Poezi nga Përparim Hysi

Përshëndetje të gjithëve.
Në këtë temë të re që sapo hapa, do të keni mundësinë
që të lexoni me knaqësi, poezi dhe lirika të ndryshme
nga poeti Përparim Hysi.

Lexim të këndshëm.

Pastaj...

Buzën seç ta dhashë se aq shumë ngulmove
Por mëndjen sa s'lashë?! Më tej seç kërkove
Më kërkove gjirin; ta dhashë, ma kafshove
Sa nuk lashë fiqirin, aq "keq" ma punove.

Domosdo që thirra, aq shumë mua më dhëmbi
Pastaj më ra pika, kur më hyri "gjëmbi?!"
Gjëmbi seç më "shpoi", sa më "përvëloi"
Unë mbeta pa gojë... ti mbete pa gojë...

Përparim Hysi
17 mars 2006

Mu në vërsë të pleqërisë.

Mu në vërsë të pleqërisë
Më erdh maji i djalërisë
Dhe më tundi, dhe më shkundi
Pleqëria iku, humbi

Humbi,humbi pleqëria
Se u kthye djalëria
Edhe nisem, për ku nisem
Mu tek mikeja bitisem.

Mu tek mikeja hane-hane
Që më ka akoma sharme
Sharme ka, po ka dhe ojna
Unë, tash, djalë e marrë hopa.

Hopa pra, e ngre në krahë
Dhe e puth me oh, me ah!
Puth e puth dhe sa u ngopa
"Punën" që nisa, e sosa...

Përparim Hysi
25 maj 2009

Trëndafili i bardhë

Një trëndafil i badhë më përshëndet
Dhe ikën, vazhdon rrugën
Po mua mëndja atej më mbetë
Dhe ndjek pas saj gjurmën

Kjo ndodh çdo ditë si krejt rastësisht
Po rasti-mbreti i botës!
E pres çdo ditë (po krejt rastësisht?!)
Se më lojit çargu i kokës

Kur ja tek vjen,e bardhë si borë
Buzëqesh ajo vesh më vesh
Po unë, i shkreti, po digjem horë
Buzëqeshja e saj më ndez

Ashtu, symbyllur, e zgjata dorën
(e zgjata krejt rastësisht?!)
Por ajo ma rriti horën
Me puthjen mrekullisht

Përparim Hysi
5 mars 2002

Mëndjen dhe zëmrën i lashë...

Mëndjen dhe zëmrën i lashë në Shqipëri
Me trup jam këtu, me mëndje aty
Se atje i kam me miq e me shokë
Këtu jam i vetëm; pothuaj si shkop!

A shtyhet jeta i vetëm si murg?
Ç'është e vërteta, këtu nuk mund
Nuk lihet vëndi siç bëra në kët'moshë
Ah, hall ç'më bëre? Më hoqe "osh!"

Më hoqe "osh!", pothuajëse zvarrë
Mbushem maraz e shfryj si djall...

Përparim Hysi
25 mars 2001

Në çdo varg

Në çdo varg që zë e shkruaj, mu në fund vendos një rimë
Sepse ndryshe do të vuajë, vargu im zë e mbërdhin.
Në mungesë të rimës unë, vë, ndonjëherë, asonancë
Ndryshe zë e më ankohet: më thërret në interpelancë?!

Pse ti,zoti Përparim, që na shkruake gjithonë vargje?
Pse atje nuk kishte rimë? Mos u prish ajo, jotja magje?
Në mos rimë, po asonancë a s'më thuaj pse nuk vendos?
Tjetër herë, nga vjersha "marrsh!", ndryshe vjershën e djallos.

Përparim Hysi
10 tetor 2001

Pse kam heshtur?

Kam heshtur kaq ditë jo se nuk kam muzë
Por stresi si çiban i keq nuk më lë.
I qetë nuk jam...dhe po bëj një pauzë
Ndoshta,"çlirohem" dhe vjershërimin zë.

Se më këndojnë në kokë mbi dyzet kumria
Të jenë kumuri? Ato ku m'i gjenë?
Po janë kumuritë, peshqesh nga vetmia
Që nuk më lënë të qetë dhe mëndja-ujem...

Përparim Hysi
21 tettor 2002

Detyra

"Po s'pranojmë asnjë poet
Që vajtimin nuk e zmbraps
Tutje, prej vetes së vetë."
(Gëte)

Dua, s'dua do ta përzë
Defo-sun nga unë vetmia
Se deyra nuk më lë
Se po pret poezia.

Nga i mënçmi veç mësojmë
(Të mësuar, po çfarë mësimi!)
Poezinë unë do filloj
S'është më vetëm, Përparimi.

Përparim Hysi
14 prill 2002

Blerimi nga vargjet po ikën

Blerimi nga vargjet po ikën; po thahet, siç duket, bari
E, ku ta gjej blerimin, unë këtu, qyqari?
Burimi ku unë pija,duket se u tha
Dhe fyellit në i bija, as vrima më nuk ka.

Muza, pothuaj, iku: nuk di se ku u fsheh?
Gjtihçka të mirë humba, kur ika nga atje.

Përparim Hysi
12 gusht 2001

Si një pus që po thahet

Si një pus sa vjen e thahet
Shkoi e shteri muza ime
Poezia nga unë ndahet
E paçë gjatë si mysafire.

Mysafiri, një ditë ikën
Kështu ndodhë me muzën time
Mua kjo "ikje" më shtie frikën
Në s'do kthejë, zëmra thërrime.

Përparim Hysi
16 gusht 2001

Erdhi muza

Erdhi muza, u kthye mikja
Që e paçë unë mysafire
Nuk zgjati shumë"ikja"
Po bleron kjo jeta ime.

Bashkë me muzën do shetisim
Nëpër vënde, nëpër vise
Dhe me vargje do "ujdisim"
Plot probleme që duan "zgjidhje"

Edhe pak do englendisemi
Nëpër "qoshka" dashurie
Ndonjëherë, edhe do grindemi
Se dhe jeta s'bën pa grindje.

Përparim Hysi
20 shtator 2001

Vargjet

Vargjet më kanë lidhur si skllav në pranga
S'shkëputem prej tyre; "dajaku" vlon varda!
Kështu që, sa ngrihem,duarët mbi karelë
Dhe shkruaj një varg a vjershë që del.

Një ditë që s'shkruaj, më duket si bosh
"Pronari" kët radhë, më ka thënë: - Mos u lodh!
Dhe vargjet i shkruaj ashtu siç i ndjej
Merak për lexuesin (vallë, do t'i pëlqejë?!)

Përparim Hysi
16 tetor 2001

Mbeta pas poezive të mia

Si një adoloshente para pasqyrës,
Mbeta unë pas poezive të mia.
Ndërsa ajo tualet i vë fytyrës
Unë korregjoj dhe shoh për rima.

Ajo vrapon jashtë se është e dashuruar
Unë mbeta brënda si ditën të kem prerë.
Se unë pas vargjeve, ja, jam dashuruar
Kjo "dashuri", noksan më bën shpesh herë.

Përparim Hysi
15 korrik 2001

Të shkruash vjersha

"Të shkruash vjersha, ç'punë e bukur
Veçëse kushton shtrenjtë.
Ndërsa librat zënë e rriten
Zekinat mbarojnë shpejt"
Gëte

Gjithmonë nga një vijë, gjithmonë nga një rresht
Të soset, të soset, edhe sot kjo vjershë.
Se dita me ditën, gjithmonë nuk ngjajnë
Dhe nata me natën: të ndryshme janë.

Sot del një temë e nesër një ngjarje
Me vete e them dhe zë e hedh në vargje.
Po nata? Si nata? Ç'bujashka bie lumi?!
I mbledh ato, sa zgjohem nga gjumi.

Sa zgjohem nga gjumi, direkt mbi makinë
Se ndryshe motivi, ikën,. mbërdhin.
Ndonjëherë ngrihem natën; koha nuk pret
Vete shkruaj vargjet (se jam, pak, poet...)

Përparim Hysi
19 maj 2001

"Vizita?!"

Mbrëmë, në mesnatë, Gjysh Wuollti më erdhi për vizitë?!
Domethënë, shkruake vargje, - më thanë, - mor jezit!
Ke vendosur, siç duket, të bëhesh poet, me demek?!
Ja, tek ta thotë Gjyshi: - DO mbetesh pa brekë!

Kaq tha Gjysh Wuollti dhe qeshi hi-hi
S'arrita më ta pyesja (u zgjova, unë, tani...)

Përparim Hysi
23 korrik 2001

Nuk e di

Nuk e di se ç'kanë me mua Poetët?
Ke parë ti? Nuk më lënë rehat!!!
Sa ikën njëri, bromp vijnë të tjerët
(më vjen dhe pak turp: më gjejnë në krevat?!)

Domethënë, me ta flas në ëndërr
(ku ma mban mua që të flas me ta?!)
Vjen Sharl Bodleri me një"brengë - zhgjëndërr"
Paul Valery vjen ca më pas.

Ky më vjen si një muzg i brishtë
(më servir një vdekje të rreme, të re, më të vyer se jeta?!!!)
Bodleri vjen me "Brenga e Parisit"
(ku përzihen "ferritokësor me qiellin e endjeve", ç'është e vërteta?!!!)

Unë po, natyrisht, mbeta me gojëhapur
(tamam si "Liza në botën e çudirave")
Ku kam çape unë me ta për t'u matur
(të keqen që qe ëndërr; shpëtova sëkëlldive)

................................

Nuk e di se ç'kanë me mua, Poetët?!...

Përparim Hysi
23 korrik 2001

TY...

Ty vërtet që nuk të harroj
(Gjithmonë të kujtoj të qeshur!)
Po ç'sy që kishe, moj!
Sy që ngjallnin dhe të vdekur.

Një buzëqeshje aq kuptimplote
Dhe sytë një lumë me të fshehta
Më dukeshe aq magjiplote
Sikur kishe zbritur nga legjenda.

Seç kishe diçka si veçan
Që nuk e kam hasur në femër tjetër
Dhe aq e humba unë toruan
Sa harrova fare që jam i vjetër.

Kam kapur shumë femra me duar
Po zjarr me duar nuk kam zënë
Se ti qe e gjitha si zjarr
Ndaj zjarr e "hi" u bëmë.

14 shkurt 2004

ZËRI YT

Zëri yt është si një thirrje
Si thirrje më duket mua
E di pse ndodh kështu, moj mike?
Ndodh se unë të dua.

Në pejëzat e zërit lexoj,
Lexoj e shoh një të fshehtë
Kjo ndodh se të dashuroj
Dhe zëri si fshehtas më flet.

Më flet dhe më zbulon mistere
( mistere që aq mirë i njoh)
Dhe mbushem plot atëhere
Ndaj zë regëtij me"oh!".

"Oh!" se nuk të kam pranë
Sa larg që je! Sa larg!
Dhe zemra zë ofshan,
Dhe shpirti im me plagë.

Ky zë peshë më çon
Tutje, mu në Fier!
Fierin ma afron
Veç për një copëherë.

Por kaq nuk është pak
Më bëhesh ballë për ballë
Ballsam mbi timen plagë
Dhe mbytem unë me mall.

FLORIDA, 31 maj 2004

Humbi

Humbi shansi, humbi fati
Shkoi e vate, mecenati!
Mbetën vjershat në sirtar
Stiva rritur-bërë mal!

Shkrova, shkrova sa u lodha
As më njohe, as të njoha
Pra, ku ishe? Asgjëkundi
Gjithë çfarë shkrova, do të humbi.

25 gusht 2006

Era e ngrohtë e marsit

Era e ngrohtë e marsit ta hapi fustanin
Mua më tramaksi dhe sa nuk dhashë xhanin
Se të doli gjiri-cullak: na, përjashta!
S'duroj se jam plak, o moj, që të qafsha!

S'duroj se kam "cipë?!", jam në moshë të shkuar
Më të rëntë një pikë, sa më ke shkalluar?!
Hiç nuk e mbulove (xhani shumë ta dashka?!)
Ah, se ç'më tundove! Plasa, mike, plasa!...

17 mars 2006