Poezi per Nenen, nga shkrimtare te ndryshem Shqiptare.

Pershendetje miq dhe anetare te nderuar te ketij forumi.

Po e nis kete teme, ne te cilen do te keni mundesine te lexoni dhe ne te njejten kohe edhe te shkruani ndonje poezi kushtuar Nenes, nga poete te ndryshem Shqiptare.

Shpresoj qe poezite qe do te lexoni ne vijim tju pelqejne.

Lexim te kendshem.

AGIM DOÇI - NËNËS

Puthi foshnjen dhe e riti
Puthi qiellin dhe e ndriti
Puthi plagen e sheroi
Vetem Nena

E puth ballin celin lule
E puth gushen me pekule
Puth ajo inati ulet
Vec nga Nena

Themi NENE kur na ther zemra
Dhe kur s'eshte buzeqesh nder endra
Se eshte Nene e dashurive
Mal nga dhembja

Nina nana na perkundi
Dore e saj e bardhe si pllumbi
Vec nga Zoti dhe nga nena
Celet jeta

Hap i saj i lehte si flutur
Kur ne dhembje vjen i pari
Zeri saj aq shume i bukur
Zgjon te vdekurin nga varri

Pershnetje Tigri dhe urime per temen dhe poezit e bukura qe ke postuar.
Shpresoj qe n'vazhdim t'lexojm akoma te tjera poezi per Nenen.

Gjith t'mirat.

Daniela shkruajti:
Agim Doçi - NËNËS

Puthi foshnjën dhe e rriti!
Puthi qiellin dhe e ndriti!
Puthi plagën e shëroj!
Vetëm Nëna!

E puth ballin, çelin lule!
E puth gushën, me pekule!
Puth Ajo - inati ulet
Veç nga Nëna!

Themi NËNË!
kur na ther zemra!
Dhe kur s'është buzqesh ndër ëndrra!
Se është Nënë e Dashurive
mal nga Dhëmbja

Nina nana na përkundi
dorë e saj e bardh si pëllumbi!
Veç nga Zoti dhe nga Nëna
çelet Jeta!!!!!!

Hap i saj i lehtë si flutur
kur ke dhëmbje vjen i pari....
Zëri i saj aq shumë i bukur
zgjon të vdekurin nga varri!

O Daniela, po kjo poezia ishte qe ne fillim te temes!
Gjithsesi poezi shume e bukur.

Dalan Luzaj - Nje Nene

Sa lot kish derdhur ne vetmi,
sa "ah"! tek zoti pat derguar,
kete vec shpirti i saj e di
dhe zoti lart n'e paste degjuar.

Gjithcka qe prekte behej lot
dhe loti ndriste syte e tretur;
ah, mrekullite qe kish kjo bote,
kaq mizorisht ia pati fshehur.

Gjithe zine e mbledhur neper jete
a thua vdekja do t'ia trese?
E luti vdekjen "eja shpejt"-
dhe vdekja s'mund te mos e merrte.

Xheladin Hamza - NËNËS SIME

Në ëndrrën e natës që iku pa kthim
Ti nëna ime, mendimet mi përkëdhele
I bëre të mëndafshtë
Si flladi i verës në mbrëmje...

Kujtimet për Ty
Zbritën qerpikëve të mi
Të larë me lot...

Mbi varrin tënd u përkula
E hapa portën e zemrës së djegur
Ajo u gjunjëzua totalisht

Elhamin zëshëm ta këndova
Shpirti më dridhej si në ankth
E fjala më mbeti në fytin e tharë...

Mbi mollëzat e faqeve
M’u rrokullisën lot dhembjeje
Ranë mbi varrin tënd
Me lule mbuluar
Ku ti rehatshëm fle, nëna ime!

Leke Gjoka - Nenat

Kur dhimbja ne shpirt të gjuan me shuplaka merzije
dhe dielli shpirtëror te shikon me inat
kur dita e lodhur ta fiku semaforin e fatit
vjen nena si ne nje ëndërr të arte.

E dhimbja ne çast iken rreshqathi te mbytet ne det
dhe dielli shpirteror te fal ledhatime
fati te merr ne krahe pa pertim e tuj qesh
merzija e mbyll rubinetin e nuk ka me shi dhimbjeje!

Nena kjo ndienje e qeshur si vete pranvera
por kur ajo është mungese
ke gjithmone tallaze shpirterore
dhe asnjehere ndienjat nuk kane me qeshe !..

Pershendetje.

Kam deshire te falenderoj nga zemra nismetarin e temes per kete permbledhje poezish kushtuar Nenes dhe ne vecanti te gjitha penat shqiptare per rreshtat e shkruara neper dekada te gjata per Nenen, krijesen me te mrekullueshme ne bote.

Ju uroj gjithe te mirat ne jete.

Ju falenderoj te gjitheve ju qe i keni postuar keto vargje te bukura per nenat, dhe ne vecanti dua te falenderoj Poetet, qe i kane shkruar keto vargje, duke i'ua kushtur Nenes, qenies me te bukur ne kete bote.

Urime per temen dhe poezite kaq te bukura, qe i jane kushtuar qenies NENE, qenies me te bukur dhe me te shtrenjte ne kete bote.
Shpresoj qe te postoni edhe te tjera poezi te ketilla ne vijim.
me respekt nga une Marsela.

Shume te bukura poezite me lart.
I pershendes thelle nga zemra te gjithe ata qe i sollen poezite e mesiperme duke mos lene pa permendur edhe autoret e poezive.

Shpresoj qe ne vazhdim te lexoj edhe te tjera poezi te tjera te ketilla.

Klofshi mire.

Avni Biqkaj - DASHURI NЁNE

Me dashuri mё rriti
Nё djep mё pёrkundi
Jetёn ma shndriti
Kot s’i shkoi mundi

Mё puthi prore në faqe
Aq shumё mё uroi
Lule manushaqe
Mua më pagëzoi

Në prehrin e saj
Sa shpejt u rrita
Kurrё nuk mё la nё vaj
Asnjёherё nuk u mёrzita

Nёnёn time të shtrenjtë
Sa shumё qё e dua
E kam si lule të blertё
Aromё mё fali mua

Gjeto Turmalaj - Per Nanen...

Ashte pake kange pa fund me kendue,
Ashte pake vargje pa fund me shkrue,
Ashte pake me i thur hymne pa ja nda,
Ashte pake me ja fal zemren qe ajo ta ka ba.

Prej krahnorit te saj vjen ne jete,
Ne dashnin e saj shpresen e mbshtet,
Ne momentin ma te veshtir "thrret o Nane",
E bekimi i saj te mbulon ne cdo ane.

Se ashte krijesa ma e madhe e dashnis,
Se ashte shpirti ma i madh i ngrohtesise,
Edhe kur te mbaroje drita e diellit e hannes
S'ka per te mbarue madhshtija e Nanes.

Ejvis Maria Xhajanka – Nena ime...

Larg në mall, atje më mbete.
Shtrëngoj shpirtin të mos qaj,
shtrëngoj zemrën të mos tretem,
shtrëngoj grushtat të të mbaj.

Ti më do përherë të lumtur
shpirti yt kurrë nuk ankon,
ikjen time sheh symbushur,
aeroplanësh që nxitojnë.

Më sjell mbrëmjen dhe agimin
lutjesh të ngrohta më ndriçon,
që nga larg ma jep bekimin,
po ah, sa shumë më mungon…

Ibrahim Kodra - O Nene...


Nuk i ndiej më ledhatimet e tua të ëmbla
ashtu si era e prillit që përkëdhel lulet,
o nënë.
Ku je fshehur?
Nuk e shoh më buzëqeshjen tënde,
sytë e tu, sytë e tu gjithë vëmendje,
që asnjëherë nuk lodheshin
së ndjekuri ecjen time të pasigurt.
Ishe gjithçka për mua.
Fytyra jote: më e bukura
mes muzave.
Dhe flokët e tu
të gjatë e të zinj
mbulonin faqet e gëzueshme,
kur gjoksi ngjallte ngrohtësinë
nëpër venat fëminore.
Tani ku je fshehur?
E freskët në kujtesën time,
rikthehu, o nënë,
të përkëdhelësh fytyrën time të lodhur.

Ylli S. Hoxhaj - Ku te te gjej?!...


Nënë, kur të kisha këtu,

kurrë nuk kam menduar se ka një tjetër Perëndi.

Ishe Ti.



Jetoja me Perëndinë nën një çati,

Dhe isha me atë çdo orë e sekondë.

Isha më i mbrojturi në këtë botë:

ndihesha njeri e hyjni,

Sigurisht,

Isha me ty...



Si më humbe ti kaq pa pritur?!

Pa adresë fluturove?!

Po rrah yje e galaktika,

Me ata më gjason e me ato më trazohesh...

Ku më shkove?!



Kam dhjetë vjet që jam jetim,

pa ty, moj nënë!...

Kur ishe Ti:

I kisha: Perëndi e Nënë.

Besar Shkembi - Nenes

Ti qaje bashke me mua
kur si foshnje qaja une
kurre nuk lodheshe
kur une te leja pa gjume


Kur une qeshja
ti laheshe me gazin tim
rruget m´i paraoje
ditet i mbushje me bekim


Bashke me shtatin tim
te rritej shpresa per jete
ja po me rritet djali, thoje
do t ' kam pleqeri te qete


Por qe do qe fati
larg, shume larg me treti
bash si teja drurin
po me ha gurbeti


Ti vdiqe pa te pare
dhe kjo po me mbyte
me fal per te gjitha
te lutet biri yt

Ndue Ukaj - ZANI I NANËS

I ambël asht zani i nanes,
Prehja e qetë e andrrave të patrazuara
I ambël si zog ditëve pranverore me melodi të magjishme
Aty shkëlqejnë sytë e thellë të botës,
Aty si tërmet pëlcet dashuria
Shkëlqen dashuria me rreze të pandërprera
Më të veçanta, më të papërsëritura
Oh, sa i ambël është zani i Nanës
Bashkë me tingujt e mëngjeseve të jetës,
Bashkë me Abc-të e magjishme të ngritje ramjeve
I ambël është, po i ambël asht zani i Nanës
Blerimeve të gjelbëruara pranverore
Nën puthjen e rrezeve të para diellore
Të ngritje-ramjeve nëpër gjunjë të përgjakur,
Oh, sa i ëmbël është zani i nanës.

Julia Gjika - Malli yt

Ti ishe nëna më e bukur.
Clodheshe duke dëgjuar muzikë.
Pranë radios, vije veshin.
Ashtu në këmbë,
vetëm pesë minuta.
Ne femijët s’të jepnim kohë.
Unë të pyesja:
C’thonë ato fjalë , c’thotë ajo këngë
Të lutem perkthema mam.
Ti më ledhatoje duke thënë:
S’është për ty, je e vogël..
Tani që ti nuk je
të kuptoj nëna ime
Ti s’dëgjoje vec muzikën,
por gjuhën e nënës që të lindi.
Malli yt nga sytë e tu
në zemren time hyri,
për të mos harruar nga vije.

Pershendetje dhe urime per poezitee bukra qe pakeni postu