Rreziqet e stimulimit hormonal

Rreziqet e stimulimit hormonal

Sot, kur një grua vendos të bëjë një fëmijë,
e do atë menjëherë. Për këtë arsye gjithmonë
e më shumë gratë përdorin metodat e stimulimit
hormonal, pa i ditur rreziqet e tyre...


KUR JEPET ZAKONISHT TRAJTIMI HORMONAL.

Ka gra që e shtyjnë ditën kur duan të bëhen nëna
dhe kur vendosin, duan që fëmija e tyre të mbërrijë
menjëherë. Për këtë arsye shpesh gjinekologu u jep
një tarjtim me stimulues hormonalë si për shembull
"Clomid" (ilaçi që rekomandohet më shpesh nga mjekët).
Ky ilaç përdoret nga gratë me ovulim të çrregullt, por
shpesh jepet për gratë që duan fëmijë e që nuk u janë
nënshtruar analizave. Sipas studimeve 7% e pecienteve
që e përdorin atë, nuk kanë bërë asnjë analizë paraprake
dhe 70% nuk kanë bëra analiza të dorëzimit hormonal,
që do te zbulonin nëse pacientja në fjalë ka nevojë
për stimulim hormonal. Një shifër r fundit që të le me
gojë hapur: 60% e bashkëshortëve nuk bëjnë
spermogramën, për të parë nëse problemi qëndron tek
burri, ndërkohë që nga studimet ka rezultuar se 20%
të çifteve, problemi qëndron pikërishtë tek partneri.
Edhe më parë është vënë theksi tek dhënia e nxituar
e këtyre stimuluesve hormonalë, nganjëherë edhe dy
- tre muaj pas ndalimit të metodave kontraceptive dhe
tek gra gjithnjë e më të reja në moshë (50% e tyre ishin
më pak se 30 vjeç, ndërsa 15% më pak se 25 vjeç), tek
të cilat shkaku i sterilitetit ishte akoma i paqartë.
40% të ilaçve ishin dhënë nga një mjeki përgjithshëm
dhe jo nga një specialist për pjellorinë, pa llogaritur
këtu faktin që mund të fillosh të flasësh për
hiporfetilitet (pjellori e ulët) pasi kanë kaluar 12 muaj
që nga muaji që fillojnë përpjekjet për të mbetur
shtatzënë dhe fillohet të flitet për sterilitet vetëm
pas dy vjetësh.

CILAT JANË RREZIQET E PËRDORIMIT TË STIMULUESVE
HORMONALË, PA PASUR VËRTET NEVOJË PËR TA?

Përveç efekteve dytësore, të lidhura me marrjen masive të
hormoneve, siç është fryerja e barkut, afshet e nxehta,
mbajtja e ujit nga orgnizmi, shtohen rastet e barrave me
shumë fëmijë, binjakë, trinjakë (nga 8 - 20%).
Ndërkohë, fëmija ka dhjetë herë më shumë rrezik se
zakonishtë për të lindur para kohe, si edhe 5-6 herë më
shumë probleme me lëvizjen. Atëherë pse gratë i futen
një aventure të tillë, duke marrë parasysh këto të dhëna?
Sepse ato janë të nxituara dhe nuk i dinë shumë nga këto
rreziqe. Frika nga steriliteti i bën që të kërkojnë teknika sa
më të fuqishme. Formula "një bebe kur e dua unë", kthehet
në "një bebe menjëherë".
Ndërkohë që statistikat kanë treguar se gratë pa probleme
ngelin shtatzëna 3-12 muaj pasi ndalojnë metodat
kontraceptive dhe këto të dhëna janë të pandryshuara që
nga vitet '50. Kjo tregon se përdorimi i pilulës kontraceptive
dhe mënyra e jetesës nuk ndikojnë tek pjelloria.
Me gjithë progreset e bëra, shtatzania ruan akoma misteret
e saj dhe nga njëra anë, kjo është një gjë pozitive.
Pra, nëse doni të mbeteni shtatzënë, mos u nxitoni të shkoni
tek mjeku, bëni durim dhe sidomos, bëni sa më shumë dashuri.