Receta Gatimi te ndryshme.

Japrak me gjethe rrushi

Zakonisht kjo lloj gjelle përgatitet në pranverë, kur gjethet janë ende të njoma. Gjethet lahen dhe hidhen në ujë të vluar për 1-2 minuta, që të zbuten. Kullohen e hapen në tavolinë një nga një (pjesa e shkëlqyer nga posht). Vendoset mbushja dhe mbështillen në formë roleje duke futur anët nga brenda.
Mbushja përgatitet në këtë mënyrë: orizi qërohet, shpëlahet dhe zihet për 4-5 minuta; i kullohet uji, shtohet qepë e njomë e grirë hollë, kripë, piper dhe kopër. Të gjitha këto përzihen mirë dhe përdoren për mbushje. Gjatë mbështjelljes, sipas dëshirës, në çdo japrak mund të vendoset një copë e vogël mish qingji (tul). Në rast se përdoret mish tjetër, atherë duhet të kalohet në makinë.
Japrakët mund të përgatiten edhe pa mish. Për këtë, në një tigan kaurdisen qepë të grira hollë, shtohet oriz, vazhdon kaurdisja edhe pak, hidhet ujë në mënyrë që orizi të jetë gjysmë i zier, shtohen erëza, kripë, piper dhe përzihen mirë.
Japrakët e mbështjellë vendosen në tenxhere me fund të gjerë në 2-3 shtresa. Në fund vihen disa gjethe, pastaj shtohet ujë ose lëng mishi dhe kripë. Sipër vihet një pjatë, mbulohen me kapak dhe zihen në zjarr të javashëm për 25-30 minuta. Japrakët mund të shoqërohen me kos,ose me lëngun e vet të prerë me vezë e limon.

Për 4-5 persona duhen:
- gjethe rrushi 40-50 copë,
-oriz një filxhan e gjysmë çaji,
-qepë të njoma 4-5 copë,
-vaj 2 filxhanë kafeje,
-kripë,
-piper,
-kopër.

Pule me perime

Përshkrimi recete pule me perime nga usa

Përbërësit

* 1 pule
* 1 limon
* 1 qepe
* 2 thela hudhra
* karrota 2 3 te mdhaja
* patate 2 kokrra
* speca 2
* dhe cdo llloj perime qe ke qef ti

Udhëzime per pregaditje

Merr pulen e lan mire pastaj e merr limonin dhe end apergjys po ashtu dhe qepen dhe kto ia fut pules ne byth me krip dhe piper te zi .pastaj e lyen pulen me vaj ulliri nga jashte dhe e be me piper te zi dhe kripe.

I merr perimet dhe i pret ne copa dhe kto i be me krip dhe piper dhe ne nje tepsi vendos pulen ne mes dhe anash i fut perimet i perzie kto mire me vaj ulliri dhe kripen e piper pastaj e mbulon me leter alumini dhe e fut ne furre e le 30 min dh epastaj ia heq letren dhe e le per 15 ose deri sa t ejet gati .

CERVISH KAVAJE

Perberesit:

Për 4 persona:

* ½ kg tul viçi
* 100 gr miell
* 50 gr gjalpë
* 7 thelpinj hudhër
* 300 gr trahana
* 2 vezë
* 300 ml shtalpë
* 3 lugë uthull molle
* vaj, kripë dhe piper i zi.

Procedura:

Mishin e presim në kube, hedhim mbi to kripë, i kalojmë në miell, në të verdhat e vezëve të rrahura dhe i skuqi m në gjalpë.

E ziejmë trahananë dhe e kullojmë. Pasi skuqet mishi, në tigan e shtojmë trahananë e kulluar. E shtojmë hudhrën e prerë në copë dhe uthullën. Hedhim kripë.

Në enën e qelqit rezistuese ndaj zjarrit hedhim vaj dhe në të e derdhim përmbajtjen nga tigani. I rrahim të bardhat e vezës me pirun dhe i hedhim sipër përmbajtjes në enë. Enën e vëmë në furrë. Pjekim 20 minuta, në temperaturë prej 180 gradë.

Çervishin e presim në copë. Shtalpën e mbushim në shiringë kuzhine dhe me të e zbukurojmë çdo copë çervishi. Sipër shtalpës vëmë nga një degë majdanozi dhe një fetë rrepe të kuqe.

Me këtë pjatë rekomandohet vera e thatë e bardhë.

Pulë e mbushur me gështenja


Për 4-5 persona duhen:
* 500 gr pulë
* l filxhan çaji gështenja të qëruara
* 2 filxhanë kafeje
* oriz l lugë gjelle
* rrush i thatë
* l kokërr qepë
* 50 gr gjalpë
* kripë, piper i zi, kanellë.

Përgatitja:
Zgjidhet një pulë mesatare, e majme dhe e re. Pula pastrohet, lahet dhe bëhet mbushja.
Zgjidhen gështenja të mëdha, zihen për 5 minuta, qërohen nga lëvozhga e cipa e brendshme; copëtohen në katërsh, ndërsa rrushi i thatë ose fara vendoset në ujë të vakët që të zbutet e të by­mehet ose bajamet të cilat qërohen nga cipa dhe priten.
Në tenxhere me gjalpë kaurdiset qepa, hidhen mëlçitë e pulës (të grira), orizi dhe kaurdisen së bashku. Shtohen gështenjat ose bajamet, rrushi i thatë, pak kripë dhe lëng pule ose ujë. Lihet në zjarr derisa të ketë pirë lëngun dhe të jetë bërë një pilaf i shkrifët dhe i papërfunduar mirë. Hiqet nga zjarri, hidhet kanellë e bluar dhe me këtë masë mbushet barku, kurse gusha e pulës qepet.
Pula lyhet me gjalpë, kripë, piper të zi dhe piqet në furrë.
Pas pjekjes ndahet në pjata dhe spërkatet me lëngun e mbetur nga pjekja..

Qengj ne furre me patate


Për 6-8 persona nevojiten:
* 2 kg mish qengji tul (kofshë ose gjoks)
*1 kg patate
* 5 thelpinj hudhra të prera hollë
* 1 degë rozmarinë të freskët
* lëng i 1 limoni
* vaj ulliri
* kripë e piper

Përgatitja:
1. Lani mirë mishin, fshijeni dhe rregullojeni me kripë e piper. Vendoseni në një tepsi pireks ose në enë balte.
2. Pastroi patatet dhe prijini sipas dëshirës. Rregullojini me kripë e piper dhe shpërndajini në tepsi, rreth e përqark mishit.
3. Hidhni nga lart degën e rozmarinës, të prerë në 3-4 pjesë, hudhrat, lëngun e limonit dhe 1 gotë ujë.
4. Mbulojeni tepsinë me letër alumini dhe piqeni ngadalë për rreth 1 orë.
5. Në vazhdim, hiqeni letrën e aluminit dhe gradojeni furrën në zjarr të fortë. Piqni për akoma 30 min, derisa mishi dhe patatet të marrin ngjyrë.
6. Shërbejeni gjellën të ngrohtë..

Tave e kosi:

Per 4 - 5 veta nevojiten:

- 3-4 thelpinj hurdhe te prera holle shume,
- miell misri 6 -7 luge gjelle
- mish qengji ose mish delje (500 gr)
- kos 500 gr
- kripe
- 2 kokrra qepe te grira holle
- vaj ulliri 2-3 luge gjelle


Metoda e gatimit.

Merret qepa edhe hidhet ne nje ene te thelle ku ke hedh si fillim vajin e ullirit afersisht 4 luge gjelle
Merret mishi edhe behet ne copa tani copen ti zgjidhe vete sa te madhe do ta besh, por mire eshte mos ti bejme shume te medha ,,, se nuk duken shume, e kom fjalen kur i bene te vogla duket sikur ka shume mish... edhe i hedhim ne ene. Keshtu i skuqim pak edhe sa mishit ti vije icike ere e mire, u hedhim edhe icike kripe. Hidhi siper uje edhe veje per te zjere pak edhe provoje ti kur mishi te hahet e jo te jete si llastik,,, Mishi i qingjit zjen shpejt keshtu qe provoje ere pas here. Merr nje ene te madhe edhe hidh afersisht 1/2 kg kos( 1 kg mish) hidh vaj ullini 3 luge gjelle edhe hudh edhe hurdhat e grira hollshem ,, po qe se je qejflije hidhi edhe ca erza se nuk i ben keq ...perzieji bashke,, Pastaj hidhi icike miell misri edhe perzieji bashke,,,,aq shume perzieji sa ti besh telef fare ti bosh..( e kom llafin perzieji 2 min) Mishin e ziere e merr e heq nga uji edhe e hedh ne nje tave pjekje te cilen e ke lyer pak me voj ullini nga te gjitha anet,, edhe veje mishin aty pasi e ke hequr nga lengu i vet... Merr sa te them une ty i garuzhde long mishi edhe hudhja siper perzierjes se kosit edhe ,, edhe ashtu si oshte hudhja siper mishit... Merre taven edhe fute ne furre afersisht 220 grade ,,,edhe piqe per afersisht 20-30 min, por mire eshte me e pare here pas here ,, se e poqe pastaj ... Pastaj merre taven edhe ndaje neper pjata ,,, edhe merr stilolapsin edhe disa flete te bardha edhe pergatit faturen per secilin nga mysafiret edhe ,,, griji nga paret... e kam fjalen merru parate per taven e kosit...

Musaka me patate

Për 4 - 5 persona duhen:

-Patate 1 kg,
-qepë 5-6 kokrra mesatare,
-yndyrë 3-4 filxhane kafeje,
-domate 4-5 kokrra ose 1 lugë gjelle salce,
-kripë,
-piper,
-gjethe dafine

Metoda e Gatimit:

Patatet me madhësi mesatare qërohen, lahen dhe priten në feta të rrumbullakta, me trashësi 5-7 mm. Patatet skuqen derisa të krijohet një kore e lehtë. Qepa e prerë në formë gjysmërrethi skuqet me yndyrë në zjarr të javashëm në menyrë që të mos digjet, por të zbutet. Këtu hidhen domate të qëruara në copa kubike, pak salcë, vazhdon kaurdisja edhe pak, shtohet kripë, piper flete dafine. Në tavën e lyer me yndyrë shtrohet një shtresë patatesh të skuqura, mbi to gjysma e qepës, përsëri nje shtresë tjetër patatesh dhe pastaj pjesa tjeter e qepës. Mbi këto prapë shtrohet një pjesë patatesh. Në një enë kaurdiset miell me pak gjalpë, shuhet me gjumësht, përzihet mirë derisa të marrë valë, hidhet kripë dhe lihet masa të trashet. Hiqet nga zjarri ftohet pak dhe perzihet me vezë. Salca e përgatitur hidhet mbi musakanë, spërkatet me gjalpë dhe djathë kackavall. Tava vihet në furrë për tu pjekur për 30 minuta.

Perberesit:
1 kg sheqer, 0.4 kg tëlyn (gjalp), 7-8 kokrra vezë, 1 kg miell misri i situr, një dorë miell gruri,

1 fixhan kafeje qumësht, një enë e madhe bakri e pakallajisur ose përndryshe prej qelqi.

Procedura:Tretet tëlyni dhe lihet te fundërrojnë kripërat e tij. Pastaj tëlyni i vakët dhe pa kripërat e rëna në fund rrihet me sheqerin deri sa të bëhet një masë e bardhë. E mira është që rrahja e masës të bëhet me dorë, sepse përfundimi i përzjerjes ndjehet kur të duket se prek fije me dorën që po përzien masën e krijuar. Ndërkohë vezët janë përzjerë me qumështin më parë dhe shtohen dalëngadalë tek sheqeri i rrahur, duke vazhduar përzjerjen e këtij të fundit.

Pastaj hidhet mielli dalëngadalë duke vazhduar perzjerjen me dorë. Mielli i grurit hidhet nga fundi. Duhet patur kujdes me hedhjen e miellit, sepse mielli i tepërt i bën të forta ballakumet pas pjekjes. Prandaj, pasi është harxhuar sasia e paracaktuar e miellit, brumi lihet 15-30 minuta në qetësi pavarësisht se ai mundtë duket i qullët. Kjo kohë mjafton që grimcat e miellit të thithin lagështirën e brumit të qullët. Nëse shihet se brumi ka mbetur përsëri si i qullët, atëhere atij mund ti shtohet edhe një dorë miell. Kështu me këtë brume ballakumet nuk do të shtrihen gjatë pjekjes.

Pjekja: Tepsiat lyhen me pak tëlyn dhe spërkaten me pak miell. Pastaj, nga brumi tashmë i gatuar, formohen me dorë gurabiet me madhësi jo të vogël dhe vendosen mbi tepsi të larguara nga njëra tjetra. Paraprakisht furra është nxehur në 170oC. Futet tepsia në furrë dhe lihet aty derisa ballkumet të formojnë pak kore (jo të skuqen). Nxirret pastaj tepsia nga furra dhe lihet të ftohet, me qëllim që ballakumet të shkëputen lehtësisht nga ajo.

Sytliaç


Për 4-5 persona duhen:
• l litër qumësht
• sheqer sipas dëshirës
• 2 filxhanë oriz
• vanilje ose kanellë.
Një litër qumësht vihet në tenxhere. Kur të fillojë të vlojë, në të qiten 2 filxhanë oriz i larë nëntë herë.
Së pari, orizi zihet në qumësht nja 10 minuta në zjarr të fortë, e pastaj në zjarr të ngadaltë derisa orizi të mos zbutet dhe atëherë qitet sheqeri dhe lihet të zihet edhe një kohë.
Kur të zihet, ai zbrazet në misurë të vegjël dhe sipas dëshirës i qitet vanilje e kanellë. Po qe se dëshirohet, orizi mund të zihet ashtu që të mos sheqeroset, por kur të zihet zbrazet në misurë, qitet sheqer, vanilje ose kanellë.
Gjithashtu, sytliaçi mund të zbrazet në misur të madh dhe mbi të të hidhet lëngu i frutave dhe të servohet kur të ftohet.

Tortë çokollate


Recetë nga Fikrie Ukelli - CEKA
Për patishpan: 8 ve, 8 lugë sheqer, 2 lugë miell, 150 gr arra të bluara, lëvore e portokalli e kaluar në rende.
Kremi: 6 të verdha të vesë, 2 të bardha të vesë, 8 lugë sheqer,100 gr sheqer pluhur, 250 gr gjalpë, 2 lugë kakao pluhur, 100 gr çokollatë.
Shurupi: 1 dcl ujë (7 lugë ujë), 100 gr sheqer, 1 lugë rum.
Glazura: 100 gr çokollatë,3 lugë vaj
Çokollata shkrihet mbi avull. Tunden të bardhat e vezëve me sheqer gjersa të shkrihet sheqeri dhe të krijohet një shkumë e qëndrueshme. Shtohen të verdhat e vezëve duke i tundur edhe më tejShtohet mielli dhe arrat e bluara lugë duke e përzier masën me lugë e jo me mikser. Hidhet pastaj çokollata e shkrirë dhe lëvorja e portokallit. Masa derdhet në kallëp në formë zemre ose të rrumbullakët, të lyer me yndyrë dhe të përmiellur, ose të shtruar me letër të yndyrshme. Piqet në furrë me temperature 170 gradë C për 50 min.
Sherbeti vlohet 5 min. pastaj hidhet rumi. (Me këtë sherbet të ftohur spërkaten koret e patishpanit pasi të priten,e pastaj lyhen me krem).
Çokollata shkrihet në avull. Gjalpi i zbutur tundet me sheqer pluhur deri sa të filloj të fryhet. Në enë të veçantë, mbi avull, tunden të verdhat e vezëve me sheqer gjersa të zbardhen dhe të shkrihet sheqeri. Vezët i shtohen gjalpit të tundur duke i tundur së bashku gjersa masa të kompaktësohet. Një e treta e masës veçohet, kurse në pjesën tjetër shtohet çokollata e shkrirë mbi avull dhe kakaoja duke e tundur deri sa të bëhet e njëllojtë.
Patishpani i ftohur pritet horizontalisht, spërkatet me sherbet dhe lyhet me kremin me çokollatë, kurse mbi dhe anash lyhet me kremin e veçuar pa .çokollatë.
Shkrihet çokollata mbi avull duke ia hedhur vajin dhe duke e përzier vazhdimisht. Glazura hidhet mbi torte duke e lyer tërë sipërfaqen dhe anash.