Portali
nga Letra e Mbretit Zog, derguar presidentit Roosvelt
Zoti president,
I frymezuar nga tete pikat e deklarates se Atlantikut,kam nderin t'i ve ne
dukje Shkelqesise S'uaj sa pason:
1- Shqiperia ka qene viktima e pare ne Evrope e nje sulmi te paprovokuar te
nje sulmi te Italise fashiste me 7 prill 1939.
Ka qene e para qe i kundershtoi agresionit me ane te forces,megjithese i
mungonin plotesisht mjetet moderne.Populli shqiptar vazhdoi gjithmone t'i
qendroje pushtuesit me gjithe fuqite e veta.
Me 10 qershor 1940,dita qe Italia hyri ne lufte,Legata Mbreterore Shqiptare
ne Paris (e njohur zyrtarisht prej qeverise franceze),riperseriti boterisht
deklaraten pas se ciles nje gjendje lufte vazhdon te egzistoje mes Shqiperise
dhe Italise.
Me 29 tetor 1940,te nesermen e sulmit italian kunder Greqise,duke vepruar
me cilesit e mia statutore dhe njemendje me qeverine t'Ime,i paraqita Sh. Tij
Ministrit te Greqise ne Londer bashkepunimin e vendit Tim kunder armikut te
perbashket.Nje oferte e njejte i eshte bere ne emrin tim Sh. Tij, Ministrit te
Jugosllavise ne Londer,te nesermen e sulmit italo-Gjerman kunder vendit te
tij.
2- Shqiperia,sikunder dhe vendet e tjera te pushtuara,ka jashte tokes se vet
kombetare organe statutore,legalisht te zgjedhur prej popullit shqiptar dhe
nderkombetarisht te njohur.Vendi Juaj,me sa dijme,nuk ka njohur
perfundimin e pushtimit italian te vendit t'Im.Shqiperia vazhdon te jete antare
e Lidhjes se Kombevet.
3- Ne kete kushte,me cilesine time si perfaqesonjes legal i Shqiperise,kam
nderin t'i lutem Shkelqesise s'Uaj te kete miresine,te shqyrtoje gjendjen e
Shqiperise dhe t'i jepet mundesia qe te lozi rolin e saj ne luften kunder
armikut te perbashket te demokracive.As morali nderkombetar,as te drejtat e
njeriut,as oportuniteti politik i castit dhe aqe me pak arsye te rendit
lendor,nuk mund te justifikojne nje trajtim te ndryshem per Shqiperine nga
ana e Fuqive te Medha aleate.
Nje note me kete iu eshte drejtuar fuqive qe jane mbledhur ne Konferencen
Nderkombetare te Londres.Interesimi i qarte dhe aktiv qe vendi Juaj i madh
tregon per kete lufte boterore,i japin sigurisht te drejten dhe i imponojne
detyren qe drejtesia nderkombetare te jete per te gjithe kombet.
Vendi im do dhe mundet t'i beje sherbime ceshtjes se perbashket.Zbatimi i
parimeve te pranuara per te gjithe kombet e roberuar,pa bere nje perjashtim
per Shqiperine,do t'i heqi nje arme te fuqishme propagandes se armikut.
4-Jam i sigurte,se,duke perfaqesuar nje popull te lire,qeveria e Shteteve te
Bashkuara do te cmoje te drejtat e popullit shqiptar,dukeleftuar per
ngadhnjimin e te drejtes nderkombetare e te nje paqeje te drejte e te
vazhdueshme.Qeveria e Juaj do te marre,e shpresoj,masat e nevojshme qe
koj drejtesi e kjo paqe te mos i mohoen nje populli qe nuk kerkon tjeter
vecse nje inkurajim te vogel per te shtuar me teper luften qe ay ben.Do t'a
gjeje kete inkurajim si ata te te gjithe atyre popujve qe vuajne dhe luftojne si
ay.Opinioni publik nderkombetar da ta gjeje ne kete politike,pervojen e
pakundershtueshme qe demokracite luftojne per nje ideal dhe per parime qe
nuk lejojne perjashtime.
Me kete shprese u lutem Z. President,te pranoni shprehjen e konsiderates
t'ime me te larte.
Londer, me 23.9.1941
ZOG I PARE
MBRET I SHQIPTAREVE