Poezi nga Rudina Madani...

Pershendetje.

Ne kete teme do te keni rastin qe te lexoni
disa poezi nga poetja, Rudina Madani...
Njekohesishte edhe mundeni te posteni poezi
te tjera te kesaj poetje qe nuk gjenden ketu.

Lexim te kendshem...

Sinqerishte:
Saimiri...

LEKUNDJE

Toke e premtuar
pse me dukesh e larget
teksa eci mbi ty,
itenerarin e kesaj rruge e zgjodha me zemer,
me zemer e jo me sy.

E premtuar njemije here para meje
dhe e mbajtur me fytyre e me erz,
pse ne duart e mia sot
je cakmak qe nuk ndez?!!....

KARRIERE


Disa guxojne...
hipin ne shkalle,
kacavirren
hidhen, levrijne
kur prekin....fryhen
kur humbin...s'pipetijne.
Ama guxojne
grisin paragjykimet para vetes
te tjera mbjellin pas,
per tu vene rrjete atyre
qe i arrijne ne cas.
Ama guxojne...
strikt ne nje ide
qe fikse u be tashme
e mbart nje emer ndjelles
per cdonje.
Ama guxojne...
guxojne disa
cudi e madhe si guxojne
po sikur...sikur...largqofte....
thote grupi i atyre qe komentojne.

Vazhdojne sikuret, frikerat, dyshimet
"mban mend filanit se c'i ndodhi
e ngriti fati dhjete here perpjete
e perseri
dhjete here e hodhi".

E shmangen lehte
e bejne pak tutje,
e veten hijshem ngushellojne:
"me mire te qete diku ne hije,
as kemi
por as na mbarojne".

Por syri larg e larg iu tretet
ku zgjaten shkalle
pa fund
pa ane,
duke shpresuar t'iu cmpikset shtegu
e t'iu krijohet nje rrethane....

FAJI

I kostumte
i seriozte,
sikur f'tyre e robit ne varrim,
eshte i imi, i yti, i te tereve
dhe perseri jetim.
Heret mesuam ta qellojme
e ta yshtim sikur shpirtin e keq,
por guret serish na u kthyen
e shpines i ndjeme per dreq.
Ikem prej tij
por hijen
ia pame dhe ia gjetem kudo,
na e ktheu te lodhshmen rruge
ne nje te hidhur "vend-numero".
Faji...
...kjo hurme e pabere,
i perfolur si qime ndersa ishte tra...
i imi, i yti, i te tereve...
dhe perseri
pa nene e baba.

ESELL

Nje mije menyra
per te ikur prej jush
qetesira ...
nje mije
per t'u shlodhur prej jush...

Rivalitetet qene prej kartoni
si te gjithe heronjte e mi,
asnje nuk mbeti ne kembe
pas eres me shi.

Pas eres qe mi shqeu mjegullat
e inateve primitive,
e ma solli nevojen e bashkimit
krejt instiktive.

HUMBJE

Do te duhej nje mal
per te bere njerine
..........qe ishte ne ty dikur,
per ta asgjesuar nuk u desh gje tjeter:
nje re e nje gur...
Nje guricke ne kepucet e shpirtit
e dole daljes se perdale
me nje ekuiliber per te ardhur keq
Nje engjell i lodhur ta ferkonte shpinen
hundesh te terhiqte
nje djall a nje dreq.

Do te duhej nje mal,
ndoshta dhe nje tjeter
per te bere njerine qe ishte ne ty...
po une kam mentalitet te vjeter
punoj vec me sy.
Perpiqem te te sajoj
paranormalisht,
me lojera te rrezikshme si rrufeja mbi dru...
do duhej nje mal te beje njerine qe ishe
dhe nje ure e forte
qe te te sjelle ketu.

ANONIMITET

U linda ne hije,
u rrita ne hije,
larg nga dritat e prozhektoret.
Me thane:
"s'ke intuite per te marre timonin,
ama,
paske shpatulla per te shtyre motorret."

Me thane te kyc gojen e te jem e duruar
se mbetet shpesh pa gje
ai qe lyp shume
e...teksa bindem prozhektoret fiksohen,
larg meje
e larg njerezve si une.

NE IDENTITET TE RI

Te kam tradhtuar jeta ime
une, objekti i vetem i yti
perse s'me shkele,
pse s'me braktise
perse s'me kape per fyti!!....

Por...
te kam dashur jeta ime
une, objekti yt i vetem
te dy u lidhem,
te dy u zgjidhem,
te dy se fundi mbetem.

Qejfpaprishur
si shaka publike,
nje-mije here
zilepsur e pergjuar,
me e pashmangshmja ishe
force e brishte
nga te gjithe sulmet
qe me kane sulmuar.

E pra ...
s'qeshe kala prej rere
shkemb qeshe si maje e Shkelzenit,
poho...
tu deshen vite te ndryshoje
menyren time
gjendjen e te qenit.

E te qenit gjume mengjesor
veshur gjithe arsye
kembe e koke,
e te qenit hipoteze e sigurt,
e te qenit bos me xhepat troke.

Shihme tani
kryet e kam ulur,
duke e bindur zemren fije - fije,
se bishti ne shale kur me sjell paqen
eshte nje xhest i vlefshem zgjuarsie.

Tash ne duar mbaj
ethe - etjen tende,
te brishte,
te tejzgjatur,
bere pe...
te kam pare prej saj te vesh cigaren,
te kam pare serish tek e le.

Korrigjove shijet edhe stilin
me prestigj lumenjsh po rrjedh ne mua,
gjysmes shpirtit me ke lene vajze
gjysmes tjeter
me ke bere grua...

SHTESE NE TESTAMENT

Eshte dimri im,
jane ethet e mia
eshte bora, krishtlindjet, caji i nxehte
shtepia...

Eshte dimri im....
eshte imi....
ku here fiton frika
e here guximi.

Eshte dimri im jo tjeter,
ku dashuri e re propozon
me formulen e vjeter.

Shiheni pra dimrin ne shpatullat e mia
kaluar
si mbi krahet e te atit femia
Me ka lodhur!
Sic lodh rendom ateistin besimi
e prape se perze
edhe pse dimer....
eshte dimer i imi.

TI VETE ME THE

Pse me ngre
me rrezon,
me pergjunj,
me sit
pse dalengadale me bluan...
Ti vete me the
se lojerat qe vrasin
si luan.

NEN DIELL

Tu duka tjeter?!...
Me thuaj si,
si tjeter tu duka...
Une deri dje e perditshmja
e thjeshta e normalja si buka.

Tjeterkund sheh sot parabola ime
e percepton vibrime kanalesh te reja
gjera qe me ty si njoha mire
si paqja ne shpirt,
hareja.

Dhe pi limonate me akull
nen diell, ku bertasin femija.
Tu duka tjeter?!...
Me thuaj si,
si e bardha
si e zeza
si grija?...
Po une e di
kot pyes,
e di si te jam dukur,
larg blefit virtual jetuar me ty
jam kthyer serish e bukur.

ZHVISHEM

Zhvishem,
nga gjithshka qe e zgjodha
e qe e vesha me deshire
nga gjithshka qe ma imponuan
a qe ma veshen me zor
kam nevoje te njihem me relievet e mia
ti nuhas,
ti shijoj,
ti prek me dore...
zhvishem...
e i shkel me kembe lekuret e vjetra
qe me prezantuan
sic mu desh e sic me deshet
ne kete lakuriqesi ndjehem e shpaguar
prej gishtit te kembes
tek veshet.
Dhe shoh
se ne kete harte te pashfaqur brendesore
paska shume te heqesh,
paska shume te shtosh
aty
ku jane tepricat
behet fjale per dhenie,
sic behet fjale per marrje
aty
ku ndjehem bosh...

TANI

Qaj shpirt...
pa drojen se s’duhet
pa drojen se te sheh njeri
jetoje te qaret si nje proces clirimi
te ngjashem me te berit dashuri.
Sepse te qash
ne vetvete do te thote te kesh pare
te kesh pare thelle
e thelle te kesh kuptuar
ne grafik te intimes eshte ajo ngritja e sakte
qe ndjek rrezimin tend te deklaruar..
Duket
proces i shkaperdredhur
i artificte
i bere enkas per te pafortet,
per ata
qe gjeten pak kerkimeve te shumta
per ata...
qe gjysme bosh e pane goten.
Mirepo te qash
do te thote te kesh kuptuar
koklavitjen e nyjes
vendin ku...
shkakun,
pasojen..
do te thote te cbirosh pertej mjegulles e murit
e vetes t’ia prekesh me duar nevojen,
qe te shtyu te klikosh ne taste te paduhura
ne taste qe nxiruan te qarten ne ty
tani
pa shiun e nje qarjeje te vertete
e ke te veshtire te marresh boten ne sy.
Ndaj tundu o shpirt bukur e denesshem
intensivisht e deri ne shfrim
te qaret s’eshte turp
eshte firma jote prej njeriu
te qaret
....eshte fillim.

PERMBI

E zhduk
cdo shenje te zakonte graviteti
kjo kembengulje e embel e pranise tende,
e mbi rutinen prej ozoni te asaj qe jam
pezull me ngre,
mbi persete e pafund ku capitem
pezull me ngre,
mbi friken sugjestive te stines qe na le,
mbi lirite e teperta
te pavena mire ne pune
pezull me ngre....
c’mrekulli kjo humbje e peshes
prej te ciles
rregullisht e perceptoj lunatizmin tim
qe me vecoi
e objekt kureshtjeje me beri
per te palehtet
qe mijera here
fytyres ma perplasen
rendesine e te qenit me “peshe”,
e te qenit mbi toke
e te qenit mbi kembe
e te qenit
domosdoshmerisht
e rende.

SHPERNGULJA


Qeme ne qe ne emer te vetegjetjes
injoruam balten
e u projektuam ne dimensione
qe s’di pse...
i percjellim ende gjeometrikisht ...
u shperndame krejt harrueshem,
grive te betonit
ne ngutje vogelsirash tejzene
sofistikisht...

Qeme ne qe injoruam balten
ne shtegtim te vetegjetjes
qe s’di pse...
kaq shume akcent i dhame
e rendesi,
ne emer te saj justifikojme vetehumbjet
vlerehumbjet
......mikhumbjet,
...........djehumbjet
ne emer te saj
u shperngulem ne gri...

E besomeni...
(ka gjasa)
qe ketyre grive te betonit
kurre kaq e njezeshme
s’do kish qene shperngulja,
sikur te na binte ne mend edhe nje here
qe vetem ne balte
e prej baltes
....... lind
.............lulja.

PSE


Kam fytyren e vellezerve te mi
qe jane si lumenjte pa shtrat,
qe kane ekuiliber termetesh
........................ndene hap.



Dhe kam ne maje te gjuhes nje pyetje naive
huazuar nga vellezerit e mi,
pse s’jane te njellojta perendimet
..........................kur dielli eshte po ai?...

PRONESI


Nga te “vertetat” qe i njoh
si ne permbajtje
si ne sasi,
me mbeti nje qe s’di te ngrohe
pa fluks,
si nate pa dashuri.
Ajo qe kam me spekulloi
me nje preteks naiv me lodhi,
improvizoi
furtune e gjume
e gjysmen e rinise me vodhi.

Kjo e “vertete” qe mire me njeh
tund koken
e cigaren thith,
si ta leshoj kur nuk me le
k’te ligj te rrepte qe duart lidh.
Dhe qarkullon me emrin tim
ka fatin tim
ne dore, ne vija
me ngjet kaq shume saqe me tremb,
si impotentin dashuria.

Ka te “verteta” qe i prek
qe s’duan shume filozofi
kushtojne pak
por te derrmojne,
sa nje zhgenjim ne llotari.
Nje me e brishte kryet s’e kthen
kozmike e shtrenjte si vetetima,
ajo do FAT
dhe gjunje te cjerre
e jo k’te thes me psheretima.
K’te thes me shpresa dhe k’te shqelm,
qe sillet qark e me prish pune
qe nen pushtet desha ti ve,
por nen pushtet pa droje me vune.

INDIFERENCE

S’te percollem dot
e na mbete brenda pragut
ka kaluar qe ahere nje jete,
veshe ca zakone e terbiete prej plaku
qe te te linim te qete...
E ne te harruam
se u harruam ne te tjera
e ti prej pragut u zhvendose ne oxhak,
prej oxhakut
na u zhvendose ne sofer
e keshtu pak nga pak...
E keshtu pak nga pak zure rrenje
me acaret e tua e me eren,
per t’na treguar se dimrat
s’u percillkan kollaj
po s’ia perplase turirit
veren...

PA ADRESE

A se kuptoni se porsi aisberget
pa koordinata po ecim,
kuturu...
pajisur me nje liri te rastesishme
qe nuk e gjetem
po erdh na gjet ketu.

Se porsi aisberget jemi
dhe po na shihet vetem dhjete per qind,
c’u desh te shihej
mbeti brenda ujit
si brenda pengut
mbeti cfare s’u lind.

Kalojme rreshqitas
here here edhe perplasshem
e cdo perplasje na vret ose na ndan,
te ndaret
s’ qenka ndarje e zakonshme
te ndaret
soll femijet tane.


Qe porsi ne qelluan pa adrese
pa koordinata ecin
kuturu
me nje liri fituar rastesisht,
qe qellimisht
mos u perdorte keshtu.

DORE E DYTE


Na lane prapa
ca gjera te vogla
qe s’u sforcuam t’i kuptonim menjehere,
hapja jone filloi kur u mbyllen portat
andaj qe e pavlere...

Hapja jone flet me frymen e ndare
te atij
qe erdhi me vonese,
se na lane pas
ca gjera te vogla
na lane pas per bese...

E mbetem
dore e dyte si plehu
qe ia vlen vec kur eshte i shperndare,
se pas na lane
ca gjera te vogla
qe na penguan
te ktheheshim
ne fare.

ATYRE QE KEMI MBI KRYE


Shume here
nuk ua vume veshin,
iu kthyem krahet
e heshtem...
se perdoret
formen me te veshtire
per t’na spjeguar
ate,
me te thjeshten.

Kur ju dhame teresisht
ne mirebesim
sic jepet
vajza e re tek ndjenja,
pritem prej jush te na i hapnit syte,
por na futet
ne terre te reja....

Ne gershete pikepyetjesh na lidhet
e stinet
na i mberthyet tek vjeshta,
se vazhdoni te perdorni
menyren me te veshtire,
per t’na i kryer...
... gjerat e thjeshta.

ME NDIHMO


Me ndihmo te gjej nje dalje
e ti iki denje sic i erdha
kesaj lidhjes sone te antitezes,
me ndihmo
t’i ruhem kesaj shperberje
duke zgjedhur
formen time te harreses.

Te gjej nje dalje qe te mos bjere ne sy
.sic ra ne sy
triumfi i vazhdimit,
me ndihmo qe mbi dy kembe te rri,
duke zgjedhur
formen time te harrimit...

Le te behet kjo shkeputje pa shkeputje
dashtas...
....qetaz
a me vetedije,
se do me djege dielli i pangopjes
po nuk e gjeta shpejt e shpejt nje hije.

KONFLIKTUALE


Me dolen kthetrat
kur armiqte me kthyen shpinen,
kur lufta u lodh
e u be pa interes.
Tash prej tyre vuajne njerezit e mi
"Bjermeni nje gershere ti pres"

Se une e di
s'jam peme e forte
e shumta mund te jem nje frut,
kam lindur per te qene kafshata juaj
kam lindur e bute.

VAKSINIM

Oh, netet qe dine te jene
vec perqafime me force serioze
me dhane imunitet per friken
doze pas doze.

S'jam me e privuar emocionesh
gozhduar dashurish qe s'dine,
qente e tyre lehen sa munden
ne fund me lepine.

SKENAR I VJETER

Me mbikqyrin sa kohe qe grua do te jem,
prej dashurise,paragjykimit,syrit te keq,
ne emer te tradites a kushedi...
...deficitin e ndjej ne llogari
n'ato mijera dite me shi.
Inventari i se djeshmes
i gdhendur keq ne mua:
kaq xheste burri,
shume plakje,
heroizem,sakrifica
e kaq pak
grua.