Poezi nga Rudina Madani...

BRENDA LIMITIT

Kur ma shtrive doren
por krahu te qe i shkurte,
kur pjaten ma dhe
por pjata te qe e boshte,
kur dhimbjen ma njohe
e s'ma gjete ilacin...
Nuk te dyshova,
e as nuk te perzura
e as te dyja kembet ne nje kepuce s'ti vura.
Se une e di
kur pamundesia mbi deshiren meshon fort
s'behet fjale per sterilitet miresie,
behet fjale per ABORT.

MPIRJE

Vij nga tokat e lodhura ku djelli ben hije,
ku nderi eshte kaq pervers
sa te rrezon ne gjunje,
ku behet be e rreme ne emer te zotit,
ku askushet bejne buje.

Ne emer te barazise na barazuan
per nje gjume me te mire
me te qete,
ashtu te barazuar rreshqitem
ne boshtin e minuseve lehte - lehte.

Si ta marr veten!...
me kane kafshuar
ne kohe,
ne nerva,
ne sy,
prej qumshtit utopik e perveluar
shihni...
kosit po i fry.

BRILANT

Fol e shkelqe me pak
qe te te ndjej me shume ketij kontakti direkt,
me garanto
me te qenurit prane
e mos me tremb me te qenurit perfekt

SYRI IM

Kam nje sy qe zap duhet bere
i etur per skandale sysh,
kurioz
kam nje sy qe puthet me te tere...
mos!!

I afte ne absorvime
shfrenueshem me percjell
vibrimet qe i kap aty- ketu,
ne kaq materiale
ndjesore a komerciale
shtyn kohen perendia rrumbullake "tru".

Shpesh me qeteson
e ne telajen e jete-zezes hedh tone radikale,
me truke e mirazhe mi neutralizon
dhe skenat me banale.
Kam nje sy te madh e te fuqishem
rrezegjere sa nje prozhektor,
kam nje sy qe kur me sheh t'pagdhire
behet shok e me jep dore.
Dhe hyn ne eksplorim
ne shtigjet qe s'i rraha
energjik
i sakte
hipnotik,
e gjahun ma shtrin ne toke jo fjala ime
por sulmi i tij narkotik.

...Eshte dhe i pasoj e i perdale
se s'ben dallim ne miq e armiq,
mi anoncon gjithe gjendjet shpirterore
e me le lakuriq.

Jep e merr,tregtohet, ujdiset,
jep e merr, ne hell duhet vene
ky syri im si bark xixellonje
e besepake
si nata pa hene.

PIKE REFERIMI

Ti,
qe plusit i thua "i mire"
e minusit "i keq",
mos me gjyko..
te drejten e gjykimit ta heq.

Une,
qe ne labirinte minusesh eca per ters,
plusin e shoh rraskapites
direkt e invers.

KATARSIS


U gdhifsh i bardhe
si shkume e perroit,
si lulebora ne kopsht te fqinjit tim,
i bardhe
e prej se bardhes tende
c'te doje te mbesi...
shpirt
qe te tjetersoi nata,
te tjetersofte tani
mengjesi.

DISHEZE

Provova me gjuhen e zotit
po isha larg,
ma kthyen jehonen e fjales
malet prape.
Ajo qe isha kam mbetur
me shpirt pa kufinj, pa forme
nje zjarr qe ushqehet nga zjarri
nga ererat qe vine e shkojne.
E vetme mes fushes
ku nata e rimelte
qerpiket e barit i leu,
me lind ne damare nje ambicie drite
shkermoqem
e shkrihem si dheu.
Dhe kam energji dhe s'kam
nga frike e mosvleres dyzoj,
i rreshqas nje jete blu
dhe nje jete po blu filloj.

Sa kohe me kot konsumova
me frike mos nuk dal nga kllapia
tani qe kllapise i shpetova
racionoj sekondat e mia....

BEHU PREJ COKOLLATE

Ne kete kohe kur gjithshka ndryshoi
ndrysho dhe ti
qytet i detyrimeve te pa fund,
te jesh gjumeprishes,
te jesh deshirashkeles
s'eshte me
ne mode askund.


Njehere te vetme prej cokollate behu
qytet i detyrimeve ne nevoje,
te mos na sillesh me i gurte mes dhembesh
po te na shkrihesh ne goje.

FUND PA FUND

Shi imoral preteksesh
per ta zgjatur dhe nje ore
........................dhe nje muaj me shume,
i plusuar ideve te sajuara
qe ndjellin gjume.

Idesh patetike
...............qe ftojne, qe ndezin
qe me cudisin e me lene pa mend
keshtu funksionoka i dashur mekanizmi,
i imponimit tend.

AVENTURIM

Ti ishe anije qe me cove larg
larg bregut tim,
duke ndjekur nje projekt ambicioz levizjesh
e ikjesh pa kthim...

Nje projekt ne dukje i thjeshte e intens
studiuar
.............deri ne hollesi,
qe dhunon copera standartesh etike
jo sepse do
por se nuk di.

LARG PASQYRAVE


Persosja ime
qe loje pasqyrash,
performance dinake e deformimit
qe ma ngriti ne njeqind per qind
shifren e vogel te pretendimit.
Keshtu
ne duar nepsesh
e vura veten,
pikante e shtatzanore krejt,
qe diten te me hipin ne anijen e duhur,
por qe anijen ma mbyten ne det.
Larg nga pasqyrat ...
larg te them ! ...
Ti pak shpirt qe ke mbetur ne mua,
ti pak shpirt qe ende di te qash,
ti pak shpirt qe ende di te vuash.

FETISHIZEM


Une lutem
atehere kur kam nevoje
e sot me nevoja jam deri ne fyt,
por zotin tim ia shita nje te mbyturi
dhe i mbyturi te mbyt.
E tash
kokeulur vij
te lyp zotin tuaj
le te jete i vogel si kodra ndane malit,
le t’mos jete i vlerte
le te jete dhe i sajuar,
sikur faksimilja kundrejt origjinalit.

Dhe ne mos ma dhenci
kam per ta bere vete
mbi eshtra falimentesh
qe s’me qene pak ne jete.

GUSHT


Kur nje grua qesh
lind diku nje burre
e thame dhe e sterthame,
po se fiksuam kurre.

Jashte digjen netet
ne te gushtit “ves”
fle ai qe putha
e gjysme e dhomes vdes.
I flas...
po s’me degjon,
e une kridhem ne humnere
...fiket jashte nje radio
...mbyllet jashte nje dere.
Filloj e vjell deshirat
qe i hengra nji nga nji,
si ndoca peshq jashte uji
gati ne asfiksi.
E gjumin ze per fyti
dy fjale i them ne sy:
“o naten na e liro,
o merrna qe te dy”.

DESHTOJ

...
ai qe putha
gerhet ne krahun tjeter
degjo!...
po qau gruaja
nje burre po vdes patjeter.

INSISTIM


Me perdor pa frike
fati im
mjaft me le ne sirtar,
kaq shume pune qenkan per tu bere,
kaq shume gjera qenkan per tu pare.

Me perdor ndjeshem,
bute e mire
si te kishe ndonje rrem artisti,
bej me mua nje njeri te lumtur
bej me mua
c’te te doje shpirti.

Bej me mua nje-milion cudira
e sajo
me dhjetra histori,
me perdor...
perdorme te marrte e mira
der te konsumohem,
der te shkri.

INKOSHIENCE

Demonet e mi
sikur virtytet e mia,
lindin e vdesin
ne nje dite,
ne nje nate,
po te dija te dilja nga morgu e lehonia
do te isha me fat.

Dy rruge me serviren feja dhe njeriu
bile, itenerarin ma kallezuan vete
po kur bera te nisem
u gjeta mes medyshjesh,
ne makinen qe ngiste
neper nje udhe te trete.

ORTEQET


Jane bij te maleve, te serta si ligje
revolucion i hicit
ne shpirtrat lakuriqe.
Ngado i gjen
..... .......ne male,
. ..........................ne male…
kur hyn ne superpeshe
tepria fatale.
Tepria mashtrimit
.............................percmimit,
........................................ vetmise,
qe acaron durimin ne kulmin e trysnise.
Tepria e ndrydhjes,
beseprerjes,
zhgenjimit...
qe rrezon nga malet revoltat e shfrimit.
Ne male,ne male
e perseri ne male,
epersi e shenjte, epersi fatale.
Para jush e humbin vleren
planet,
skenat,
lajkat,
buzeqeshjet,
sterhollimet, alibite, krahmarrjet, leqet...
...
mjere ke zene perfund orteqet.

PAKT


Beju jastek i bute kesaj koke
qe te mendon cdo cast,
qe te fitoi ne te gjitha hamendjet,
qe te humbi per nje bast.

Se ahere do ze mend e do eci
si dikur
me kembet ne toke,
beju jastek i bute kesaj koke
te clodhet, gjer gjumi ta rroke.

GJYSMAKERI


Cante e jetes sime
gjysem bosh e gjysem plot,
me punera qe i bera
e qe si bera dot.
Ne fund te saj,
ne fund,
(ku syri nuk e kap)
nje vrime nga derdhet koha
here qetaz
here me vrap.
Metamorfohet...
dhe nga cante
behet kuletez, behet thes
une jap me shpirt ate qe mundem
e te ma ktheni nuk e pres.
E aty
ne gji te cantes sime
gjysem te mbushur
gjysem boshuar,
kam shperblimin e asaj qe bera
e pishmanin
e asaj
qe kam harruar.

PER TY


Fuqi elektrike pareshtur
nga ti importoj,
e ndezur programesh intime
prej flokeve ne thonj.
Mendohu goje e bukur
e tregoma shpejt
vetedijshem puth,
a inercije krejt!!...
A e di…
kur kodit s´i pergjigjesh
prish qarqet ne mua,
atehere,
impulse te reja vemendjeje dua.
Vendos…
fuqia ime elektrike
te rrish edhe pak,
trofeja e vetme, konkrete
ne jeten zig-zag.
O sy i bukur qe ma jep
edhe ne qofsh
imitim tundues e i mjere
(mos mu rrefe)
ti ma zbukuron rinine,
ende...

PUSHTIM


Lajthitje e bukur, flagrante
e pergjuar si faj femije,
permbytje me solle ne cdo skute
nga kryet ne ije.
Ti ndodhe dje... ti ndodhe dje
u befte e djeshmja
....................e neserme.

Ndjehem e engjellt tani
me shije freskie ne damare
mos me qofsh e fundit askurre
dinjitozja
seanca e pare.
Qe ndodhe dje... qe ndodhe dje
u befte e djeshmja
.....................e neserme.

U tunden e stertunden
dy bote ne lulezim
u thjeshtua kaq shume brendia e veprimit,
gjer ne shperpjestim.


Ku gjete pasaporte,ku gjete
per t’ma shkelur kufirin intim
tash qe tokat e mia zaptove
perpelitem ne ethe e frikim.

Jo se i frikem parmendes tende
le t’me leroje deri ne deje,
po etjes per pervoja te reja
qe ben vaki...
fle brenda teje.
Keshtu them sot ... keshtu them sot
e kjo e thene
.....................mos u befte dot.

RRUGET

Me kane rritur rruget,
djeporet,
te pafundmet
rruget me bene kete qe jam,
me teper nga c’kam pritur me ofruan
kur shansin e perzgjedhjes me dhane...
Dhe perzgjodha
ashtu si me erdhi
here veseve
here ndjenjave
here kot me kot,
mire a keq
k’te kurre se kuptova
mire a keq
k’te koha le ta thote.
Me kane rritur rruget
nenoret,
enigmoret,
rrugeve e kam humbur
e gjetur toruan
me teper se ckam pritur me dhane
kur shansin e perzgjedhjes me ofruan...

ATY


Une sillem
ne spiralen e sugjestionit tend,
marramendas,
sillem e persillem pa zene vend
pleksem e shpleksem
ngrihem e bie...
pa gjetur nje minute rehatie.
Por jam aty
prezent si ajri
qe as nuk shihet
as evitohet
ne marramendjen e ngazellyer
une jam aty
si fakt i kryer.
Nuk sillem enkas,
sjellja eshte kusht i rezistences
ne kete spirale,
une jam aty
si buzeqeshja
si fakt i kryer
si gje normale.

SHPËRNGULJA

Qemë ne që në emër të vetëgjetjes
injoruam baltën
e u projektuam në dimensione
që s’di pse...
i përcjellim ende gjeometrikisht ...
u shpërndamë krejt harrueshëm,
grive të betonit
në ngutje vogëlsirash tejzënë
sofistikisht...

Qemë ne që injoruam baltën
në shtegtim të vetëgjetjes
që s’di pse...
kaq shumë akcent i dhamë
e rëndësi,
në emër të saj justifikojmë vetëhumbjet
vlerëhumbjet
......mikhumbjet,
...........djehumbjet
në emër të saj
u shpërngulëm në gri...

E besomëni...
(ka gjasa)
që këtyre grive të betonit
kurrë kaq e njëzëshme
s’do kish qenë shpërngulja,
sikur të na binte në mend edhe një herë
që vetëm në baltë
e prej baltës
....... lind
.............lulja.

PËRMBI

E zhduk
çdo shenjë të zakontë graviteti
kjo këmbëngulje e ëmbël e pranisë tënde,
e mbi rutinën prej ozoni të asaj që jam
pezull më ngre,
mbi përsetë e pafund ku çapitem
pezull më ngre,
mbi frikën sugjestive te stinës që na lë,
mbi liritë e tepërta
te pavëna mirë në punë
pezull më ngre....
ç’mrekulli kjo humbje e peshës
prej të cilës
rregullisht e perceptoj lunatizmin tim
që më veçoi
e objekt kureshtjeje më bëri
për të palehtët
që mijëra herë
fytyrës ma përplasën
rëndësinë e të qenit me “peshë”,
e të qenit mbi tokë
e të qenit mbi këmbë
e të qenit
domosdoshmërisht
e rëndë.