Rekorde Botërore (Gines World Record's)

- Shkrimtarja me e lexuar ne Bote!...

Shkrimtarja më e lexuar në botë është Agata Kristi, e cila 74
romanet e saj për krime, i shiti ne me shume se 2 miljard kopje.
Njekohesishte ato u perkthyen në 44 gjuhë të ndryshme të botes.
Mesatarisht të ardhurat e saj në vit janë 3,7 milion dollarë amerikan.

Angli, gazeta më e vogël në botë thyen rekordin ...

“First News” është gazeta më e vogël që është botuar ndonjëherë. Masa dhe forma nuk kanë rëndësi për lajmin, pasi është kjo gazetë për fëmijë nga mosha 7 deri në 14 vjeç që ka thyer rekordin. Ashtu si të gjitha gazetat e tjera ajo përmban lajme, vetëm se në format të vogël. “First News” është regjistruar në librin “Gines” të rekordeve si gazeta më e vogël në botë. Ajo u botua më 8 nëntor në Londër, Angli. Gazeta për fëmijë përmban lajme shkencore, lajme nga bota e kafshëve dhe krijime artistike. Në faqet e brendshme do të gjeni hapësirë për lojëra, lajme udhëtimi, lajme nga shkollat. Kjo gazetë ka një faqe enkas për prindërit dhe një për mësuesit.

Rekord i ri ne Kine:
Nje njeri lahet ne ujin e ngrire per dy ore...
Kinezi Jin Songhao, i njohur me nofkën “njeriu i akullt”, e theu rekordin pasi i kaloi në temperaturë ekstreme të ulët 120 minuta. Gara e përvitshme, e cila tradicionalisht mbahet në Zhangjiaji, në provincën qendrore Hunan të Kinës, përfundoi të hënën, ndërsa Songhao e mposhti Çen Kecaij, i cili arriti të qëndrojë i zhytur në ujin e akullt 118 minuta. Pjesëmarrësit e guximshëm ulen në kuti të qelqta të mbushura me akull vetëm me brekë të shkurtra, shkruan “Reuters”. Rekordin e mëhershëm në këtë disiplinë e mbante Çen, i cili më 14 mars 2010 në kontakt direkt me akullin kaloi një orë, 48 minuta dhe 21 sekonda.

Rusi Elbrus Nigmatulin, i cili mban titullin e njeriut më të fortë, ka thyer rekordin e tij personal dhe ka lëvizur anijen bartëse me peshë prej 760 tonësh, njoftojnë mediet ruse. Elbrus ka vendosur rekord personal në vitin 2006 kur në lumin “Moska” ka tërhequr anijen prej 186 tonësh.Rusi 35-vjeçari i fuqishëm është kampion rus në katër sporte, përfshirë mundjen e duarve dhe ngritjen e peshave, dhe deri më tani katër herë ka fituar titullin e njeriut më të fortë në këtë vend. Ai ka marrë pjesë edhe disa herë rresht në garën për njeriun më të fortë në botë, por asnjëherë nuk i ka shkuar për dore të gjendet në mesin e tre të parëve. Në vend të peshave, sportistët ekstrem sikur Nigmalutin zakonisht e testojnë fuqinë e tyre në anije, buldozerë dhe kamionë.