Si të menjanosh xhelozinë dhe sjelljet e dëmshme për çiftin?!

Si të menjanosh xhelozinë dhe sjelljet e dëmshme për çiftin?!

Përzgjedhja e partnerit mes shumë “pretendentëve” dihet prej të gjithëve që nuk është e rastësishme. Për këtë ndikojnë shumë faktorë: ëndrrat, fëmijëria, psikologjia e individit, personaliteti, shoqëria, pse jo edhe fati e instinkti. Por që në fëmijëri secili nga në ka një imazh: princ apo princeshë e ëndrrave. Personi që përshtatet me këtë imazh është gjithashtu personi më i mirë i mundshëm që mund të na ndihmojë për të punuar me traumat e fëmijërisë. Duket normale që një vajzë e rritur me një baba jo besnik ndaj nënës së saj të kërkojë të martohet me një djalë besnik. Por kjo nuk ndodh shpesh. Një vajzë e tillë priret të bjerë në dashuri me një imazh që i ngjan të atit, jo sepse ndjen nevojë t’i përsëriten “traumat e fëmijërisë”, por sepse vetëm një burrë i tillë që i ngjan të atit mund t’i japë asaj çfarë nuk ka marrë nga ai. Dëshiron t’i ngjajë atij, por t’i sigurojë çfarë nuk ka mundur në fëmijëri. Të eliminosh xhelozinë, mund të duket një mision i pamundur. Por është e mundur të reduktosh sjelljet e dëmshme për çiftin. Në pjesën më të madhe të rasteve është e vështirë të ndryshosh një njeri xheloz, sepse ai është i bindur në arsyet e ndjenjave të tij. Por me pak takt mund të reduktohen manifestimet e ankthit dhe agresivitetit të lidhura me xhelozinë.
Më poshtë radhiten disa këshilla të ekspertëve, të cilat tregojnë se si të përballesh me një partner xheloz.

- Diskutoni problemin tuaj vazhdimisht me partnerin, mundohuni të ruani bisedën në një nivel të qetë, për të qenë bindëse dhe aspak kundërshtare për mendimet e partnerit.

- Risigurojeni atë që çdo gjë shkon mirë mes jush. Asgjë nuk ju pengon që çdo gjë të realizohet sipas dëshirave tuaja. Mjafton që ju të bashkëbisedoni për gjithçka.

- Jini kërkues, por jo agresivë. Nëse flisni me nervozitet, ju mund të thoni në fillim atë që duhet thënë në fund, apo nuk duhet thënë fare.

- Mos jini alarmues. Jepini çdo gjëje kohën e vet. Nëse do e bëni alarmante një gjendje, nervoziteti vetëm sa do e tensionojë gjendjen.

- Matuni para se të flisni në mënyrë që të shmangni konfliktet e panevojshme. Jepni ide bindëse dhe qarta, jo gjëra të pamenduara mirë, për të cilat mund të pendoheni më vonë.

- Bëhuni të këndshëm dhe të qartë në bisedat me partnerin. Duke qenë e dashur më të, mund t’i falni ngrohtësinë dhe besimin që i mungon. Një partner xheloz e ka atë ndjesi të lindur dhe nuk mund të gjykohet për këtë, por vetëm të ndihmohet për ta kapërcyer.

- Jini fleksibël dhe mësoni të bëni kompromise. Jo gjithmonë duhet të bëni si doni vetë. Jeta në çift do të thotë ta pranosh partnerin si është, me të mirat e të metat e tij. Duhen bashkëpunim dhe përshtatje.

- Të kuptuarit është vetëm një pjesë e përballimit të këtij emocioni ndaj partnerit.

- Përpiquni të kuptoni ndjesitë e tij apo të saj dhe mos u përpiqni ta bëni atë të ndjehet në faj.

- Përpiquni ta mbështetni partnerin tuaj sa më shumë të mundeni.

- Duke i krijuar një komoditet të përkohshëm shpesh mund të ndihmoni në zgjidhjen e problemeve me partnerin, dhe si rrjedhim mund të çrrënjoset tërësisht xhelozia.
Megjithatë duke ndjekur këto këshilla nuk mund të pretendohet se problemet zgjidhen papritmas dhe situata mund të avullojë vetvetiu, pasi ndihma profesionale mund të jetë shpesh e nevojshme.

Imagjinata seksuale:

Seksi fillon në tru. Kështu që një imagjinatë aktive mund të nënkuptojë se jeni gati për seks përpara se një tregues fizik ta vërtetojë këtë gjë. Në këtë mënyrë dëshira dhe nxitja seksuale janë në një nivel më të lartë. Disa njerëz besojnë se një imagjinatë seksuale aktive mund të jetë baza për të pasur një marrëdhënie seksuale shumë të larmishme si në romantizëm edhe në seks. Kjo mund t’u vijë në ndihmë në mënyrë të veçantë partnerëve të cilët nuk kanë karakterin e aventurierit. Por nga ana tjetër, nëse mendoni se të eksperimentoni në shtrat është një eksperiencë e sikletshme, fantazia ju ofron mundësinë të lini të lirë imagjinatën tuaj dhe të bëni atë që nuk do ta kishit menduar asnjëherë. Fantazia seksuale mund të përdoret si një arenë praktike ku mund të ndërtoni besimin përpara se të nisni diçka më të fortë. Në terapitë fiziko-seksuale imagjinata përdoret zakonisht për të bllokuar mendimet negative.

Stimulantët dhe emocionet:

Me jetën seksuale psikologët britanikë lidhin edhe rezultatet në punë e në jetë, pasi, sipas tyre, pas një nate të zjarrtë në shtrat njerëzit janë psikologjikisht më stabël e për rrjedhojë më eficentë në gjithë aktivitetin e përditshëm, pasojë kjo edhe e ndikimit që luan ky faktor në të gjitha problemet që kanë të bëjnë me pagjumësinë. Për të shkuar më pas te ndikimi i drejtpërdrejtë te enët e gjakut e te faktori psikologjik, duke u bërë njëherësh edhe mjekimi më i mirë kundër depresionit. Ekspertët tregojnë arsyet të cilat e gjallërojnë një marrëdhënie dhe e ushqejnë atë pa pushim. Dashuri, tërheqje, apo dëshirë janë faza e parë e të përbashkëtave në çift. Raportet intime në çift, mund të jenë të stimuluar nga shumë nxitës dhe emocione të tjera, më egoiste se ato që përmendën më lart, pra më tepër se thjesht ato stimulues shpirtërorë. Pulsoni erotik, libidoja frojdiane, nuk është i vetmja arsye që i shtyn meshkujt dhe femrat drejt një raporti seksual.

Impulset dhe ndjenjat:

Është e rëndësishme që të theksohet se ndërmjet pasionit fillestar dhe atij të mëvonshëm vihen në punë zona të veçanta të trurit, të cilat janë të lidhura me impulset dhe ndjenjat që ndiejmë kur jemi në një lidhje të stabilizuar prej kohësh. Të dhëna, të cilat konfirmojnë edhe nga ana neurobiologjike ndjenjën e dashurisë që rritet me kalimin e kohës. Mënyra e të reaguarit për të njëjtën ndjenjë është edhe nga ana cerebrale e ndryshme. Në trurin e një femre të dashuruar aktivizohen më së tepërmi zonat të cilat janë të lidhura me emocionet, përkujdesjen, dëshirën dhe përkushtimin e madh. Ndërsa pjesa më e madhe e meshkujve, shpjegojnë përgjegjësit e eksperimentit, kur bien në dashuri kanë më të aktivizuar zonat të cilat janë të lidhura me eksitimin seksual. Për të vetmuarit studiuesit këshillojnë konsumimin e çokollatës, sepse kjo e fundit stimulon zonat që e këtij stimuli në tru.