Tensioni i Gjakut...

Pershendetje te nderuar anetare.
Ne vijim te kesaj teme do te keni mundesi
qe te informoheni me disa te dhena rreth
Tensionit te Gjakut...


''Tensioni i Gjakut''

Ç’është tensioni i gjakut?

Tensioni i gjakut është shtypja e gjakut në muret e enëve të gjakut (arterieve) në çdo pjesë të trupit.
Gjaku rrjedh nëpër enët e gjakut pikërisht sepse gjendet nën tension të tillë.
Tensioni krijohet me punën e zemrës si pompë.
Gjatë secilës hedhje të gjakut nga zemra (sistola), tensioni rritet, kurse gjatë derdhjes së gjakut
në zemër (diastola), tensioni ulet.
Prandaj maten dy vlera të tensionit të gjakut, vlera e epërme (sistolike) dhe vlera e ulët (diastolike)
e tensionit të gjakut. Tensioni i gjakut është i ndryshueshëm, ai ndryshon gjatë ditës dhe natës dhe
i është nënshtruar shumë faktorëve të jashtëm dhe të brendshëm.
Ato ndryshime janë pasojë e aktivizimit të mekanizmave të shumtë, përmes të cilave organizmi mundohet
ta mbajë qarkullimin përkatës varësisht nga ndryshimet e kushteve jetësore.

Ç’është tensioni normal i gjakut?

Vlera normale e tensionit të gjakut, e cila mundëson jetë, kurse nuk dëmton sistemin e enëve të gjakut,
është mesatarisht 120/80 milimetra të shkallës së zhivës (mmHg).
Disa persona normalisht kanë vlerë më të ulët të tensionit, që është pasojë e ndërtimit të trupit të tyre,
por është gjendje fiziologjike dhe vetvetiu nuk do të thotë sëmundje.
Me kalimin e moshës, vlerat e tensionit të gjakut bëhen diçka më të larta.
Por jo më shumë se 140/90 mmHg, gjë që llogaritet si vlerë e epërme e tensionit normal të gjakut.