Partnerët e një lidhjeje në largësi shumë të ndjeshëm dhe xhelozë!

Partnerët e një lidhjeje në largësi shumë të ndjeshëm dhe xhelozë!

Nuk është e lehtë që një dashuri në largësi të jetojë për shumë kohë. Të paktën nuk ndodh gjithmonë kështu. Kur partneret janë larg njëri-tjetrit nuk mund të bisedojnë lirshëm sepse çdo mjet komunikimi do të krijonte keqkuptime. Dhe çdo kush do ta kishte të vështirë të sqaronte keqkuptimet me njeriun e zemrës pa e pasur përballë. Të gjithë këto keqkuptime, largësia, pengesat e ndryshme do të ndikonin negativisht në ndjenjat e partnerëve duke shkaktuar ndarje. Prandaj e rëndësishme është të veprosh në një mënyrë të tillë që të shmangësh keqkuptimet dhe pengesat duke bërë që një marrëdhënie t’i mbijetojë kohës dhe largësisë.
Keqkuptimet duhen sqaruar, prandaj mos shko në shtrat pa sqaruar më parë një keqkuptim që mund të ketë lindur gjatë bisedës të bërë në largësi. Dhe duhet thënë që në kushte të tilla keqkuptimet janë të pranishme më tepër se ç’duhet. Largësia është e tmerrshme. Mund të zihesh edhe për gjëra që në rrethana të tjetra thjesht mund të të bënin të qeshje. Dhe pasojat e një zënke që vjen në kushtet e një distance të largët janë vërtet të pakëndshme. Gjithmonë mundohuni që mos e mbyllni komunikimin me të duke përplasur telefonin me inat apo duke shkëputur lidhjen përmes internetit pa thënë natën e mirë. Më mirë sqaroni gjithçka dhe fli pastaj e qetë pa inate dhe brerje ndërgjegjeje. Të nesërmen do të ishte shumë e vështirë për t’iu rikthyer të njëjtës bisedë për të bërë sqarimin e lënë përgjysmë.



Largësia shkak për xhelozi

Duhet të jeni gjithmonë të qartë dhe të hapur në ato që thoni dhe përpiquni që të mos lini asgjë të paqartë apo ndonjë qoshe ku partneri të ketë mundësi të hamendësojë. Partnerët që mbajnë një lidhje në largësi janë gjithmonë shumë të ndjeshëm, madje edhe shumë xhelozë. Më mirë zgjat kohën duke treguar edhe detajet më të vogla, sesa të lësh boshllëqe që lënë vend për të dyshuar apo për t’u keqkuptuar. Mos i lër asnjë shteg që të “notojë” nëpër mendimet e tij të stërholluara që mund ta çojnë në keqkuptime. Të flaksh në distancë dhe të tregosh diçka qoftë edhe shumë të rëndomtë, nuk është e njëjta gjë si të komunikosh ballë për ballë, kur ke mundësi të kontrollosh gjestet, veprimet dhe shprehjet e fytyrës. Të kesh një lidhje në distancë nuk do të thotë aspak që ti duhet që gjatë gjithë ditës të rrish e ngjitur pas telefonit dhe të presësh me ankth telefonatën e tij. Përpiquni të jeni sa më aktive duke mos lënë pas dore as partnerin e as angazhimet dhe argëtimet tuaja. Fakti që partneri juaj është larg nuk do të thotë që ju duhet mbylleni brenda dhe të mos keni jetën tuaj aktive. Duke pasur aktivitetin tuaj, ju do të merreni gjithë kohës me diçka dhe do ta vuani edhe më pak largësinë. Kjo do ta bëjë disi më të lehtë situatën që po përjetoni, e cila nuk është aspak e këndshme për dy njerëz që duhen.



Afërsia virtual

Sot mund të përdoret teknologjia për t’u afruar me personin që doni. Mund të shfrytëzoni gjithçka, telefonin, internetin, e-mailin, chat-in etj. Kurrë më shumë se sot teknologjia nuk ka qenë një aleate e fuqishme për argumentin në fjalë, pra për ata që dashurojnë për së largu. Dhe këtu nuk e kemi fjalën vetëm për e-mailin apo për një program të thjeshtë chat-i. Sot ofrohen programe komunikimi në distancë që të lejojnë komunikim më të ngushtë sesa thjesht një telefonatë apo mesazhë e e-maile. Bota e internetit instalon “webcam-era”, që të japin mundësinë jo vetëm të flasësh dhe të shkruash, por edhe të shohësh në sy sikur ta kishe pranë.



Efektet e marrëdhënies

Të kryesh marrëdhënie seksuale rregullisht të ndihmon të flesh më mirë dhe të ndihesh i plotësuar me energji mëngjesin pasardhës. Natyrisht, një pushim i mirë është hapi i parë për të arritur kontrollin më të mirë të stresit gjatë gjithë ditës. Nuk është shumë e nevojshme të nënvijëzojmë se gjatë aktivitetit seksual e gjatë një eksitimi të rastësishëm gjaku pompohet shumë më shpejt nëpërmjet arterieve dhe venave. Kjo lejon një oksigjenim shumë më të mirë të lëkurës dhe organeve, e sigurisht edhe të trurit. Në këtë mënyrë, përmirësohen edhe më shumë performancat e trupit tonë në çdo nivel, si në atë fizik, ashtu edhe në atë intelektual. Nëse ke nevojë të kthehesh në formë të shkëlqyer dhe të bësh një pastrim, duhet të provosh që të zëvendësosh dietën e përditshme dhe të shtosh më shumë seksin në jetën tënde. Janë e provuar shkencërisht efektet pozitive që sjell aktiviteti i rregullt seksual.



Shprehja e ndjenjave

Gjithmonë është menduar se meshkujt dinë më shumë për seksin, se janë ata që e fillojnë atë, se janë ata që kanë shtysa më të forta seksuale. Të gjithë besojnë se gratë janë marrëse pasive ose studente të vullnetshme. Mendohet se meshkujt duan seks, ndërsa femrat duan dashuri. Një klasifikim i tillë i ngurtë i njerëzve, sipas përkatësisë gjinore është i gënjeshtërt dhe i dëmshëm. Ndoshta çështja nuk është fare te shtysa seksuale e meshkujve, por te fakti që meshkujt janë rritur me të tjera mënyra të të shprehurit të ndjenjave të tyre. Akti seksual është një prej atyre pak mënyrave të lejueshme për një burrë që ai të tregojë afri për dikë. Për shumë meshkuj, ky është i vetmi moment i pranueshëm në të cilën ata mund të shprehin ndjenjat e tyre të butësisë dhe të dashurisë. Ndoshta është ky kufizim, dhe jo ndonjë shtysë e lindur seksuale që nuk mund të shtypet, që i nxit meshkujt kaq shpesh të ndërmarrin nismën për aktin seksual.



Tradhtia në çift

Duket se në çështjen e tradhtisë femrat dhe meshkujt janë të ndarë në dy kampe pa asnjë të përbashkët. Secili justifikon veprimin e vet dhe sheh me sy mjaft kritik atë të tjetrit. Nëse do të kishim parasysh disa nga motivet që shtyjnë një mashkull në tradhti si p.sh. etja për eksperienca të reja dhe pamundësia për t’i bërë ballë tundimit, nuk shihet ndonjë arsye se përse femrat duhet të bëjnë përjashtim. Të tilla arsye fare mirë mund t’i shtynin edhe ato të bënin të njëjtën gjë. Të tradhtonin. Shumë të rralla janë ato femra që e pranojnë një gjë të tillë. Femra përdor tradhtinë e tij për të qenë e justifikuar për një veprim që ndoshta nuk ka guxuar për arsye të ndryshme ta bënte më parë? Të tjerë mendojnë se një femër nuk ka nevojë fare për arsye. Ajo tradhton dhe kaq. Femrat në karrierë kanë më shumë mundësi të tradhtojnë. Kjo për arsyen se duke qenë se mund të ndihen disi të plotësuara me veten, kërkojnë fusha të reja për të eksperimentuar.

Shume e vertete, largesia e ben nje gje te tille ne nje lidhje dashurie.

Gjithmone ka qene keshtu qe largesia e pakeson dashurine edhe e largon nga ndjenjia sepse ne largesi mundet te shtohet mundet te largohet edhe per kete fillon xhelozia sepse eshte gje qe nuk mundesh te kontrollosh nga larg kjo gje vjen edhe nga mosbesimi i njeri tjetrit

Largesia eshte ajo qe ngjall edhe ndjenjat e mosbesimit me apo padashje, keshtu qe te shtyjne qe te behesh edhe xheloz per pak e shume.

Ndodh edhe kjo largesia eshte nje faktor me mjaft ndikim por dihet tek dashuria e ndertuar mbi frymen e ndjenjave sinqerta besueshme dhe mirkuptuese nuk ndodhe por si dihet ka ka tym ka edhe Zjarr

normale e quaj kete se largesia ehste probelme per lidhjet....gjithmone egziston ndjenja e pasigurise.....