhet të zbatohet. Është e këshillueshme që gruaja shtatzënë të pijë sa më shumë lëngje dhe ujë, sepse e ndihmojnë në pastrimin e veshkave dhe gjakut. Këshilla e parë që vjen nga mjekët gjinekologë është një dietë e ekuilibruar, e shëndetshme dhe e larmishme. E për ta garantuar këtë, specialistët rekomandojnë që dieta e gruas shtatzënë duhet të përfshijë ushqime të pasura me fibra, kripëra minerale, vitamina, fruta-perime; proteina, mish, peshk, vezë, qumësht dhe bulmetra; dhe karbohidrate, makarona, oriz dhe bukë. Të gjitha këto substanca që ndikojnë në ruajtjen e shëndetit të gruas dhe zhvillimin normal të fetusit. “Gjatë shtatzënisë mbi të gjitha duhet të eliminohen yndyrnat, sheqernat dhe kolesteroli, megjithëse jo në mënyrë drastike. Në të njëjtën kohë këshillohet që gruaja shtatzënë të pijë shumë ujë, sepse pastron veshkat dhe gjakun”,- këshillon gjinekologu Frederik Karanxha. Sipas mjekut, nëna e ardhshme nuk duhet të tregohet e fiksuar ndaj ushqimit, sepse nëse ha shumë, kaloritë e tepërta depozitohen si dhjamë në pjesën e hijes dhe kofshëve dhe pas lindjes do të jetë e vështirë të rikthehet në peshën normale. Është e rekomandueshme që pesha trupore duhet të jetë e qëndrueshme gjatë tre muajve të parë të shtatzënisë dhe më pas të shtohet me 1,5 kg në muaj për gjatë 6 muajve të tjerë, në mënyrë që të mos i kalojë 12 kg. Kjo mund të arrihet vetëm duke pasur një regjim ushqimor ditor të larmishëm dhe të ekuilibruar, me ushqime të pasura me kripëra minerale, vitamina, karbohidrate dhe fibra, sepse sigurojnë zhvillimin normal të fetusit.

Këshilla për tremujorin e parë

Me nisjen e shtatzënisë organizmi i gruas nis të modifikohet, pasi fetusi nis të zhvillohet me “hapa gjigante”. Gjatë tremujorit të parë janë të shpeshta të përzierat, prandaj specialisti këshillon që nëna e ardhshme duhet të hajë pak dhe shpesh, duke ulur konsumimin e ushqimeve të pasura me yndyrna dhe duke shtuar ato që janë të pasura me karbohidrate, drithëra, perimet dhe frutat. Por mbi të gjitha është e rëndësishme që gruaja shtatzënë të ndjekë një dietë të ekuilibruar dhe normale, duke shtuar gradualisht konsumin e perimeve me gjethe të gjelbra, që përmbajnë mjaft acid folik, një element ky mjaft i rëndësishëm për zhvillimin normal të fetusit.

Tremujori i dytë

Gjatë fundit të këtij tremujori, me zhvillimin e ndjeshëm të mitrës dhe fetusit, rriten dhe nevojat ushqimore të nënës, e cila duhet të jetë më e kujdesshme në regjimin ushqimor. Në këtë periudhë duhen eliminuar ushqimet me shumë kalori, si: sheqernat dhe yndyrnat, që përveçse të shëndoshin, nuk janë të ushqyeshme. Ne rekomandojmë shtimin e konsumimit të peshkut, vezës dhe mishit, sepse ndihmojnë në formimin korrekt të sistemit nervor të fetusit, që gjatë këtij tremujori bëhet më i plotë. Në të njëjtën kohë duhen privilegjuar ushqimet e pasura me vitamina dhe kripëra minerale. Duhet të konsumohet shumë ujë dhe ushqime me fibra, të eliminoni ushqimet pikante dhe erëzat, sepse mund të sjellin probleme me tretjen.

Tremujori i tretë

Gjatë fazës së fundit të shtatzënisë, gruaja ndihet e lodhur dhe e rënduar, për shkak të shtimit të ndjeshëm të peshës së fetusit (2,8-3,5 kg). Për të përballuar më mirë këtë periudhë këshillohet që gratë shtatzëna të hanë në doza të vogla, por më të shpeshta, duke vazhduar të privilegjohen karbohidratet, drithërat dhe perimet.

Zbulim që përmirëson shtatzaninë

Një grup shkencëtarësh australianë i janë përgjigjur pyetjes “pse meshkujt prodhojnë spermë dhe femrat prodhojnë vezë”? Gjetjet e tyre mund të udhëheqin për të përmirësuar terapinë kanceroze apo përmirësimin e shtatzënisë. Derivatet e vitaminës A shkaktojnë fillimin e vezës dhe prodhimin e spermës, proces ky i njohur si meiosis. Qelizat që kthehen në një pikë, në vezë apo spermë, janë identike në embrionet e mashkullit dhe të femrës. Retinoic acid, një derivat i vitaminës A, bën që te qelizat në embrionet e femrës të fillojë meiosis, duke krijuar prodhimin e vezëve. U gjend gjithashtu një enzime e pranishme ne embrionet e mashkullit, e cila zhduk retinoic acid, dhe ndalon meiosis pas lindjes, duke dhënë prodhim sperme.

Stërvitja gjatë shtatzanisë

Aktiviteti fizik dhe stërvitja luajnë një rol të rëndësishëm në nxitjen e shëndetit dhe përmirësimin e gjendjes shpirtërore tek gratë shtatzëne. Femrat që stërviten në këtë kohë tregojnë se nuk shtojnë aq shumë peshë sa ato që nuk stërviten, e kanë më të lehtë për ta humbur peshën pas shtatzënisë, ndjehen më mirë shpirtërisht dhe flenë më rehat gjatë natës. Disa studime kanë treguar që femrat që stërviten e kanë më të lehtë procesin e lindjes, përdorin me pak analgjezik dhe një numër më i ulët i tyre lindin me operacion. Shtatzënia në vetvete është një gjendje fiziologjike shumë komplekse dhe kujdes i madh duhet treguar që programi i stërvitjes nuk shkakton ndonjë komplikim. Aktiviteti fizik dhe stërvitja ka si qëllim sigurimin e shëndetit dhe evitimin e komplikacioneve për femrat dhe për bebet.

Komplikimet gjatë shtatzanisë

Por gjatë shtatzënisë mund të ketë disa komplikime që mund të ndikojnë në aftësinë për t’u stërvitur. Jo pak gra shtatzëna vuajnë nga anemia, e cila ul kapacitetin e gjakut për të transportuar oksigjen. Kjo bën që të ndjehen më të lodhura, u merret fryma dhe u merren mendtë. Po ashtu shumë femra përjetojnë kontraktime të parakohshme gjatë shtatzënisë. Edhe pse këto nuk shkaktojnë gjithmonë lindje të parakohshme, ato e rrisin rrezikun për një lindje të parakohshme. Disa gra shtatzëna përjetojnë dhembje mesi, si dhe dhembje te këmbëve gjatë shtatzënisë. Kjo vjen si pasojë e ndryshimit të peshës dhe qëndrimit të trupit.

Rritja e vonuar e bebit në mitër

Rritja e vonuar e bebit në mitër gjendet duke matur rritjen e mitrës dhe duke parë sonogramin e fetusit. Nëse bebi ka rritje të vonuar, kjo do të thotë që ai nuk ka furnizim të mjaftueshëm me oksigjen nga placenta. Pirja e duhanit, përdorimi i drogës, infeksionet dhe qarkullimi i varfër i gjakut, janë shkaqe për bebin, për të mos u rritur shpejt. Për faktin që stërvitja e largon qarkullimin e gjakut nga placenta, bebi që nuk po rritet shpejt, nuk do e tolerojë dot stërvitjen e nënës. Gjatë shtatzënisë trupi ka nevojë për karbohidrate dhe për furnizim të vazhdueshëm me oksigjen. Po ashtu femrat që janë shtatzëne me më shumë se një fetus kanë një përqindje më të lartë komplikimesh. Stërvitja duhet të fokusohet në ushtrimet pa impakt peshe si joga dhe duhet të ketë si qëllim përmirësimin e tonusit të muskujve.