Poezi nga Dritëro Agolli...

DESHIRE PER HESHTJE

Te heshtesh fillikat diku ne kafe,
Te ndjekesh shushuritjet ne filxhanet
Pa nje mendim te keq, pa zhurme e llafe,
Te shohesh shiun tek kercen ne xhamet;
Te heshtesh ne enderrim per dicka tjeter
Dicka te larget mjegullit mbuluar
Si doreshkrim a testament i vjeter
Diku i fshehur, tretur e harruar;
Te ngrihesh e te ikesh perseri i heshtur
Ne trotuarin ku peshtyjne rete,
Nen sqetull canten viteve te rrjepur,
Ku mban nje laps me dy-tri-kater flete;
Ti lutesh vetes rruges duke ecur:
"Ah, mjaft fjalosem, s'kemi c'themi prape!...'
Nje credhe zogu ne ballkon ka mbetur
Nga vere e shkuar plot me ankth e vape.

DESHIRA IDEALE

Ti je kaq e brishte e kaq e mire,
Ia kalon ne bote dhe me te bukures,
Aq sa poezine e kam deshire
Ta shenoj per ty ne krah te flutures.
Futura pastaj te marre dhene
Tu tregoje maleve dhe fushave:
"Shkruan vargje nje poet me pene
Edhe sikur kraheve te fluturave..."

PO TI NUK JE

Nuk je kurrkund. Kjo dite e nxehte e gjate
Mbuloi me pluhur rrugen gjer ne fund
Veshtroi ne zheg, ne pluhurin e thate,
Po ti nuk je kurrkund.
Dhe me gishtrinj mbuloj fytyren time,
Pastaj kemishen e renduar shkund,
Nga pluhuri perdhe rrezohen therrimt
Po ti nuk je kurrkund.
Jam gati te kerkoj cdo kokerr pluhuri
Dhe ne kerkim si arkeolog te humb,
Vec te te gjej, e humbura qekuri,
Po ti nuk je kurrkund.

TE SHTHUR DICKA

Me jepni dicka te shthur,
Per shembull, nje xhoke prej plaku,
Nje torbe dervishi te mbajtur dikur,
Apo nje qylaf te gjate shajaku.
Mjafton te kem per te shthurur dicka,
Dicka ne bodrum a ne guve,
Per shembull, litarin e varur ne tra,
A breket qe mbathte nje kurve.
Vertet, marimanga e fjetur ne mur
Ka thurur qe prej kohesh nje rrjete,
Ma lini rrjeten e ndritur ta shthur,
Me fijet e saj te bej nje xhakete.

HAMESIT E MEDHENJ

Ju futni dhembet
Ne muskujt e kuq te domates
Me sy te caplyer plot neps e plot epsh
Ne sheshin e skuqur te pjates,
Ku behet kjo lufte e pergjakte,
Kjo lufte agresive
Qe kurre nuk hesht.
Prej buzeve tuaja
Degjoj lebetitjen e qengjit te bute,
Degjoj renkimin e vicit qyqar
Pa ngopur ende me jonxhe e me bar,
Degjoj nga mustaqet tuaja ne formen e furces
Tmerrin e pules dhe lepurit te fushes.
Ketu, ku ju perpiqni krahe e buze e gishtrinj,
S'veshtroj tryezen, po luften.
Ne muskujt e qenieve te gjalla dhembe e turinj
Te pergjakur u futen...
Ju shoh
Dhe dridhem si flete e lofates
Me duket sikur i futni dhembet
Ne muskujt e mi
Dhe jo ne muskujt e kuq te domates,
Ju hames,
Triumfatore te luftes me emrin lakmi.

PSHERETIMA

Keto kembka c'te bukura jane,
Keto kembka ne fundet e shkurtra!
Cfare u bejne e me cfare i lajne
Keto kembka te bukura?

Te me vrisnin keto kembka te bukura
Te me shtrydhnin, s'desha gje tjeter,
Mjaft te kisha pak caste te lumtura
Qofte dhe i shtypur si pjeper.....

PER FEMIJE E PER TE RRITUR

Gjyshja gjyshit nje mengjes
I kanosej ne veture
"Po s'me bleve "Mercedes",
Marr nje tjeter gjysh per burre".

VECSE NJE ENDERR

Ja keshtu, ti erdhe, ndenje, ike
Dhe sikur ketu nuk ishe kurre
S'erdhe si e dashur, por si mike
Thjesht si vizitore tek nje burre.

Per takimin, tjeter enderr kisha,
Tjeter doli,sic u ndodh ne bote
Enderrova ne kulm te trendafilta
Si nje vere a trendafil ne gote.

Dhe megjithate them faleminderit
Ti me dhe nje fluturim mbi nje enderr
Neper porten hapur prej ylberit
Dhe s'ka gje se endrra ishte zhgjenderr.

DHE SIKUR

Dhe sikur ne bote ti mos ishe,
Do jetoja si cdo gje qe jeton,
Vec pa ty kjo bote do levizte
Sic leviz pa ngrohje nje vagon.

S'ma zevendeson ti boten mua,
S'te zevendeson as bota ty,
Por sa boten sigurisht te dua,
Kur jetojme e vdesim tok te dy.

LETRAT

Kur dashuroheshim ne kohen tone
Kur tretesha e digjesha per ty,
Nga njeri tjetri letrat vinin vone
Kalonte dhe nje muaj apo dy.

Po ndofta dashuria mbahej gjalle
Se zjarrin mbanin letrat ne udhetim
Me biciklete a mushke a me kale
Ne vape e shi, debore e thellim.

Kur dashuroheshim ne kohen tone
Me zor na vinin letrat fshat-qytet
Nuk kishim neper dhoma telefone
Dhe ne enderr s'kishte faks dhe internet.

Megjithate me mire qe nuk kishte
As telefon, as internet, as faks,
Se fjale e nisur shpejt dhe mund te vriste
Nje dashuri te vjeter , per nje cast.

NATEN DUKE U MENDUAR

O njerez te lajthitur neper nate
U vrate nen ballkonin tim per dokrra!
S'ka rendesi nga ishit ju te ngrate,
nga Mati, Tropoja, a nga Mokrra.

Tek pi mes tymit, flas menduar
Sikur me shekuj rron nje fis i marre
Perjetesisht ne urrejtje bashkuar
Cuditerisht ne dashuri i ndare!

PAS REVOLTAVE

Ata qe ne sheshe gjemuan
S'u ngrysen heronj as ne lista
Ata qe ne sheshe pergjuan
U gedhine ministra....

Kjo s'eshte as cudia e pare
S'do jete as cudia e dhjete
C'ti besh historise se marre
Kercen si di vet!..

RASTESITE

Ne supin tim papritur erdhi te ulej nje flutur,
Nje sup te tille kjo flutur c'pati qe zgjodhi?
Te thuash se sihte nje sup i bukur,
Gjepura! Kjo duhej te ndodhte dhe ndodhi!

Shume gjera s'dime pse ndodhin ne lufte a ne paqe,
Per shembull, s'te zuri mes luftrave plumbi,
Ne paqe te vjen nje grerez, me thumb te thumbon ne faqe
Dhe ti, qe s'viqe nga plumbi, vdes nje dite nga thumbi....

NISJA DHE KTHIMI

Kur nisem per udhe
Me ndrit cdo gje e kam shprese,
Kur kthehem, kam gjume,
Dicka fillon nga vetja ime te vdese....

TRUPI

Atdheu nuk eshte as ofiq as merite
nuk eshte as mekat e as faj
po thjesht trupi im, trupi yt.

Nese do ta mbash te gjalle perdite
te shendetshem e mbaj
ne ka mundesi, pa nje lyth.

ATDHEUT

I bera per ty sherbetore
cdo muskul, kocke e cdo gisht
krah teje s'njoh kishe e shenjtore
nuk njoh Muhamet apo Krisht.

Nese me kerkon, do te thote
te duhem, prandaj me kerkon;
rabecke te jem neper bote,
dragua te vij, kur me fton...

PERSERI PER TOKEN

Une token si njerke kurre s'e kam pare
po e kam pare si nene
dhe po te mundja henen do kisha marre
dhe ne gjoks si gjerdan do t'ia kisha vene...

TURKESHA


Dikur kam njohur një Turkeshë
Nga vendi i largët Adana
Me sy te zezë e vetull zezë
Me flokët lyer me këna
Ajo ne vesh më pëshpëriste
Si fërfërima në zabel
Po fërfërima ish turqishte
Si varg divani "çok gjyzel"

Çudira pranë saj mendoja
Çudirat merrnin rrugën vrap
Këtë turkeshe kur pushtoja
Unë Anadollin, bëja zap.

Nga buzët rridhte një turqishte
Si rrjedhin rimat në gazel
Turkesha këngët përshpëriste
"Ah, Arnaut , gjyzel gjyzel"

Turkesh e dashur, kjo që ndodhi
Të kishte ndodhur atëherë
Kur Krujën digjte Anadolli
Ç'do kishim bërë moj e mjerë?

S'do mend qe kokën Skenderbeu
Ma kishte prerë si karpuz
"Tani kur flakë digjet dheu
Ti puth Turkeshën mor domuz?"

Dhe ti mbi trupin tim do bije
Do shaje Krisht e Muhamet
Mes kujës faqet do t'i çirrje
"Ah! Arnaut! medet medet."
Por gjer këtu s'do kisha rënë
S'do kisha kohe për sevda
Pusi diku do kisha zënë
Atje mbi muret ne kala.

Kjo histori është e trilluar
Kur isha largë në Adana
Betohem, hiç s'kam dashuruar
Ndonjë turkeshë me këna!
E ku ta lija një lanete
Një xhinde Shkodre, një kaproll
Ajo me not do çante dete
Dhe do më gjente në Anadoll!

Po kjo s'do thotë se si dua
Syzeskat turke si gazel
Kur çel si bahce, rrjedh si krua
Nga buzët verbi "Cok gjyzel".

XHEVAHIRI I FJALES

Më kërkove rrugëve të Korçës.
Perëndimi ulej atë çast këmbëve të saj,
thyente kokën nëpër kalldrëme,
gurët bëheshin fjalë xhevahir.
Në kërkim të tyre nuk e di
më gjete a të gjeta.

Erdhi një kohe,
që besuam se erdhi,
diku në një cep dhjetori 'nentedhjete,
besuam se gjetëm rininë e shpirtit të humbur,
nën dritën e xhevahirit të fjalës së lirë
nuk e di,
më rigjete a të rigjeta.

Eshtë një kohë tani,
që nuk e di në është...
Rrugëve të botës
enigma e fjalës na bën ende shënjë.
Rend unë a rend ti,
të kërkoj a më kërkon,
nën dritën e xhevahirit të gjuhes sonë,
të gjej a më gjen
nuk e di...

Do vdes duke të kërkuar,
do vdes duke të gjetur,
nën driten e një xhevahiri,
xhevahir të fjalës, që nuk vdes!

I PERNDJEKURI I DASHURISE

Une jam i burgosuri yt
Rroj me prangat qe ti me ke vene
Po cudi as qelia s'me mbyt
Dhe s'me mbyt as dritarja e zeze

Kur ti prangat m'i hodhe ne mish
Une i putha duart e tua
Eshte rast i pashembullt ta dish
Qe xhelatin ta puth a ta dua

I perndjekuri yt erotik
I perndjekur te mbetet gjithmone
Erotim i mire a i lig
Hidhmi duart ne fyt, torturome

Ky burgim sa do zgjase s'e di
I perjetshem do kisha deshire
Vec ti eja me shih ne qeli
Te perndjekurit tend i vjen mire.

NJE SHKREPESE

Ndizme, vella nje shkrepese
nen qiellin e zi,
Nje shkrepese te brishte shprese
ne erresiren me shi.

Ne erresiren e dhjamur si pelte,
Kur ndihet te zbrese acar.
E dini c'do te thote nje shkrepese,
Nje fije e holle si bar?

RAPSODI

(Selim Hasanit, kengetarit te Laberise)

Ku shkund guret qafe e shpatit,
Mardhur bore, djegur vape,
Mbushe, xha Selimi i Bratit,
Dy hejbe me kenge labe.

Ere plumb e ere predhe,
Ere prush e ere brenge,
Ere dushk e luleshqerre
Binin-binin ato kenge.

Se hejbete ne senduke
Per t'u mykur nuk i vure,
Po i more cuke me cuke,
Selim Brati me poture.

Dhe mbi malet e perpjete,
Mardhur bore, djegur vape,
Prape i zbraze ti hejbete
Mbushur plot me kenge labe.

I percolle, larg i nise,
Neper gjurme gjelberimi:
"Shikoni, bija, merrni viset
Ju bekofte xha Selimi"!

KUR NJE MENGJES

Do te jete mengjes e une do te vi patjeter.
Mbi xhaketen time do te kene rene petale
Nga lulet e kumbulles se vjeter,
Nga lulet e thanes se tharet.

Ahere ti s'do te jesh zgjuar akoma.
Une do te them emrin tend ne xhame
Dhe do te vershellej te dashuren kengen tone:
"Ti cele heret, moj bajame!"

Do vershellej ngadale-ngadale
E s'do prish gjumin tend te bukur.
Do bien mbi mua petale
E do ulet ne sup nje flutur...

E, kur syte te hapesh, do te shohesh
Romantikun e perjetshem ne xhame
Dhe kengen e dashur do njohesh:
"Ti cele heret, moj bajame!"

ENDERR E PRERE

1.
Mos vdis, se pas shirave aren e mbushi bari,
Ka rene ne ullishte mize e ullirit.
Hardhia duhet sperkatur shpejt me gurkali
Dhe ende s'ka dale nga plisi kercelli i misrit
Ne enderronim te benim nje anije,
Kurkush s'e mendonte me c'dru do ta ngrinim,
Kishim ndermend ta ndertonim me dege hardhie
Dhe vela ti vinim.

Bodrumet e saj t'i mbushnim me poce me vere
Dhe te lundronim ne ishujt e Havajes;
Ta pinim veren me vajzat e ishujve ne Belvedere,
Zezaku te bente fresk me fleten e palmes.

2.
Mos vdis se kalit i ra ne vrapim nje patkua
Dhe nisi ta ngreje nga dhimbja kemben e pare;
Kerkojme patkonj e s'na jep njeri hua,
S'e gjejme as nallbanin e marre.

Ne enderronim te shkonim ne hipodrome,
ne vende te lumtura ku munden me kuaj,
Tani dhe kali calon e s'na ha as barin e njome;
me sy si gota na sheh si te huaj...

3.
Mos vdis, se dielli ne oborr e ka shtruar sofren e madhe
Dhe presim te vijne vajzat te gjitha,
Te gjitha ato qe ti u thoshje "sorkadheve",
Kur grisnin fustanet ne driza.

4.
Mos vdis ne dhomen e heshtur i shtrire
Eshte turp kaq shpejt te rrish e te vdesesh!
Ne enderronim nje vdekje me te mire:
Duke vdekur, fytyrat tona ti shihnim ne piken e veses.

MIU DHE LUANI

Dhe sa e pane luanin,
kafshet iken,
se deri ne palce iu futi daten, friken,
vec miu i vogel fare nuk tronditej,
i shihte me sy dhe cuditej......


Cuditem o miq si po ndodh kjo pune,
te trembesh nga nje zdap i madh kaq shume????
Te ishte mace, epo mire....
por nga nje buf si ky te rrish gjakngrire!!!!!!

Nga kjo ka dale nje proverbe e herrshme,
per miun, vetem macja eeshte e tmerrshme.......